بيجو 505 89 طياره..مواصفات و ايه !!!

السلام عليكم ورحمة الله و بركاته


بسم الله الرحمن الرحيم

دلوقتى انا عندى بيجو 505 موديل 89 الطياره
* 2000 سى سى
*معدل التابلوه لموديل 90
* باور
* سنتر
* تكييف
* 4 زجاج كهربا
* مرايات كهربا
* شنطه كهربا فتح من الداخل
* فابريكه دواخل
* اول يد و كانت مرفوعه اكتر من 7 سنين
و نازله مواصفات خاصه...

اتعرض عليا اكترمن سعر للعربيه
فى منهم فوق ال40 و وصل 50 و فى تحت 30 كمان
اى حد بيشوف الاساسيات بيقولى تبيع على كام

بعد زيادة الاسعار و نزولها و كده
لو سمحتو انا عاوز اعرف سعرها كام

بجد اكون شاكر ليكم :)
و بجد اول منتدى الاقى فيه ناس خبيره بجد و سرعه و دقه فى الرد
ربنا يحفظكم يارب

نصيحة بلاش تبيع عربية ماشاء الله حلوة ربنا يباركللك فيها وفي ناس كتير بتقدر ال505 بس اللي معاة العربية دي ويبيع غلطان الا لو هتجيب اعلي مش كوري طبعا حرام عليك انا لو اتعرضت عليا اخيرها 35 الف تقريبا او ممكن لو التكيف شغال كويس توصل 40 اكتر من كدة صعب بس علي فكرة دي عربيتي المفضلة وعشقي بس للاسف انا حاليا مقدرش اجيبها لاني في السعودية

انا شارى لو عايو تبيع

ksa_2010>> التكييف ما شاء الله عليه
و كمان العربيه فيها
* دايرة صوت سونى كامله 4 سماعات بكاسيت
* ده غير انذار طبعا اسف انى نسيته
انا واحد عرض 47.5 بس مرضيتش
شكرا على نصيحتك :)
....
ghamazi>> ,,, انا لسه مش اعرف سعر العربيه بس اقل من 40 حرام عليا ابيع
انا واحد نزل و شاف العفشه بتاعتها اتجنن و قالى تبيع على كام و هو كان تاجر عربيات

بجد زى ما كنت متوقع ناس محترمين جدا و سرعه فى الرد :)

بص يا باشا مادام واحد اتجنن عل العربيه يبقى قول السعر وقلبك جامد وفعلا ياريت تخلى العربيه الحاجه الى زى ديه مش هتتعوض انا بقولك ديه برقبت 100 عربيه كورى جديده من اول الانوس لاغيت ......... الانترا والسيراتو

ولو كده بص انت اعمل سعر غالى عشان انت لو قولت 50 هيفصلوا معاك هيخلوها 45 لو قولت 55 هيفصلو معاك هيخلوها 50 وهكذا

فاتكلم فى حدود ال 55 انا كنت مثلا طالب فى التمبرا 38 الناس كانت بتفاصل معايا فى 35 و 36 ومنتش راضى عرفت قيمه العربيه و شوفت اسعار العربيات اتكلمت فى 40 الناس كانت بتكلمنى فى 37 و تجار ومرضتش ابيع وعرفت قيمه العربيه ومش هابعها غير لما تبقى خرده

amrseba>> بجد شكرا على سرعة ردك :)

و شكر تانى على نصيحتك
بس انا مش هسيب ال 505 دى علشان اى حاجه
ده انا لو بعتها هبعدها عن عينى علشان مش عاوز اشوفها تانى علشان عزيزه جدا عليا
انا قدامى واحده زلموكه و حالتها بجد ما شاء الله عليها
عاوزه نضافه مش اكتر
ربنا يعمل اللى فيه الخير ان شاء الله :)

يعنى السعر دلوقتى فوق ال 45 ولا اقل ؟

لو سمحتوا عاوز اعرف سعرها
يعنى من كذا لكذا
عوز سعر صريح لو سمحتوا