الموضوع: تسعيير السيارات المستعملة هدية لاعضاء نايل موتورز (الجزء الثالث)

عربية فيرنا فيفا2008 1500 cc فول ابشن (تكيف سنتر 4 زجاج كهرباء سى دى) فابريكة برة وجوة عاملة 21000 كيلو فيها بس شوية خدوش فى الاكصدمات
ممكن اعرف سعرها كام و شكرا

النترا 2008 كاملة اوتو عداد 29000 رشة اكصدام وكبوت فقط السيارة بحالة ممتازة .....وكل سنة وحضرتكم بخير وسلامة

السلام عليكم. اخوك في الله ياسر.من فضلك يا استاذ شريف انا اريد ان اشتري سيارة مستعملة في حدود 65-68 ومحتار بين الانسر والهيونداي ماتريكس والينترا والجيتز واني افضا جزاك الله خير

موضوع جميل وخبرة تتاقل بالماس موش بس بالدهب

ممكن يا باشا تسعير شيفروليه أوبترا 2006 مانيوال مرشتش خالص وتقريبا مفيهاش خدوش
كانت مره اتخبطت خبطة خفيفة في البابين الشمال بس اتعدلت واتظبطت ورجعت تمام التمام
أهم حاجة إنها بتاعة واحد بيسافر كتير واترفعت أكتر من سنتين
وموش متهانه خالص وصاحبها محافظ عليها كويس

بصراحة أنا بفكر آخدها منه تخليص فلوس بتاعتي عنده، علشان بيننا علاقة نسب وموش عايزين نخسر بعض.

تعمل كام؟

المشاركة الأصلية كتبت بواسطة sherifowahba

بالنسبة للبابين اتغيرو ولا اتسمكرو ورشو وهل القوائم بتاعتهم فيها حاجة ولا سليمة وعداد الكيلو متر كام بالضبط

البابين اتسمكروا متغيروش
اتردوا على البارد
القوايم بتاعتهم سليمة علشان دي كانت مجرد ترييحه من عربية نص نقل، يعني ممكن حتى منعتبرهاش خبطة

معرفش الكيلوامتراج كام بصراحه
بس هو تحركاته بيها كانت قليلة قوي
وزي مقلت لحضرتك اتفرعت مدة طويلة

العربية فعلا من الآخر لقطة بالنسبة لحالتها وإكرامها، وصدقني انا حتى موش هاجيب حد يبص عليها لأني عارف حالتها كويس وتاريخها

الفكرة بس إني موش عايز أظلمه ولا أظلم نفسي، علشان كده باحاول أكون منصف حتى لو على حساب نفسي

وعلشان كده عايز سعر حقاني ومن نظام تسعير حضرتك حسيت فعلاً إنك هتديني الفايدة بإذن الله

وأنا شاكر جدا لتعب حضرتك

استاذ شريف كل سنه وحضرتك طيب
ممكن أعرف سعر بيجو 307 موديل 2007 فول أوبشن أوتوماتيك ،العداد 36000 والعربيه فابريكا بره وجوه
وياريت كمان سعر باسات موديل 2007 فول أوبشن أوتوماتيك ،العداد 26000 والعربيه فابريكا بره وجوه

رمضان كريم .... وكل عام و الأستاذ شريف و كل أعضاء المنتدى بخير

1- هل أحسن موديل فى الــ 128 هو من 89 إلى 91 ؟

2- هل الـ 128 موديلات السبعينات ما تتركبش و قطع غيارها مش موجودة ؟

3- لو 128 بحالة جيده جداً و دواخل فبريكة و مش محتاجه مصاريف و سعرها من 14 إلى 16 ألف ,

تكون موديلات كام ؟