النهاردة فى خبر فى الاخبار فى الصفحة الاولى
ان النمر الجديدة وزارة الداخلية عامللها مزاد على الانترنت
وكمان المزاد بيبدا من2000ج:shine[1]:
الكلام دة صحيح ولا ايه؟
عرض للطباعة
النهاردة فى خبر فى الاخبار فى الصفحة الاولى
ان النمر الجديدة وزارة الداخلية عامللها مزاد على الانترنت
وكمان المزاد بيبدا من2000ج:shine[1]:
الكلام دة صحيح ولا ايه؟
اشك بس هم عاملين الحوار ده علشان لما حد يجيب صوره من النمر المميزه اللي انتشرت غلي النت يقولوا اصل ده شاريها ويقدروا يطلعوا نمر ويدوها هدايا وكلو علي قفانا احنا
من كتر غلو الاسعار وحتي الحكومة بتتفنن ازاي تقلبنا انا بفكر اشتغل حرامي
كلااااااااام ...ماهى لو فعلا عاملة مزاد كنا سمعنا عنه ولا هو مزاد سرى
لو سالتك انت مصري هتقول ايه ؟؟؟
الموضوع دا حصل فى دبى من فترة و باعوا اللوحات بمبلغ محترم
و عادى يعنى بس حصيلة البيع دى هتروح فين ولمين
و انا شايف انها تتباع احسن ماتتوزع كدا بلاش
لو اتعمل المزاد ده هتسمع أرقام فلكية اكبر من اللي بتتباع في الأمارات ( أغلى لوحة بيعت ب 5 مليون درهم اماراتي )
الموضوع ده حقيقى و الارقام موجوده وانا صورتهم شوف اللينك ده
http://www.nilemotors.net/Nile/163817-666-666-a.html
أنا مؤيد للموضوع ده بس بشرط إن حصيلة البيع توجه لعمل خيري
والمفروض المزاد يبدأ مثلاً بـ 50 ألف مش بألفين بس
فهمت قاصدك لا طبعا مميزه احسن و لو تفتكر انهم قالوا انهم هيخدوا بلهم انه الحروف ده ميبقاش فيها اى نوع من انواع الاساءة و هيراعوا ده و طبعا كالعاده ( الكلام بالهبل و الحروف فيها شتايم)
اللوحات المسيئة فيها :
- هفأ أو أهف
- أفه
- هبل
- كلب
دي اللوحات اللي شوفتها و في غيرها
عموما انا ليا رأي في موضوع اللوحات المميزة و المزاد ده لو كان الكلام ده صحيح
- اللي بيدفع فلوس في حاجة زي كده فده واحد عنده نقص أو محدث نعمة
- اما اللي بيبيع اللوحات دي (الحكومة) فواحد نصاب بيعرف يضحك علي واحد يستاهل أنه يتضحك عليه
مع خالص تحياتي
م/ سمير الشهاوي
انا شوفت واحد لوحته هطل ه ط ل
ونازل نافخ صدره اوى
كنت عايز اقوله بص على لوحتك بس وربنا معاك
مافيش أى ضرورة أو فايدة للنمرالمميزة غير العنظزة اللى تجيب لورا
أنا بأفضل أصعب نمرة
نمرة مكلكعة لا يتم حفظها
أأأ 111 اتباعت ب خمسين الف جنيه و انا اعرف الوسيط اللى عمل البيعه دى
اكيد الفلوس دى هايشتروا بيها كماليات للعربيات البورش اللى راحت هدايا للوزرا ماهو مش معقول العربيات تفضل فاضية كدة
زى عندنا كانوا عاملين مزاد على أأأ 111 لحد أأأ 999 والوحه الأولنيه دى اتباعت بـ 350 الف ريال وركبت على لمبورجينى جلاردو وكانو نشرين الخبر ع النت
بس كده العساكر هيحتاجوا دروس نشان علشان يعرف يوجه الليزر بتاعه صح بدل برضه ما يلقط نمر اللى جنب المخالف
وأعتقد إن الموضوع ممكن يصبح حقيقة فى غضون الثلاثين عاما القادمة إنما قبل كده كله دفتر لإن أكيد السكانر مش هيلقط نوع المخالفة مجرد الرقم والسيد البيه العسكرى لازم هيقفل نوع المخالفة بمعرفته
والله عجبتنى جدا موضوع دروس فى النيشان دى و الاسكانر هتبقى بكود
كود لكسر الاشارة
كود للركن صف تانى
كود للانتظار فى الممنوع
و المخالفة اول ما تتسجل تروح لغرفة العمليات اللى بدورها بتدخل علي السيرفير و يبعتلك المخالفة علي الموبيل عشان تقدر تروح تتصالح خلال 3 ايام
و بالهناء و الشفاء و عمار ياليبيا