الانسر تعمل 75 الف
الجولف تعمل 80 الف
باعتبارهم بدون مصاريف نهائي
استاذى الفاضل متشكر لتعبك معايه وشكرا لاهتمامك وردك عليه بس بعد اذنك هى الاكسنت 1300 موديل 2006 افضل ولا الاكسنت 1500 موديل 2001 ولو سمحت قدامى اكسنت 1500 رشه بره انما دواخل سليمه دى تقريبا تعمل كام وفى اكسنت 2006 شركه بره وجوه والعداد عامل 23الف كيلو دى بكام وشكرا لحضرتك
الاكسنت ال 2006 عربية كويسة وموديل اجدد واستخدام اقل وموتورها مناسب و ميزته انه كربرتير مش انجكشن ولا يوحد بها حساسات او كمبيوتر لكن عيبها انها بدون باور و ده الاساسي وبدون لا زجاج ولا سنتر ولا عداد ار بي ام ولا فتح الشنطة من الدخل ولا ساعة ولا فرش استفة في الابواب
ولحضرتك الاختيار
اما بالنسبة للاسعار
الاكسنت ال 1500 تعمل رينج ال40 الف رشة برة ودواخل شركة 2001
و ال 2006 تعمل رينج ال 45 الف
السلام عليكم يا استاذ شريف
كنت عايز اسعر عربيتى الاونو علشان بفكر ابيعها بعد شوية ان شاء الله
- العربية موديل 93 ايطالى زيتى ماشية 207 الف كم دواخل فابريكة انذار وسنتر وكاسيت سى دى بوصلة aux
- العربية لسه عاملها طقم شنبر والموتور ممتاز وسحبه رائع وغيرت طرمة الزيت بماريلى ايطالى واسبراتير جديد وصيانة منتظمة
- تم تغيير العفشة كلها (مساعدين ورا وادام ومقصات ماركة dat المانى بالضمان)
- العربية محتاجة سمكرة خفيفة ودهان
ياترى سعرها كام وشكرا جزيلا مقدما
اخوك عمرو راشد