توضيح بسيط هي مانيوال ولا اوتوماتيك
والشيب ده الي هو شيب الكروز ولا الاوبترا لان العربيات دي غير متواجدة الا في بورسعيد وهل هي ملاكي ولا منطقة وبصراحة هي لو منطقة حرة يبقة انا مش هعرف اسعرها لاني مليش الا في اسعار الملاكي وانا اسف
صاحبها ماسك على 87 و انا تقريبا هخلص فيها بكرة ب السعر ده و على فكرة انا رحت كشفت عليها فى مركز صيانة معتمد و قالى العربية زى الزيرو و العربية الكلوهات دى عاملاها عشان بتسافر اسكندرية كتير و حالة العربية من برة بلا مبالغة كانها طالعة من المصنع و لا يوجد اى خربوش فهل ممكن اضحى ب الفين جنيه فى سبيل الحالة الشاذة دى و لا حضرتك شايف ان كدة كتير عليها و زى ماقلت لحضرتك انها فيها فاتحة سقف
شكرا جزيلا
السلام عليكم جزاك الله خيرا على ذوقك و أدبك و مساعدتك و الله رحت انهارده فى عز الحر الساعة 12 الظهر علشان نعاين العربية و للأسف الشديد طلعت زى كل العربيات المستعملة اللى شفتها سبحان الله معظم أصحاب العربيات اللى عايزيين يبيعوا – ألا من رحم ربى – مفيش ذرة ضمير العربية طلعت عاملة حادثة الطفل يلاحظها و مع ذلك فى التليفون الحلف بالله انها فايريكة و حتى ما بتروحش للمكيانيكى انا مش عارفة الناس جرالها ايه و صدق الرسول عليه الصلاة و السلام " أذا ضيعت الأمانة فأنتظروا الساعة " سبحان الله جاتلى عقدة من كل المستعمل حتى لو ماشية متر مع انى و الله محتاجة العربية ضرورى بس خلاص حأستنى و أجيب زيرو ربنا يستر بقى من أصحاب المعارض حسبى الله و نعمة الوكيل أنا أسفة على الأطالة بس أضايقت لما شفت رد حضرتك و أنى أخدت من وقتك على حاجة ما تستاهلش جزاك الله الف خير على المجهود
السلام عليكم ممكن لو سمحت ثمن ياريس موديل شهر 10 سنة 2007 باور تكيف اوتوماتيكair bag ماشية 35 الف رشه باب خلف السائق صاحبها عاوز 72 الف
أستاذ شريف كل سنه وانت طيب يا باشا ورمضان كريم
قدامي عريبه في مصر عايز اشتريها
رينو كليو 2006 تركي
1400 سي سي
اوتوماتك
فاضيه بس الزجاج الامامي كهربا
فبريكه بره وجوه
ماشيه 100 الف
العربيه مافيهاش مشاكل خالص بعد الكشف عليها
تعمل كام يا باشا وربنا يديم المعروف؟؟