ماجد ومروة وام 44 في كارفور

**Karim_Monir** · 10-07-2010 04:44 PM

سلام عليكم يا احلى اعضاء
حبيت اناقش موقف عيشته يمكن بسيط جدا لكن يعكس فلسفة هامة جدا كشعب مصري
لماذا اصبحنا نعشق التقليد بدون سبب
وويكلفنا هذا مبالغ طائلة جدا جدا
والموقف لفت نظري لاننا في الاصل منتدى سيارات
منذ ايام وقبل ماطلع اجازتي السنوية كنت في كارفور المعادي بشتري شوية مستلزمات للبيت وكمان مستلزمات السفر والاجازة
وكنت واقف في ركن مستلزمات السيارة بدور على منتج معين وبدون قصد سمعت حوار من وراء ضهري والاسماء حقيقية مع تحريف بسيط فعلا كما سمعتها منهم والحوار كان في منتهى الجدية:

ماجد :ايه رايك يا مروة اجيب الدودة دي للعربية الجديدة
مروة:حلوة يا ماجد
ماجد:واجيب كمان واحدة لتابلوة لقدام كمان
مروة:طب ودي هاتشوف منها
ماجد: اه هاشوف مانا بشوف عربيات كتير حاطيبنها قدام وسايقين بيها
مروة خلاص هاتها بس تفتكر هانعرف نحط علبة المناديل قدام
ماجد:ايوة او لو التابلوة طلع صغير نحطها جنبي
مروة:مانت حاطط التلاجة الايس بوكس بيني وبينك عشان فيشة الولاعة
ماجد مش مهم نحط علبة المناديل في اي حتة
مروة:خلاص هاتها
ماجد:ودي بقي نحطها فين

هنا التفت عشان اشوف هو ماسك ايه(ماسك ام 44 صغيرة في ايده)
ونسيت اقول انه انتشر شكل غريب بالون كتيرة مثيرة للتقزز البصري لشكل الدودة العملاقة ام 44 بيحطوة على تابلوة العربية الامامة والخلفي
هنا سمعت صوت غريب ولقيت واحدة تانية واضح انها اخته او اختها بتقولو ودي لزمتها ايه كمان
ماجد:بشوف ناس برضه حطاها في عربياتها
مروة:هاتها وخلاص حطها على السماعات
ماجد:ماهو هاتسد صوت السماعات
الطرف التالت بتريقة:خلاص حطها على رجليك واهو برضه تونسك
ماجد:ماشي يا ظريفة(ولسه ماسكها في ايده عمال يتخيل هايحطها فين)
وفجاأة ماجد :هاحطها على زجاج الباب الخلفي
مروة بتريقة هي كمان ونفاذ صبر ماشي خدها

لقيت ماجد حاطط في عربية التسوق 2 ام 44 كبير و 2 صغيرين

عايز اعرف البتاعة دي لزمتها ايه وليه نحطها في العربية اللي هي اصلا ضيقة
وكمان نحط وار وواحدة قدام
و2 على زجاج الابواب
مبرر ماجد انه شاف الناس حاطاها في عربياتها
هل ده مبرر اننا ندفع فوق ال 100 جنيه في حاجة تلخمنا وتعملنا تشتت بصري
وبعد شوية تلم تراب الشارع كله ويبقي منظرها قذر ولا هايغسلها ولا هايجي جنبها زي مابنشوف في عربيات كتير
للدرجة دي اصبحنا شعب بيعشق التقليد وبنشتري حاجات تافهة مالهاش لازم
وننفع دولة زي الصين بملالاين الجنيهات سنويا
تلاجة عربية تتحط جوة الصالون!!!!!!!!!!
وكمان حاططها بين الكرسيين الامامين!!!!
انا عندي تلاجة عربية على شكل شنطة
لكني بخدها في السفر فقط او مسافات هاحط فيها مثلجات اكثر من 3 ساعات
لكن جوة صالون العربية في مشوار ربع ساعة ولا نص ساعة ولا ساعة حتى
ايه السفه ده
فانوس رمضان وسكتنا واشترناه على مضض ماهو عادة وليها ذكريات
لكن اني اجيب فانوس قبيح على شكل كرومبو ولا شكل نانسي عجرم ايه الحلو والذكريات الجميلة
انا بجيب فانوس لولادي بس بشكله الجميل التقليدي وكل سنتين تلاتة لو اتكسر من كل سنة
يا ريت نبطل نقلد شوية ونشتري دباديب نملي بيها العربية وتتحول لشكل قبيح مالي العربية
ونشتري من الصين اللي ينفعنا بس مش نشتري عمال على بطال
ونشيل فلوسنا لحاجة مفيدة ولما نصرفها يكون ليها هدف من انفاقها
واما نتبرع بيها لمحتاج احسن واهو ناخد ثواب دنيا واخرة
عذرا للاطالة ولكن الاستفزاز كان زيادة
سلام عليكم

**M.Osman** · 10-07-2010 05:50 PM

هي دي خدمة " إفرسني شكراً " اللي اصبحت متوفرة في الشوارع المصرية !!

**blazer** · 10-07-2010 05:52 PM

!
ربنا يكون فى عونك استحملته ازاى
الناس فى مصر بتقلد وخلاص
ممكن ميعملوش حاجه صح وهما شايفنها صح عشان ميبقوش مخالفين لأغلبيه الناس
و يعملوا الغلط عشان يبقوا زى باقى الناس
دوده ايه دى اللى احطها فى العربيه
هى ناقصه حشرات
الحشرات ماليه جو مصر ربااااااانى
العيب مش على الصين العيب على اللى بيشترى من الصين
انا متأكد ان مفيش حد فى الصين حاطط الدوده الغبيه دى فى عربيته

**تامر.محمد** · 10-07-2010 06:21 PM

باحييك و الله على وجهة نظرك و على اخر 4 سطور يا استاذ كريم
انا كنت فاكر الستات بس اللي فيهم العيب ده

**yoko** · 10-07-2010 06:28 PM

والله عندك حق وكل ما بشوف البتاعة دي في عربيه ببقى عاوز انزل اكسر العربيه وأضرب الي فيها ومش شايفلها أي لازمة غير فلوس على الفاضي

**Islam_galal** · 10-07-2010 06:36 PM

أنا بصراحة عجبتني أول مرة شفتها من حوالي سنتين أو أكثر و لما لقيتها سألت عليها كانت بحوالي 140 جم ، صرفت نظر فورا

ملحوظة: هي عجبتني علشان حتلهي العيال عني مش عشان شكلها

**amr.mostafa** · 10-07-2010 06:55 PM

المشاركة الأصلية كتبت بواسطة Islam_galal

أنا بصراحة عجبتني أول مرة شفتها من حوالي سنتين أو أكثر و لما لقيتها سألت عليها كانت بحوالي 140 جم ، صرفت نظر فورا

ملحوظة: هي عجبتني علشان حتلهي العيال عني مش عشان شكلها

كام كام .........

والله ما تجيب 5جنيه

-

-

-

الموضوع: ماجد ومروة وام 44 في كارفور

LinkBack

أدوات الموضوع

عرض

ماجد ومروة وام 44 في كارفور - انشر الموضوع فى :

-

-

-

-

المواضيع المتشابهه

سؤال للاسكندرانية هو كارفور اسكندرية اتنهب واتسرق زى كارفور المعادى؟؟

كل سنة و انت طيب يا ماجد باشا (Migo123)

أسد البحار ابن ماجد

الكلمات الدلالية لهذا الموضوع

المفضلات

المفضلات

ضوابط المشاركة