الافضل في قله مشاكلها وتعقيدها و سهولة الميكانيكا الفورمان
الافضل من حيث متعة القيادة والاداء الجيد الابيزا
ولحضرتك الاختيار
استاذ شريف
كنت عايز نصحتك بقه في العجل الجديد...عايز حاجه ياباني او اوروبي في حدود 100 ألف.....موديل لا يقل عن 2008.....الناس بتقوللي الكورولا أو السيفيك او اوكتافيا a4 او a5 مش متأكد
عموما ايه رأيك...انا بحب اجيب العربيه اللي اعاده بيعها سهله...وواسعه من جوه وسيدان....و اتوماتيك طبعا و جميع الكماليات.....و العربيه يكون لها اعتماديه اداء عاليه و قطع غيار متوفره و أسعارها معقوله
ايه رأيك....معلش لو بتقل عليك حبتين.....ولو شايف حاجه أحسن من اللي ان قولتو دا قوللي :)
بخصوص اللانوس
رقمى 0112210685
الأخ الكريم:/
ما سعر سيارة فانتازيا 2011 ( رخصت من 9 أشهر) سوداء كالزيرو تماما ماشية 10000كم أول فئة أتوماتيك وكيل
الهدف من البيع شراء سيارة أتوماتيك لى و للمدام (جديدة فى السواقة)
بفكر فى لانسر أو ياريس 2007 أو 2008 (حالة نضيفة و كم مناسب)
إيه رأيك يا باشا
ماروتي 2005 فابريكة بالكامل من الخارج والداخل ماشية 40000 وبها بعض الخرابيش الطبيعية في الجوانب ولا يوجد بها اي رد علي البارد باستثتاء حتة صغيره في بوز الرفرف الامامي يمين , حالة جيده والعفشة ممتازه وبها تكييف وسنتر وكاسيت والماتور بحالة معقولة والرخصة منتهية من شهر , يعي اللي هايشتري هاينقل وبجدد الرخصة , لون ازرق والكاوتش والبطارية بحالة جيده,
وعربية نيسان صني موديل 2008 ماشية 35000 مانيول ولون اسود فابريكة خوارج ودواخل ماعدا رفرف خلفي شمال وجزئ من العتبة اليمين , رش فقط بدون سمكره وبدون معجون وشغل البوهية معمول بطريقة احترافية حالة الصالون كالزيرو ومن الخارج لايوجد خرابيش تذكر او رد علي البارد , والاستبن لم يستعمل وكاوتش العربية الاصلي ماتغيرش من ساعة الزيرو وشكرا لتعبك
النترا 2010 خليجي كامله 1600 اوتوماتيك......فبريكه بره وجوه ...عداد 17 الف......تعملها كام دي
السلام عليكم و رحمة الله و بركاته
قدامى فيرنا 2011 28كم 1.6 كامله مانيوال
لون أسود ممكن أعرف سعرها كام
السلام عليك يا استاذ شريف....
ارجو تسعير السيارة التالية:
ميتسوبيشي لانسر ... سوبر اكشن (جميع الكماليات فتحت سقف) ... خليجي سعودي ... موديل 2008 ... عداد: 80 الف كيلومتر ... رخصة سنتين ... راشة اكصدامين ورفرف شمال ورا (حكة) ... لا يوجد الا بعض الخرابيش البسيطه جدا وقليلة (مش جايبه الصاج) ... اللون شامبين
طلب تسعير سيات كوردوبا 2007 كاملة اوتوماتيك (60000) كم فابريكة برة و جوة لا تحتاج اى مصاريف
السلام عليكم و رحمه الله و بركاته
بعد التحيه جزاك الله خير يا استاذ شريف على النصح و المعلومه
عايز اسال عن سعر عربيه لانسر موديل من 1997-2000 و بالاخص الكريستاله الشكل القديم (الشبكه و الفوانيس الصغيره) 1600 جميع الكماليات اتوماتيك رشه بره دواخل فبريكه بحاله جيده عاما
تعمل كام ؟
انا مشتري و بدور على الموديل ده -فتعمل كام المواصفات دي ؟
ده اولا :
ثانيا:
عربيه اكسنت 1500 اتوماتيك موديل 1999-2001 جميع الكماليات رشه بره دواخل فبريكه تعمل كام؟
انا عايز اعرف متوسط الاسعار عامه بالنسبه لللانسر و الاكسنت
و المفاضله ما بينهم
شكرا
ممكن تسعير سيارة .. تويوتا كرولا موديل 98 عيون ... 1300 مانيوال فاضية (لا يوجد زجاج كهربائي ولا سنتر ولا انذار) 140 الف كيلو ... رشة بالكامل خارجي ما عدا السقف للنظافة ... اول يد من الزيرو حتى الان استعمال راقي .. جميع قطع غيارها اصلية ... رخصة سنة بأسم صاحبها... اللون نبيتي
السلام عليكم ورحمة الله وبركاته
اولا:عايز اشكرك على مجهودك الرائع
ثانيا :عايز اسألك عن سعر كرايسلر نيون مو97 كاملة اوتوماتيك تكييف وباور وسنتر وزجاج كهرباء امامي وفرش جلد طبيعي بتاع الفابريكة مفيهوش خربوش حتى
مرفوعة 5 سنين انا ثاني يد من الزيرو مكانتش سياحة عاملة 139000 كيلو بس وكل شيء يعمل بكفائة وصيانة دورية مش محتاجة اي حاجة غير انها من الخارج محتاجة سمكرة ودوكو غير كدة مش محتاجة ولا اي حاجة وهي فابريكة دواخل بالكامل بكل استيكراتها بس راشة برة كلها ابيعها بكام
السلام عليكم ورحمة الله وبركاته
معلش عايز اسأل حضرتك عن سيارة بيجو 504 استيشن مو 83 اول يد من الزيرو بكتالوجاتها مرفوعة من 83 ال 96 فابريقة دواخل راشة من الخارج بالكامل والدي شاريها من السعودية زيرو ورفعها لحد ما استقر في مصر ولسة متعمرة بقطع غيار فرنساوي اصلي بتكلفة غالية جدا حوالي 10000 الاف جنية لأن حاجتها الأصلية غالية والعافشة كاملة زيرو بس محتاجة سمكرة ودوكو من برة بس هي بدون اي كماليات
تستاهل كام
ولوتسمحلي اية رأيك اشتري كرايسلر نيون 2 مو 2000 او 2001 تكون كاملة اوتوماتيك راشة برة او فابريكة بالكامل عايز اعرف رأيك و سعرها تقريبا في حدود اد اية
لو سمحت يا استاذ شريف
عربيه اوبل كورسا 1600 سيدان موديل gls 2007 كامله مانيول + فوج ليت ومخدع امامي اصلي من الوكيل + كاسيت cd عداد 145000 صيانات الوكيل
حاله الدهان فبريقه جوه وبره مع وجود خدوش بسيطه
تعمل كام؟
شريف باشا
عاوز اسعر لانوس 2006 عاملة 94 الف كيلو متر فقط كاملة و مزود عليها جنوط و طقم صوت ووحدة رفع و تحتاج لرش اكصدام خلفى
استاذ شريف سويفت 93 مكيفة فابريكا جو ه رشة بره بالكامل -تحتاج 2 مساعد بحوالي 500 جية ...تعمل كام دي يافندم
السلام عليكم
عايز اعرف سعر RIO 1 موديل اخر 2000 , عاملة 210,000 , حالة موتور ممتازة , رشة بره بس , كامله الكماليات
وكمان cerato موديل 2006 , جنوت فبريقة , كاوتش عريض فبريقة ,فرش جلد , حالة ممتازة , دهان فبريقا , شوية خدوش , 120 ألف كيلو , كامله الكماليات
الرجاء تسعير هذه السيارة
لانسر شارك موديل 2008 هاى لاين بصمة وفتحة سقف جنوت وسنسور مطر واضاءة بالاضافة الى كاسيت 6 اسطوانات وفرش جلد للكراسى والارضية والشنطة العربية بحالة الزيرو فابريكة بالكاملة عاملة 30600 كم بدون سبويلر
شكرا جزيلا لحضرتك على الموضوع الاكثر من هايل !
و فعلا انا سجلت في المنتدى مخصوص علشان اشكر حضرتك و عندي استفسارين ,,
ممكن حضرتك تسعرلي i10 2010 ماشيه حوالي ٢٨٠٠٠ كم , مانيوال اول فئه بدون كماليات , تكييف و باور , فابريكا من برا و من جوا مفيهاش اي خبطات ,, غير خدوش بسيطه و معاها رخصه لسنه و نص ؟
الاستفسار التاني , كنت عايز اعرف ايه انسب عربيه اقدر اشتريها في حدود الـ ٥٥ الف تقريبا , و تكون اوتوماتيك و بكماليات ؟ من الناحيه العمليه اولا و الجماليه ؟
انا شفت موديلات كتير زي الـكليو و الكورسا و البريليانس و اللوجان و الاكسنت و الافيو و الجين ٢ " موديلات ٢٠٠٨-٢٠١٠ "
او لانسر و اوبترا و بوينتر و ياريس و سيتروين " موديلات ٢٠٠٦ "
ياريت حضرتك و الساده الافاضل ينصحوني , و شاكر جدا لحضراتكم
تحياتي ,,
ميتسوبيشى لانسر موديل 1997 وترخيص 1998 كحلى مانوال 202 الف كيلو مرور مدينة نصر تكييف وباور و سنتر و جهاز انذار رشة كلها بره وعايزة ترش الان موش عايزة مصاريف تانى لا عفشة و لا ميكانيكا و لا شئ تانى غير البوية
يا ترى السعر كام ؟