الموضوع: تسعيير السيارات المستعملة هدية لاعضاء نايل موتورز (الجزء الثالث)

السلام عليكم استاذ شريف , شكرا لحضرتك علي مجهودك
بكرة ان شاء الله حشوف عربيتين ,جولف 87 1400 من غير تكييف ,صاحبها بيقول حالتها كويسة بس محتاجة شوية سمكرة خفيفة , ياريت تقولي تساوي كام لو دواخلها فابريقة و تساوي كام لو مش فابريقة
والعربية التانية فيليشيا 97 , فاضية فابريقة دواخل وراشة نضافة حزام ,
ومن وجهة نظرك انهي احسن في الصيانة و اعادة البيع لأن في فرق 10 سنين بين العربيتين .
جزاك الله كل خير .

المشاركة الأصلية كتبت بواسطة sherifowahba

الجولف كده تعمل في رينج ال 25 الف بمصاريف السمكرة والبويا وبدون مصاريف اخري وفابريقة دواخل اما اذا كانت فيها حاجة رشة في الدواخل ممكن تبلغني بيها بالضبط وانا اسعرهالك طبقا لحالتها
الفيليشيا تعمل 27 الف بدون مصاريف بالحالة المذكورة

استاذ والله , الفيليشيا فعلا طلب فيها 27 بالظبط , كنت عايز رايك ,
في ناس بتقولي الالماني الماني و مش مشكلة ان الجولف موديل 87 و ناس تانية بتقول الجديد افضل و الفيليشيا احسن علشان اجدد ب 10 سنين عن الجولف
بافتراض تساوي الحالتين للعربيتين , يبقي انهي الافضل في الاعتمادية و قطع الغيار و الصيانة و اعادة البيع
معلشي بتقل عليك يا استاذ شريف باسئلتي الكتير بس انت اكيد عارف ان شرا عربية مش قرار سهل و الواحد ماصدق لقي حد فاهم زي حضرتك و ممكن يثق فية علشان ينصحة .