تسعيير السيارات المستعملة هدية لاعضاء نايل موتورز (الجزء الثالث)

**nado2u** · 17-09-2011 03:08 PM

جوك
فيات 127 فابريكة دواخل 4 غيار موديل 84

**mohammedabdallh** · 17-09-2011 03:11 PM

تيوتا كرولا 2003 رشه بره تعمل كام

**sherifowahba** · 17-09-2011 04:41 PM

المشاركة الأصلية كتبت بواسطة amrrashed

السلام عليكم يا استاذ شريف
كنت عايز اسعر عربيتى الاونو علشان بفكر ابيعها بعد شوية ان شاء الله
- العربية موديل 93 ايطالى زيتى ماشية 207 الف كم دواخل فابريكة انذار وسنتر وكاسيت سى دى بوصلة aux

- العربية لسه عاملها طقم شنبر والموتور ممتاز وسحبه رائع وغيرت طرمة الزيت بماريلى ايطالى واسبراتير جديد وصيانة منتظمة
- تم تغيير العفشة كلها (مساعدين ورا وادام ومقصات ماركة dat المانى بالضمان)
- العربية محتاجة سمكرة خفيفة ودهان

ياترى سعرها كام وشكرا جزيلا مقدما

اخوك عمرو راشد

تعمل 24 الف

**sherifowahba** · 17-09-2011 04:45 PM

المشاركة الأصلية كتبت بواسطة aboshehab

استاذ شريف بعد التحية و الاحترام
ممكن سؤال محيرنى جدا بعيدا عن التسعير
شراء سيارة زيرو مانيوال مهما كان الاعتراض على الماركة الصينى افضل
ام شراء سيارة مستعملة 2005 او 2006 اتوماتيك لانسر او النترا
و بغض النظر عن قطع الغيار الغالية و لكن متوفرة
اى الملخص سيارة بنت باشا و كبيرة فى السن او بنت ناس طيبين متواضعين و شباب زى احد اعضاء المنتدى الكرام كان يضرب المثل بذلك ارجو الافادة و شكرا

لو بنت الباشا بحالة ممتازة و متحافظ عليها وصياناتها تتم في مواعيدها تبقة احسن من بنت الناس المتواضعة بكل تاكيد اما لو مقدرتش تحصل علي هذه الحالة يبقة خليك في بنت الناس المتواضعين واكسب ميزة انك اول مستخدم بغض النظر عن مستوي الكفاءة

**sherifowahba** · 17-09-2011 04:51 PM

المشاركة الأصلية كتبت بواسطة aboshehab

استاذ شريف مساء الخير
حضرتك معى سيارة دايو نوبيرا 1 مو98 استيشن
اتوماتيك 1600سى سى فول اوبشن ايرباج و abs فرامل
و حمراء اللون رخصة سنة تحتاج رش اكصدام امامى و خرابش بالباب الايمن امامى و خلفى من ولاد الحلال
و ارغب فى بيعها و شراء نيسان او لانسر اتوماتيك استعمال
او m11 مانيوال زيرو
اطلب التسعير و النصيحة

تعمل 42 الف باعتبارها برة وجوة
وبالنسبة للنصيحة انا رديت علي حضرتك في المشاركة السابقة

**sherifowahba** · 17-09-2011 04:54 PM

المشاركة الأصلية كتبت بواسطة becaso22

ارجو تسعير سياره gen 2 2008 اوتوماتك عامله 30 الف فبركية صيانة فى التوكيل وجميع الاوراق موجودة

تعمل 69 الف

**sherifowahba** · 17-09-2011 04:58 PM

المشاركة الأصلية كتبت بواسطة toyota_corolla

استاذ شريف ياريت حضرتك تشوف العربية دي و تقولي رايك فيها تعملها و كام و هل سوقها ماشي ولا تقيلة في البيع و الشراء و لكم جزيل الشكر و الاحترام
هيا بيزلاين لون بستاج 1800cc الفتيس الجديد رشة من برة نظافة و معاها 5 جنوط و عاملة تقريبا 160 الف الصالون بيج
ودي صورها
http://img405.imageshack.us/img405/3661/photo0138yt.jpg

http://img717.imageshack.us/img717/3815/photo01401.jpg

مستني جميع ارائكم و شكرا ليكوا مقدما

هي موديل كام يا فندم وعموما هي الفتيس الجديد يعني من اخر 2000 بس اي موديل بالتحديد

**sherifowahba** · 17-09-2011 05:14 PM

المشاركة الأصلية كتبت بواسطة abo_anas

استاذ شريف من فضلك عاوز اعرف سعر عربيه لانسر شارك 2008 ، 1600 سى سى اعلى فئه فابريقه بالكامل ماشيه 30 الف كم . وياريت تفيدنى فيها من حيث قطع الغيار واعاده البيع. ومميزات وعيوب.

اسف انا عارف انى تقلت على حضرتك
وجزاك الله خيرا.

تعمل 95 الف باعتبارها هاي لاين بصمة وصب وسقف وبدون مصاريف او تجاريح
قطع غيارها موجودة بس غالية شوية ومش بانتشار البومة بالتاكيد ومميزاتها انها ياباني و عالية وعيبها اعادة بيع مش سريع لانها مش مطلوبة للدرجة في السوق

-

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة