الناس الي اشتروا من القاهرة - هو شهادة البيانات لازم تروح تختمها بنفسك

السلام عليكم

معلش انا أسئلتي كترت بس ده من عشمي في اجدع ناس

انا طبعا مستني ورق العربيه علشان الترخيص

انا أخدت منه بس لحد دلوقتي : صورة من محضر الاستلام - كتالوج العربيه والكاسيت - كتيب الصيانه (اصفر اللون)

الموزع الي اشتريت منه قالي انه هيطلعلي جواب المرور وشهاده البيانات في 48 ساعه بس قالي ان شهادة البيانات دي لازم اروح اختمها بنفسي من بين السرايات؟؟ دي حاجه كلكه عملتوها؟ ولا ايه النظام؟


ثانيا هل كتيب الضمان هو الكتاب الاصفر الي مكتوب عليه maintenance ؟ لانه انا استلمت كتيب الصيانه ده مع العربيه لكن مش مختوم زي مانا قريت هنا ان كتيب الضمان بيتختم

أرجو الافاده

لأ طبعا المفروض بتستلمها مختومة!!!

اقتباس:

---

المشاركة الأصلية كتبت بواسطة yoko

لأ طبعا المفروض بتستلمها مختومة!!!

---

بص هو قالي انه انا لازم اروح اختمها من الفرع الرئيسي في بين السرايات ولازم المالك هو الي يروح بنفسه

وقالي ان ملاك المرسيدس - البي ام - الرينو - فولكس : يعني كل العربيات الي جايه من بره بيروحو بنفسهم يختموه من هناك؟؟

هو انا بصراحه مش متأكد هي الورقة الي عايزه اني انا اروح اختمها بنفسي هي شهادة البيانات ولا الافراج الجمركي؟

يعني بالمختصر لو حد اشترى من التوكيل واتطلب منه نفس الموضوع يقولنا

طب ما انا لسه جايب اللينيا وجايه من بره إدوني كل الورق خلصان وعلى الترخيص على طول والشهاده كانت مختومة ومتغلفة
أما الضمان على حسب الشركة يعني فيات بتديهولك مع صيانة ال5 الاف

مفيش اى ورق بتروح تعمله بنفسك

لنا مارحتش غير على المرور للترخيص
اخذتها خالصة

بصوا يا شباب انا كلمت المندوب الي في الميكانيكيون العرب وكيل رينو وده الي انا جبت منه

قالي ان كل العملاء بيعملوا كده

انا باخد جواب المرور (الي هو شهادة البيانات) ملزوق فيه ورقة الافراج الجمركي وبروح بيهم على مرور بين السرايات في الجيزة اختمه لان ده زي مركز رئيسي للمرور وبعدين بروح بقى ارخص في المرور الي انا تبعه
وقالي ان ده الاجراء المتبع مع كل العملاء بتعهم

اقتباس:

---

المشاركة الأصلية كتبت بواسطة mohamedhmk

بصوا يا شباب انا كلمت المندوب الي في الميكانيكيون العرب وكيل رينو وده الي انا جبت منه

قالي ان كل العملاء بيعملوا كده

انا باخد جواب المرور (الي هو شهادة البيانات) ملزوق فيه ورقة الافراج الجمركي وبروح بيهم على مرور بين السرايات في الجيزة اختمه لان ده زي مركز رئيسي للمرور وبعدين بروح بقى ارخص في المرور الي انا تبعه
وقالي ان ده الاجراء المتبع مع كل العملاء بتعهم

---

دول بيستهبلوا لإن الطبيعي إن كل يومين تلاته يطلع مندوب من عندهم يخلص الحكايه دي والزبون ميرحش غير المرور!!!!!!

فى الكارنز عند محمد زكى قالى برضه انى هاخد الورق اختمه او فى مندوب بيعمل كده بس هدفع 100 جنيه
دفعت و خلصو موضوع الورق ده

اقتباس:

---

المشاركة الأصلية كتبت بواسطة mohamed_selim

فى الكارنز عند محمد زكى قالى برضه انى هاخد الورق اختمه او فى مندوب بيعمل كده بس هدفع 100 جنيه
دفعت و خلصو موضوع الورق ده

---

+1111111111111111
محمد زكى بيقدم الخدمه دى
العربيات الى جايه من التوكيل نفسه بيروحوا اصحابها يجبوها من مرور بين السريات

ع فكرة انا كمان حاجز من المكانيوكيون العرب وقالى نفس الكلام مع واحد اسمة حمادة علام
انا دافع ثمن العربية كلها بس لسة مستلمتش
شوف لو كدة احنا ممكن نروح مع بعض نخلص الورق دة

معلش ده بيبقى استهبال من اصحاب المعارض علشان يريحوا نفسهم , انا لسه مشترى لوجان من السبع وادونى الورق خالص مخلص طلعت على المرور رخصت وقتى

و انا كمان شاري من معرض جنب البيت و المعرض ده بيجيب من معرض السبع و ادوني الورق جاهز علي المرور علي طول من غير ما اروح في حتة

مش كل المعارض بتخلص الورق يا جماعة
وهو أصلا مشوار بسيط وبيخلص فى نص ساعة قبل ما تروح على المرور
مش مستاهل يعني،

اقتباس:

---

المشاركة الأصلية كتبت بواسطة mohamedhmk

بصوا يا شباب انا كلمت المندوب الي في الميكانيكيون العرب وكيل رينو وده الي انا جبت منه

قالي ان كل العملاء بيعملوا كده

انا باخد جواب المرور (الي هو شهادة البيانات) ملزوق فيه ورقة الافراج الجمركي وبروح بيهم على مرور بين السرايات في الجيزة اختمه لان ده زي مركز رئيسي للمرور وبعدين بروح بقى ارخص في المرور الي انا تبعه
وقالي ان ده الاجراء المتبع مع كل العملاء بتعهم

---

هو ده الطبيعى لما تشترى من التوكيل مباشرة
لكن لو شارى من معرض او موزع الوضع بيختلف

اقتباس:

---

المشاركة الأصلية كتبت بواسطة cementman

هو ده الطبيعى لما تشترى من التوكيل مباشرة
لكن لو شارى من معرض او موزع الوضع بيختلف

---

ده كلام سليم وميه ميه
+111111

اقتباس:

---

المشاركة الأصلية كتبت بواسطة eng_logan

ع فكرة انا كمان حاجز من المكانيوكيون العرب وقالى نفس الكلام مع واحد اسمة حمادة علام
انا دافع ثمن العربية كلها بس لسة مستلمتش
شوف لو كدة احنا ممكن نروح مع بعض نخلص الورق دة

---

اقتباس:

---

المشاركة الأصلية كتبت بواسطة mohamedhmk

بصوا يا شباب انا كلمت المندوب الي في الميكانيكيون العرب وكيل رينو وده الي انا جبت منه

قالي ان كل العملاء بيعملوا كده

انا باخد جواب المرور (الي هو شهادة البيانات) ملزوق فيه ورقة الافراج الجمركي وبروح بيهم على مرور بين السرايات في الجيزة اختمه لان ده زي مركز رئيسي للمرور وبعدين بروح بقى ارخص في المرور الي انا تبعه
وقالي ان ده الاجراء المتبع مع كل العملاء بتعهم

---

تمام كل الكلام
انا شارى من الميكانيكيون العرب و حمادة برضو هو الى اتعاملت معاة
فى بين السرايات لازم مالك السيارة بالبطاقة هو الى يطلع شهاددة بيانات
انت بتروح للراجل ياخد المبايعة بتاعت eim و معاها صورة الافراج الجمركى مكتوب علية طبق الاصل و معاة بطاقتك و بتدفع 5 جنيهات فقط و تستنى شوية يديك شهادة مغلفة مكتوب فيها رقم الشاسية و الموتور
و بتطلع بيها على المرور التابع ليها

اقتباس:

---

المشاركة الأصلية كتبت بواسطة vicogm

تمام كل الكلام
انا شارى من الميكانيكيون العرب و حمادة برضو هو الى اتعاملت معاة
فى بين السرايات لازم مالك السيارة بالبطاقة هو الى يطلع شهاددة بيانات
انت بتروح للراجل ياخد المبايعة بتاعت eim و معاها صورة الافراج الجمركى مكتوب علية طبق الاصل و معاة بطاقتك و بتدفع 5 جنيهات فقط و تستنى شوية يديك شهادة مغلفة مكتوب فيها رقم الشاسية و الموتور
و بتطلع بيها على المرور التابع ليها

---

تمام .. مأنا لسه عامل كده :10D5C8w1107:

وحماده فعلا شخص كويس ومتعاون جدا

تحياتي

اقتباس:

---

المشاركة الأصلية كتبت بواسطة mohamedhmk

تمام .. مأنا لسه عامل كده :10d5c8w1107:

وحماده فعلا شخص كويس ومتعاون جدا

تحياتي

---

مبروك يا باشا و ابقى متنساش التقييم المبدأى