بصوا يا جماعة انا اول مرة اشارك معاكم ونفسى حد يرد على انا لسة مبتدئة فى السواقة وكل مشكلتى ان العربية بتحدف منى شمال ومش اعرف امشى فى طريق مستقيم يعنى مش عارفة ابص على بوز العربية ولا على الطريق ياريت حد يرد على
عرض للطباعة
بصوا يا جماعة انا اول مرة اشارك معاكم ونفسى حد يرد على انا لسة مبتدئة فى السواقة وكل مشكلتى ان العربية بتحدف منى شمال ومش اعرف امشى فى طريق مستقيم يعنى مش عارفة ابص على بوز العربية ولا على الطريق ياريت حد يرد على
ربنا يوفقك ومتقلقيش ان شاء الله فى وقت قليل هتبقى تمام فى السواقة.
موضوع الحدف شمال انتي متاكدة انه مش زوايا.بمعنى انك لو طلعتى مطب مثلا وجربى تسيبى الريكسيون تلاقى بيحدف شمال ويمين ولا بيبقى شمال بس.؟
وممكن تريحى نفسك وتروحى لاما محطة بنزين (موبيل مثلا) وتظبطى زوايا وتقوليله العربية بتحدف.
وحاولى تظبطى الهوا فى الاربع عجلات على 28 او 30.
لما بتضربى فرامل بتسمعى صوت زى صرخة او زي ما فى ناس بتسميه امريكانى بالعربية؟
وانت ماشية وبتحاولى تخلى العربية على طريق مستقيم بتلاقى الدريكسيون معوج او مش فى النص وتحسى ان الدريكسيون عاوز يكسر شمال؟
وبلاش تجرى بالعربية فوق ال80 مثلا عشان احتمال مع الفرامل لو احتجتيها على سرعة بتلاقى العربية بتحدف منك ودايما امسكى الدريكسيون بايديك الاتنين(لو افترضنا الريكسيون ساعة يبقى ايديك اليمين الساعة 1 والشمال الساعة 8)
دي كده زويا عايزة تتظبط او عندك العجل الضغط فيه مش زي بعضه
يا جماعه دي لسه بتتعلم سواقة يعني المشكلة ممكن تبقي فيها هي مش في العربية
الاول خلي ايدك الاتنين علي الدريكسيون لو لقتيه بيحدف من ايدك يبقي زي ما الشباب قالوا
لكن انتي لازم تمسكي الدريكسيون كويس باديكي الاتنين
خدى بالك
وانتى بتنقلى الغيار
ساعات ممكن ايدك الشمال تتحرك والعربية تحدف
سهله جدا, امسكى الدركسيون بأديكي الأتنين و متبصيش على الفتيس و خليكى باصه لقدام
امشى بالعربيه زى ما تكونى ماشيه على رجلك, بمعنى الواحد و هو ماشى بيبقى باصص لقدام ماسك نفسه لا بيحدف يمين ولا شمال و بيمشى من غير ما يفكر و من غير ما يبص على رجليه, انت كمان سوقى كده
العربيه انت اللى بتمشيها شمال و يمين (طبعا بفرض ان الزوايا ومظبوطه)
عايز اقولك حاجه بس, السواقه سهله جدا و اللى صعب النهارده بكره يبقى سهل بالتعود بس لازم شويه ثقه و صبر فالأول و بعد كده عادى جدا و كل اللى اتعلموا كانوا كده بس بعد كده خلاص
انا سعيدة جدا باجابتكم بس زى ما قال احدكم انها مشكلة عندى لانى جربت السواقة على كذا عربية وعندى نفس المشكلة انى مش قادرة احس بالدريكسيون لازم اللى قاعد جانبى يعلمنى يقولى خذى سنة يمين وانا مش قادرة اشوف السنة دى اعرفها ازاى
بسيطة ان شاء الله. حاولى تظبطى العربية مع الرصيف من على بعد او على الخط اللى فى النص او الحارة بتاعتك.ومع التعود هتقدرى تظبطى القايمين اللى اودام على الطريق لان القايمين دول هما عرض الكبوت.
وانت سايقة
دايمااااااااااااااا
عنيكي في وسط راسك
بمعني مفيش حاجة اسمها تبصي قدام ولا علي بوز العربية
تبصي هنا وهنا وهنا وهنا
بصات سريعة
بس تاخدي في كل لمحة أكبر تفاصيل
يعني بصيتي قدام تعرفي في قدامك ايه وعلي بعد قد ايه وماش أزاي وهيعمل ايه
بصيتي علي البوز ( وده بياخد أقل وقت ) تعرفي عربيتك مظبوطه ولا لأ
انا لما بحب أعلم حد أي حاجة
بحب أعمل حاجة
وهر أعرفه الحدود
يعني لو خليته يبقي ماشي علي 20 ويجيب الدركسيون جاامد يمين وبعد كدة جاامد شمال
هيجيله أحساس علي طول السنة المطلوبة في كل مرة هتبقي ايه
ربنا يوفقك
ديه حاجه عاديه جدا لكل اللى بيسوق جديد انا بقالى 8 شهور بسوق وكنت فى الاول استحاله اعرف امشى فى خط مستقيم ويا سلام بأه لما كنت اجى اغير الفتيس الاقى العربيه راحت فى جميع الاتجاهات دلوقتى ما شاء الله مع التعود كله بأه تمام وحتلاقى نفسك كمان بتسوقى يايد واحده ......ربنا معاكى