تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 12-07-2010 01:45 PM

المشاركة الأصلية كتبت بواسطة a7m8n

ارجو تسعير تويوتا إكو 2000 85 الف كيلو 1300 مانيوال فابريقا بالكامل

تعمل 45 الف باعتبار انها جميع الكماليات مانيوال سيدان

**sherifowahba** · 12-07-2010 01:48 PM

المشاركة الأصلية كتبت بواسطة msm445

من فضلاك سياره 131فيات سنه 79 حاله جيده سعرها يكون فى حدود كام

لو حالتها جيدة ودواخل شركة تعمل في رينج ال 20 الف

**sherifowahba** · 12-07-2010 01:59 PM

المشاركة الأصلية كتبت بواسطة الريس

استاذ شريف ربنا يجازيك خير

انا بابيع العربيات دي

ماتريكس 2007 مانيوال عداد 103 الف راشة حزام برة من شهر و حاليا بدون خربوش واحد حالة الصالون و التكييف و الموتور ممتازة صيانة بالتوكيل اللون سماوي و اول يد بها سي دي بيونيير و فرش جلد

نيفا موديل 84 عدادها 80 الف (حقيقي) فابريكة جوة و برة اللون اخضر بدون خرابيش تقريبا مرفوعة 12 سنة كاوتش و بطارية و اسطوانة ديبرياج و فرامل جديد ثالث يد

سيات 133 موديل 1979 حمراء اللون فبريكة دواخل بها كاسيت عادي موتور جيد و لا تسخن اطلاقا و للعلم بها بعض التجريحات البسيطة

سؤال اخير

اجيب لاختي ايه مستعمل بدل السيات تكون اوسع شوية و احدث و لا تتعدى ال22 الف

و شكرا مقدما

الماتريكس تعمل 64 الف
النيفا تعمل 19 الف باعتبار انها بدون مصاريف والكارونتين تمام
السيات تعمل 5 الاف
الاختيارات المتاجة بدل السيات ممكن سكودا فيفوريت تكون بحالة ممتازة بالسعر ده

**sherifowahba** · 12-07-2010 02:41 PM

المشاركة الأصلية كتبت بواسطة drramisalama

برجاء تسعير 128 مو 1975 رشة دواخل نظافة تغيير اللون كبوت وشنطة و4ابواب جديدة ماكينة 1500 ريجاتا رشةمن اسبوع ميتاليك مميز جنوط14 وكوتش كوموهو عريض جديد فوانيس امامي وخلفي ليدات وعدسات فرش جلد لونين مع العلم السيارة عاماة تقويات شاسية وعفشة وفرامل
مع جزييييييييييل الشكر

بالحالة دي تعمل 15 الف

**sherifowahba** · 12-07-2010 02:43 PM

المشاركة الأصلية كتبت بواسطة alaa78

الف مبروك يا باشا على الجزء التات و دايما موفق ان شاء الله و بعد اذنك معرض علىعربيه اكسيل 98 كامله بره و جوه فبريكه التكييف عايز شحن و طبعا محتاجه وش نظافه بره لأنها أجربت من 12 سنه شمس من غير دهان و كمان فيها جزء برومه فى الحته المقوسه اللى فوق العجل مش عارف اسمها ايه الحته دى تساوى كام

هي 1300 ولا 1500 سي سي

**sherifowahba** · 12-07-2010 02:48 PM

المشاركة الأصلية كتبت بواسطة yassin_samir

مطلوب منى فى الشغل انى احدد سعر العربية دى ضرورى جدا علشان صاحب العمل
جيتا 2010
اوتوماتيك
فتحة سقف
6300ك م
جنوط 17 اسبور اصلى
فابريكة دواخل و خوارج
لا يوجد خدش بها
حساسات
ابيض خليجى
هاى لاين
اعلى فئة
والله لو ممكن الرد عليا بسرعه يحسن انا كنت مفهمهم فى الشغل انى ابو العريف و كل حاجة عن العربيات عارفها وو قفت على دى مش عارف الرد
انا قلتهم ان تمنها جديد 1940000 و دلوقتى ممكن تعمل 180000
رجاء الرد ضرورى و شكرا مقما

بالضبط حضرتك بالفعل رديت رد قريب جدا لانها تعمل 177 الف بحالة الزيرو بدون خدوش

**sherifowahba** · 12-07-2010 02:55 PM

المشاركة الأصلية كتبت بواسطة motoxp

سيارة بسعر 65-70 الف تكون ايه (ولو لا نسر الموديل كام وكماليات ايه )

المشاركة الأصلية كتبت بواسطة motoxp

لازم فبريكة بره و جوه

تكييف كويس و ثبات ممتاز وفرامل كويسه وواسعة
مش مشكلة مانيوال او اوتو

لانسر 2006 1300 اوتوماتيك
لانسر 2006 1600 مانيوال
النترا 2006 1600 اوتوماتيك
صني 2007 1600 اوتوماتيك اي اكس
النترا 2007 1600 مانيوال
وانا من رايي الالنترا ال 2006 وكيل وبرة وجوة اوتوماتيك

**sherifowahba** · 12-07-2010 02:58 PM

المشاركة الأصلية كتبت بواسطة aif

الف مبروك يا بشمهندس شريف ع الجزء الثالث من هذا الموضوع المفيد جدا
وعقبال الجزء العشرتاشر ان شاء الله

احمد بيه السلام عليكم
طبعا انا مش عارف اقول ايه غير ان حضرتك شخصية معروفة ودائما سباقة بالخير
فالف الف شكر يا اخي وجزاك الله الخير كله

**sherifowahba** · 12-07-2010 04:53 PM

المشاركة الأصلية كتبت بواسطة eng.3tya

عربية اوبل كورسا 2005 فابريكا بره وجوه ونظييفة جدا عاملة 82 الف تعمل كام

تعمل 51 الف اذا كانت بالحالة المذكورة وبدون مصاريف او خدوش

-

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة