المشاركة الأصلية كتبت بواسطة typhoon_gr9
استاذي الفاضل
سيارتي سوبر فيورا موديل 85
اللون ابيض
فرش جلد رصاصي
الموتور تمام بتجيب ال 120 (و بعد كدة انا اللي خفت )
الجيربوكس تمام و متغير لها طقم دبرياج و مغير طقم بوجيهات و ابلاتين و كوندنسر
ريداتير نحاس جديد و مركب علية موتور و مروحة لادا علشان متسخنش في الصيف (الحرارة في متوسطها 70 او 80 بالكتير)
جنوط عادية بس الاربع فرد تيوبلس (هانكوك اصلي مكملشي 6 شهور )
التابلوة و الاشارات و الانوار كلها شغالة
المساحات ادام و ورا بمواتير جديدة و شغالة و قربة مياة للمساحات بموتور و رشاشات شغالين
مساعدين امامي جداد (اسباني هواء و زيت) و جوز طنابير فرامل امامي و جوز بيض اسكاترا جديد(الكبالن سليمة علشان كدة مغيرتهاش)
بطارية جديدة 55 امبير (عمرها 5 شهور )
سنتر و انذار و كاسيت
طبلة كونتاكت جديدة (علشان المسوجر للدركسيون يبقي شغال)
طلمبة مياة جديدة (الماني )
فية خبطة بسيطة في الرفرف اللي ورا فوق العجل,,, و الباب اللي ادام , الدوكو فية تنميل بسيط .
كنت عايز راي حضرتك , يا تري اطلب فيها كام ؟
تقبل ودي و تقديري
اعذرني يا باشمهندس , اصلي لسة مستجد , انا كتبت اللي غيرتة بعد ما اشتريتها
بس انا اخدت بالي ان لون العربية الاصلي كان احمر و اتغيرت كلها للون الابيض, اعتقد كدة دة معناة انها رشة , بس الميكانيكي لما بص في حوض الموتور قالي انها لسة بالزومبة بتاعت المصنع و دة قصدة انها كويسة , بالنسبة لرقم الشاسية موجود علي قائم العربية (يعني العربية مافيهاش رقم فخدة ) , و الرخصة فيها سنة و نصف
شاكر افضال حضرتك