تسعيير السيارات المستعملة هدية لاعضاء نايل موتورز (الجزء الثالث)

**Morieno** · 08-08-2011 01:22 PM

شريف باشا - صباح الفل ورمضان كريم
برجاء تسعير

اكسنت 1500 موديل 99
كامله مانيوال
76 الف كيلو عداد
راشه حزام وبها بعض الخدوش البسيطه
الحاله العامه جيده

**icahmed** · 08-08-2011 01:46 PM

السلام عليكم،

هيونداي ماتريكس كوري 2006 - 1600 سي سي - عاملة 113000 كيلو متر - مانيوال - رشة اجزاء من الابواب فقط - لا تحتاج مصاريف

**maga9001** · 08-08-2011 02:20 PM

السيد الفاضل استاذ / شريف
كل سنة وانت طيب

عايز اعرف سعر سيارة نيسان صني موديل 2004 اوتوماتيك 1300 سي سي جميع الكماليات ex عاملة 100,000 كم
فابريكة بالكامل
وهل هناك مشاكل للفتيس الأوتوماتيك فى هذه السيارة ؟

ولكم جزيل الشكر

**Morientis** · 08-08-2011 05:11 PM

برجاء تسعير مازدا 2 موديل 2008 عامله 30000 كيلو راشه بابين و راي حضرتك في العربيه دي و ايه مميزاتها و عيوبها؟

**د.اشرف هنداوى** · 08-08-2011 08:59 PM

بعد اذنك كنت عايز اعرف ماتريكس 2010 اوتو عاملة 20000 كم فابريقة برة و جوه تعمل كام ؟ و شكرا جزيلا للغلابة الي ما بيعرفوش في العربيات زيي علي مساعدتك القبمة

**sherifowahba** · 08-08-2011 10:01 PM

المشاركة الأصلية كتبت بواسطة sedyrohy

يا ريت اعرف المعلومات دي كلها
فابريكا تسعينات مانيوال او اوتوماتيك مع اني افضل المانيوال
و اللوط حتبقى في رينج كام

مع وجود جميع الكماليات باور و تكييف

و من وجهه نظرك من الافضل الفابريكا ام لوط التجميع

الفابريقا علي وضعها تعمل رينج ال 50 الي 60 الف حسب كمالياتها وحالتها ومانيوال او اوتوماتيك وتكون بوضع المصنع ورقم الشاسيه هو رقم الموتور و 4100 سي سي 6 سلندر والغرز شغال وبدون مصاريف
اما اللوط فتعمل في رينج ال 25 الف حسب الموتور الي فيها وحالتها
وبصراحة هي ما تتركبش الا امريكي علي وضعها لان ادائها بيكون فاجر مع وضعها وماكينتها

**sherifowahba** · 08-08-2011 10:06 PM

المشاركة الأصلية كتبت بواسطة younglion2011

عايز اعرف سعر رينو كليو 2002 الشكل القديم 112000 ك م فابريقه دواخل وخوارج رشة المصنع ولا تحتاج لاى مصاريف فيها رخصه سنه

تعمل 37 الف

**sherifowahba** · 08-08-2011 10:13 PM

المشاركة الأصلية كتبت بواسطة mustafael3raky

اية رأى حضرتك فى
1- رينو كليو فرنساوى مو2003 اول يد بالكتالوجات فبريقا بالكامل (تكييف -باور-زجاج كهرباء-طاره مالتى فانكشن -ايرباج-طاقم صوت الفبريقا-سنتر-انزار- كاوتش جديد وبطاريه جديده)130الف كم رخصه سنه

2-ميجان موديل 2002، أوتوماتيك، زجاج كهرباء أمامي، مرايات كهرباء، ، وسائد هوائية (4 airbags)، فابريقة دواخل ورشة خوارج, كاوتش جديد، تحتاج سربنتينة تكييف وسنسور باور

يساوو كام وايه راي حضرتك فى شرا الرينو بصفة عامة مع العلم انى طبيب وبسافر ومش بفكرفى البيع قد ماحب اركب عربية كويسة

الكليو تعمل 42 الف
الميجان تعمل 44 الف
ومفيش مشكلة من شرا الرينو وهي عربية جميلة وتستحمل بس المهم حالتها

**sherifowahba** · 08-08-2011 10:17 PM

المشاركة الأصلية كتبت بواسطة m.fouad

نيسان صني موديل 98 فابرقة بالكامل برة و جوة و بدون اي خرابيش ما عدا الاكصدام الامامي حالة نادرة جدا عداد 230 الف كيلو كلة سفر الصالون لسة زيرو العربية تكييف و باور و زجاج عادة
الغريب بقى ان الموتور بتاعها 1400 انجيكشن و دة مشفتوش قبل كدة في الصني
صاحبها طالب 50 الف و انا معجب جدا بحالتها و مش مصدق العداد عليها تساوي كام حد ادنى و اخرها كام و الموتور دة مشكلة في قطع غيارها ولا حاجة

تعمل من 45 الي 47 الف
والموتور حاجته موجودة لا تقلق من هذا الموضوع

**sherifowahba** · 08-08-2011 10:19 PM

المشاركة الأصلية كتبت بواسطة احمدعبدالعزيز

شكرا يا باشا الصنى اتباعت ....

لا شكر علي واجب يا ابو حميد وتحت امرك في اي وقت

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة