-
العربية بتاكل بنزين
السلام عليكم ورحمة الله وبركاتة
اخوانى الكرام عندى العربية 128 1300 سى سى م 91 بتاكل بنزين بتعمل فى الصفيحة حوالى 150 كيلوا داخل البلد وانا مسافرتش يبيها من سنة كاملة فامش عارف معدلها اية فى السفر هل دة معدل طبيعى داخل البلد ولا فيها حاجة عاوزة تتظبط مع العلم انى لسة مغير بوجيهات وابلاتين وكوندنسر بس انا من ساعة ما جبتها من سنة منضفتش الكربراتير فارجو افادتى وشكرا انا بستعمل بنزين 80 وشكرا
-
تقريبا الاستهلاك كده طبيعى داخل البلد
خصوصا ان البلد دلوقتى كلها واقفه وشوارعها زحمه جدا
وبرضه اعمل سرفيس ونظف الكاربراتير وغير البوجيهات
والابلاتين والكوندنسر وشوف الزيت اخباره ايه
وشوف النتيجه
-
شكرا على الرد اخى الكريم بس انا لسة مغيرر البوجيهات والابلاتين والكوندنسر والزيت انا ماشى دلواتى حوالى 2000 كيلو وهو كدة فاضلو 1000 كيلو وانزلة يبقا فاضل الكرابرتير ها شوفة وانضفة
-
الاستهلاك فى السفر بس تقدر تحدد بس غيركده متقدرش تحدد
-
أخي الفاضل
إستهلاك البنزين بيتحسب بس على الطرق السريعة
لكن داخل البلد ..العربية وهيا على الأول والتاني بتاكل أكتر بكتيرررررررر
وقفتك في إشارو والعربية شغالة ...بتااااااكل كتيررررررررر
مشيك بالراحة في طريق زحمة ...بتااااكل كتير
فهمتني
-
فى الصفيحه المفروض تعمل 170-200كم و الصفيحه يعنى 20لتر
-
صعب تحدد الاستهلاك طبيعي او لا داخل البلد
-
شكرا اخوانى على الرد والافادة
-
غير بيك السلانسيه فى الكاربيراتير وهاته 105 او 110 لان البيك ده نع الزمن بيوسع وهوه السبب فى ان العربيه بتاكل بنزين
-
طيب اغير بيك السلانسية فقط ولا اغير معاة البيك بتاع البزين كمان وشكرا لك اخى على الرد وعلى جميع الاخوان اللى قامو بالرد
Content Relevant URLs by
vBSEO 3.6.0 PL2