حبيت اشترى سيارة زيرو وقلت اروح معرض اوتو سمير اجرب اللى سمعت عنه . ولما رحت قابلت الاستاذ محمد فوزى لانى نويت اشترى سيارة كيا سول وقابلنى كويس واتفرجت على السيارة وكانت الدنيا جميله وقالى كل الالوان موجود والدنيا لونها بمبى واللى انت عايزه كله تمام . ولما خلصت اجراءات البنك واخذت مبلغ المقدمه ورحت بقى علشان انجز الموضوع واخلص فوجئت بالاتى :
مفيش السيارة اللى انا عايزها ورحنا المخزن مع ان المفروض هما عارفين ايه اللى فى المخزن لكن لفه وخلاص ومفيش غير لونين بس من السول الهاى لاين الخليجى وطبعا بدا الاستاذ محمد فوزى فى الاتصالات بمعارض اخرى حتى يستطيع توفير سيارة لى بالمواصفات اللى انا كنت قايله عليها من قبلها بثلاثة ايام واكدلى ان كل شئ موجود ولكن باءت المحاولات بالفشل . وفى النهايه اضططرت ان اقبل سيارة موجوده عنده ولكن بمواصفات اقل ورضيت واشتريت وكان يوم الاربعاء 7/7/2010 وعملت ضمان فى شركة تريبل a ودفعت التامين وكله تمام . لسه باقى الحلاوه بتاعتنا دا كان كلام الاستاذ محمد فوزى اللى ما رضيش يتنازل عن 150 جنيه وقبلهم بالعافيه المهم دفعنا طبعا وكان هما مش بياخدوا مرتبات فى المعرض عموما مش مشكله . هنرخص امتى هتصل بيك اقولك بالليل ان الورق الخاص بك وصل وطبعا الى الان الى تاريخ 10/7/2010 لم يتم هذا الاتصال والى الان السيارة متحنطه تحت البيت لانها بدون نمر وترخيص وطبعا ده اللى بيحصل فى كل حته مش بس معرض اوتو سمير لكن فى كل مصر كده مفيش حد بيلتزم بكلمته ومش عارف اعمل ايه انا مفوض امرى الى الله وحبيت اقولكم الموضوع ده عشان اللى رايح يشترى سياره يبقى عارف ممكن ينتظر اكثر من اسبوع بدون ما يقدر يركب سيارته بالرغم انها واقفه امامه .