يا خبراء المنتدي...
باختصااااااار ما هي مشاكل النوبيرا الاوتوماتيك؟؟؟
وليييه سمعتها وحشة في السوق؟؟؟
انا قدامي واحدة 2005 عاملة 52000 جنيه
افيدووووووووونييييييي
عرض للطباعة
يا خبراء المنتدي...
باختصااااااار ما هي مشاكل النوبيرا الاوتوماتيك؟؟؟
وليييه سمعتها وحشة في السوق؟؟؟
انا قدامي واحدة 2005 عاملة 52000 جنيه
افيدووووووووونييييييي
منتظرين اصحاب النوبيرا
عاملة كام الف ؟؟؟؟
نصيحه بلاش نوبيرا اعطلها كتير
وبالخص الاتوماتيك الفتيس ضعيف جدا جدا جدا
الحمد لله انا كنت هشترى نوبيرا اوتوماتيك وربنا نجانى منها الحمد لله واحد اعرفه كان معاه نوبيرا اوتو كان بيوقلى السحب وحش جدا والراجل غير الفتيس مرتين والعفشه وحشه جدا جدا وعايزه اديك فيها على طوووول
والفتيس المنيول لما جربته فى خشونه شويه
وعل فكره هيا هيا الانوس تقريبا بس فرق الماتور عشان فيه لانوس بتنزل بره 1600 وفيه نوبيرا 1500 وواسعه عنها شويه فى الانوس لو السواق هيقعد براحته مفيش حد هيعرف يركب ورا
فعلا ربنا كرمنى انى مجبتهاش عشان العربيتين دول فيهم عيوب وقطع غيارها مش معمره والعفشه وحشه والكل عارف كده بس الماتور كويس بتاعها والاوتوماتيك وحش والكل حذرنى منوا حتى اصحابها والكلام ده مش كلامى لوحدى وخشونه فتيس المانيول برده مش لوحده ياعنى العربيه بتبقى زيرو وبتكركر و بسمع صوت النقله وانا راكب عربيتى وصوتها عالى
حرام عليكم لا فية فى اللانوس مشاكل عفشة ولا موتور ولا فتيس وقطع غيارها الاصلية والاستيراد متوفرة ورخيصة نسبيا ومعمرة وأثبتت نجاحها فى مصر علشان كدة بيعيدوا تصنيعها تحت أسم شيفورلية وشغال تااكسى من زمان وزى الفل
والعربية بقت محفوظة عند الميكانيكية والكهربائية وأكسسواراتها مالية الدنيا
إية بقى العيب فى كدة كفاية أن مواتير وفتيس اللانوس والنوبيرا بتتحط للأفيو والاوبترا
متابع باهتمام ....
:36_1_37[1]:
كل الاعضاء بيتفرجوا علي ماتش النهائي....
بص من الاخر
العربيه حاله
و الفتيس مريح و تمام و ميه ميه و اللى يقولك غير كده يبقى مابيفهمش حاجة في العربيات دي خالص
كل الحكاية هاتحافظ عليه هاتلاقية شغال معاك زي الفل
و اعمل سيرش بسيط في القسم هاتلاقي اعضاء معانا معاهم لانوس و نوبيرا اوتو موديلات 99 تقريبا و لسه الفتيس زي ما هوه
و على فكره اعرف واحد معاه سكودا a4 مغير الفتيس الاوتو بتاعها مرتين
وبالنسبه للسحب هوه مش اوي قبل 3 ار بي ام
بس بعد كده ابقى قابلني لو حد حصلك
اللى طلع عليها السمعه الوحشه دي الصنايعيه الفتييين اللى بوظوا الفتيس و يقولولك الفتيس تعبان
تيجي تروحله يقولك الفتيس مابيتغيرلوش زيت
فلازم يبوظ
بالنسبه للوسع انت اكيد شايف و عارف
اما في اللانوس اقولك على تجربه
واحد صاحبي معاه لانوس 2004
وزنه 180
اخوه زيه
واحد صاحبنا 120
اخويا 90
الاربعه في اللانوس و قاعدين مرتاحيين
M.Zaher
استاااااااااذ
:S_thum1[1]:
يعني من الاخر تنصحني ابص علي ايه قبل مااشتري ؟؟؟؟؟؟؟؟
بص ياباشا الاول اكشف على العربيه كويس و خلي الفتيس في الاخر
لو العربيه تمام يبقى خش على الفتيس
لو صاحبها بيعمل صيانتها في التوكيل يبقى توكل على الله لانهم اكيد هايكونوا بيغيرولوا الزيت في ميعادة لان الزيت ده روح الفتيس و من غيره الفتيس هايضيع و ترجع تقول النوبيرا الاوتو بتاعها تعبان
لو مش كده وهوه ثقه هايقولك كان بيعمل ايه في الزيت و سلك الكيك داون
ده طبعا قبل ما تجرب
شوف مقاس الزيت مظبوط ولا لاء بتاع الفتيس و شوف الزيت لونه ايه
اطلع جرب العربيه و شوف النقلات
هاتحس بالنقلات ولا لاء
الطبيعي بتاع النوبيرا مش هاتحس بالنقلات خالص لو الفتيس تمام ومافيهوش اي مشكله
(انا عندي بحس بالنقله من الاول للتاني بس غير كده بشوفها في عداد الار بي ام بس)
وشوف سحب العربيه
و اعمل كيك داون و شوف العربيه هاتطير ولا لاء
اما لو حسيت بالنقله مثلا حاجة بسيطة كده يبقى هاتلاقيها محتاجة تغير زيت
اما لو فيه زنه جامده في النقله ده كده سيلك الكيك داون عايز يتغير
اما بقى لو السحب تعبان و الكيك داون مابيطلعكش جامد يبقى كده ممكن يكون الفتيس فيه مشكله
(ده طبعا بعد الاطمئنان على بقيت مكونات السيارة و على اعتبار انهم في حاله كويسه)
و ياريت لو تشوف ميكيانيكي بيفهم في الفتيس الاوتو تاخد رأيه
ولو تقدر ترفعها في التوكيل يكون احسن
على فكرة انا معايا نوبيرا 2004 اتوماتيك و الفتيس ما شاء الله زى الفل طول ما انت محافظ على صيانته وبتغير الزيت فى معادة
و ابعد عن كلام التجار اللى بيفتو ويقولو اى كلام. من الاخر لو العربيه مش متهانه مش هتقابلك اى مشكله لا فى فتيس ولا غيرة
العفشه ممتازة هو بس غير بيض المقصات لو باظت وهاتلك مقصين ريمسا اسبانى وانسى العفشه خالص
يا جماعة انا كان عندي حق لما قلت اسال خبراء المنتدي الاول...
شكرا لكم جزيلا....
طيب يا جماعة اخبار اعادة البيع ايه؟؟؟؟؟
الفتيس الأوتو بتاع النوبيرا الأستعمال خارج ب 1300 جنبه يعنى بقيمه تغير ديسك و أسطوانه فى التويوتا.
المهم حاله العربيه أيه ؟
يا جماعة على فكرة دى اول مشاركة ليا انا معايا نوبيرا99 اتوماتيك استيراد بقى لها معايا3سنين الكلام على ضعف الفتيس اثارنى الفتيس زى الفل بس الكلام عليه كتير مش عارف ليه ودى عربية معمرة فعلا وبحبها جدا