استشارة الى اخى استاذ شريف : انا محتار جدا
انا عايز اشترى عربية وجمعت مبلغ فى حدود 75-80 الف بالشقا والتعب وبيع عربيتى القديمة
اجيب ايه زيرو ولا مستعمل ؟ انا متعقد من المستعمل والقعدة عند الصنياعية وشغل النصب علما بان استخدامى للعربية قليل (عائلى - مشاوير بعد الشغل - خروج فى الاجازات - ممكن سفر مرة او اثنين فى السنة للاسكندرية مثلا )
هل فيرنا - افيو - لانوس - لوجان - نيسان صنى
علما باننى مش ناوى ابيع خالص ان شاء الله - عايز قطع غيار وصيانة فى المعقول
وكان لى تعليقات على كل سيارة :
الفيرنا : حلوة بس اسمع ان الفرامل ضعيفة على السرعات - العربية واطية لكن غير كده كويسة
الشيفروليه لانوس : كله بيقول ابعد عنها عشان مكونات صينى وتوكيل منصور سيئ
الافيو : اسمع عن بعض العيوب فى العفشة - عيوب تقفيل وايضا توكيل منصور
اللوجان : كويسة بس خايف من اسعار قطع الغيار و الاصلاح فى التوكيل فقط
النيسان صنى : جميلة ماشاء الله عليها ويابانى بس موضوع استهلاك البنزين عالى
برجـــــــــــــــــــــا ء النصيحة فى الله وجزالك الله خيرا
خليك في الصني ما دام ان حضرتك غير محتاج لوسع الكنبة الخلفية
أشكرك يا استاذ شريف على ما تقدمه للمنتدى وبكل امانة مجهود جبار منك تشكر عليه خصوصا استجابتك السريعة لكل التساؤلات الخاصة بأسعار السيارات. بالمناسبة أنا صرفت نظر عن الاوبترا لأنها طلع فيها خبطة ورشة برة ودلوقتي قدامي لانسر 2008 فل اتوماتيك فل أوبشن 1600 سي سي وماشية 35 الف كيلو وحالتها ممتازة وفابريكة برة وجوه يا ريت تقولي سعرها كام ؟؟؟ وعلى فكرة انا كنت عامل لنفسي ميزانية للسيارة بحد أقصى 70 ألف وبعدين رفعتها ل 80 الف سؤالي التاني ليك هل اللانسر تستاهل اني أضحي عشانها وأزود المبلغ مرة تانية ؟؟ ولا أخليني في الصني أو الشيفرولية أوبترا 2008 او 2009 بنفس الرينج اللي كنت عامله في الأول ؟؟؟
تعمل 80 الف باعتبارها كلاسيك وبدون مصاريف
والانسر تستاهل التضحية لانها افضل من الاوبترا والصني
كل عام و انت بخير
ارجو تسعير كل من هاتين السيارتين
السيارة الأولى:
الماركة:شيفورليه أفيو الموديل:2008
السي سي للسيارة:1500
ك م: 43000
كماليات السيارة: تكييف سنتر انذار باور كاسيت cd مانيوال
بحاله الفبريكه بها رخصة سنتين اخر صيانه فى التوكيل عند كم35000
السيارة الثانية:
الماركة:شيفورليه أفيو الموديل:2008
السي سي للسيارة:1500
ك م: 40000
كماليات السيارة: تكييف سنتر باور جنوط مانيوال
بحاله الفبريكه بها رخصة سنة اخر صيانه عن طريق المالك عند كم40000
وارجو النصيحه فى ايهما احسن
المفضلات