الاخوزه الكرام انا نويت ان شاء الله اشتري اللوجان كامله ومحتاج استلمها يوم 5 / 9 تم شاء الله علشان اسافر بيها باذن الله بس مختاج منكم المساعده في النقاط التاليه بس ياريت يكون بالتفصيل
اولا انا هشتري بنظام المرابحه الاسلاميه من خلال البنك الاهلي المصري فرع المعاملات الاسلاميه وده بيكون بنظام ان البنك يدخل معاك تاجر يشتري كاش ويبيع بالتقسيط ليك بمعدل ربح او فائده 6.8% ومش بيكون في حظر على السياره واطول مده بتكون 7 سنوات ( المعلومات تفصيليه لعموم الفائده ).
استفساراتي بقى
1- هل اقوم بطلب الشراء من التوكيل فقط ام هناك موزعين موثوق فيهم زي مثلا محمد زكي او سمير ريان
ياريت تفيدوني وكمان ياريت تفيدوني ايه اللي لازم اخد بالي منه عند الشراء خثوث ا من الموزعين .
2- هل موديلات 2011 اقترب نزولها فانتظر لغاية شهر 10 او 11 والا اتوكل على الله وربنا يكرم ومش هيكون في تغيير في الشكل.
3- انا عايز ترشحولي من واقع التجربه والمعلومه المؤكده شركة تامين تكافلي تامين تكافلي فقط.
بارك الله فيكم جميعا واحب اشكركم على القيمه العاليه اللي انتو عاملينها للمنتدى وانا بتشرف بوجودي معاكم وبستمتع بردودكم واحترامكم لبعض وكمان شايف الناس ماشاء الله كلها موضوعيه ومفيش اي استخفاف ولا سطحيه
وكمان امانه وحب الخير للغير ماشاء الله عليكم
واحب اشكر الكل واوجه تحيه للاستاذ رينجو
اخيرا احب اقول لكم معلومه ممكن مش في مكاها بس ممكن تفيد ناس كتير
في اراضي نزلت بالقرعه هتلاقوها موجوده على موقع هيئة المجتمعات العمرانيه الجديده www.urban-comm.gov.eg/
المفضلات