تسعيير السيارات المستعملة هدية لاعضاء نايل موتورز (الجزء الثالث)

ارجو تسعير تويوتا إكو 2000 85 الف كيلو 1300 مانيوال فابريقا بالكامل

من فضلاك سياره 131فيات سنه 79 حاله جيده سعرها يكون فى حدود كام

استاذ شريف ربنا يجازيك خير

انا بابيع العربيات دي

ماتريكس 2007 مانيوال عداد 103 الف راشة حزام برة من شهر و حاليا بدون خربوش واحد حالة الصالون و التكييف و الموتور ممتازة صيانة بالتوكيل اللون سماوي و اول يد بها سي دي بيونيير و فرش جلد

نيفا موديل 84 عدادها 80 الف (حقيقي) فابريكة جوة و برة اللون اخضر بدون خرابيش تقريبا مرفوعة 12 سنة كاوتش و بطارية و اسطوانة ديبرياج و فرامل جديد ثالث يد

سيات 133 موديل 1979 حمراء اللون فبريكة دواخل بها كاسيت عادي موتور جيد و لا تسخن اطلاقا و للعلم بها بعض التجريحات البسيطة

سؤال اخير

اجيب لاختي ايه مستعمل بدل السيات تكون اوسع شوية و احدث و لا تتعدى ال22 الف

و شكرا مقدما

برجاء تسعير 128 مو 1975 رشة دواخل نظافة تغيير اللون كبوت وشنطة و4ابواب جديدة ماكينة 1500 ريجاتا رشةمن اسبوع ميتاليك مميز جنوط14 وكوتش كوموهو عريض جديد فوانيس امامي وخلفي ليدات وعدسات فرش جلد لونين مع العلم السيارة عاماة تقويات شاسية وعفشة وفرامل
مع جزييييييييييل الشكر

الف مبروك يا باشا على الجزء التات و دايما موفق ان شاء الله و بعد اذنك معرض علىعربيه اكسيل 98 كامله بره و جوه فبريكه التكييف عايز شحن و طبعا محتاجه وش نظافه بره لأنها أجربت من 12 سنه شمس من غير دهان و كمان فيها جزء برومه فى الحته المقوسه اللى فوق العجل مش عارف اسمها ايه الحته دى تساوى كام

مطلوب منى فى الشغل انى احدد سعر العربية دى ضرورى جدا علشان صاحب العمل
جيتا 2010
اوتوماتيك
فتحة سقف
6300ك م
جنوط 17 اسبور اصلى
فابريكة دواخل و خوارج
لا يوجد خدش بها
حساسات
ابيض خليجى
هاى لاين
اعلى فئة
والله لو ممكن الرد عليا بسرعه يحسن انا كنت مفهمهم فى الشغل انى ابو العريف و كل حاجة عن العربيات عارفها وو قفت على دى مش عارف الرد
انا قلتهم ان تمنها جديد 1940000 و دلوقتى ممكن تعمل 180000
رجاء الرد ضرورى و شكرا مقما

اقتباس:

---

المشاركة الأصلية كتبت بواسطة sherifowahba

بعد اذن حضرتك قولي متطلباتك ايه في السيارة ومانيوال ولا اوتوماتيك وحالة الدهان لازم برة وجوة ولا رشة برة ممكن

---

لازم فبريكة بره و جوه

تكييف كويس و ثبات ممتاز وفرامل كويسه وواسعة
مش مشكلة مانيوال او اوتو

الف مبروك يا بشمهندس شريف ع الجزء الثالث من هذا الموضوع المفيد جدا
وعقبال الجزء العشرتاشر ان شاء الله

اقتباس:

---

المشاركة الأصلية كتبت بواسطة motorace

سيارة دايو نوبيرا مو 2002 مانيوال جميع الكماليات تعمل لسه معمولها عمرة ماتور بالكامل مرشوشة من الخارج

---

تعمل 44 الف باعتبار انها بدون مصاريف

اقتباس:

---

المشاركة الأصلية كتبت بواسطة ahmmansour

الأستاذ شريف من فضلك سيارة ميجان 2005 - ستيبترونيك - 108000 كم - كاملة - رشة أجزاء من الخارج - تعمل كام تقريبا
و لكم جزيل الشكر

---

هل هي الاستبترونيك العادية
ولا جنط اسبور
ولا بانوراما بقتحة سقف
ارجو التوضيح