ألف مبروك للسادة الوزراء توزيع سيارات بورش مجانا

**Egypt200x** · 11-07-2010 02:37 AM

توزيع سيارات "بورش" مجانا على الوزراء

السبت، 10 يوليو 2010 - 17:36 | (2119)
3 Share67

غالي وزع السيارات على زملائه الوزراء
كشف الدكتور رفعت السعيد رئيس حزب التجمع النقاب عن قيام الدكتور يوسف بطرس غالي وزير المالية بتوزيع شحنة سيارات مستوردة على الوزراء مجانا.

وقال السعيد في كلمته أمام مؤتمر"معا ضد الفساد" الذي نظمه حزب التجمع الجمعة إنه "منذ حوالي 6 أشهر جاءت إلى الجمارك شحنة سيارات "بورش" ورفض صاحبها استلامها بسبب ارتفاع قيمة الجمارك وكان من المفروض أن تعرض السيارات في مزاد عام إلا أن وزير المالية قرر توزيعها كسيارات إضافية على السادة الوزراء".

وكشف السعيد عن أنه توجه لوزير المالية بسؤال أثناء إحدى مناقشات مجلس الشورى حول عدد السكرتيرات العاملات في مكتبه وقيمة رواتبهن إلا أن "غالي" رفض الرد.

وواصل السعيد هجومه ضد غالي، حيث أشار إلى أن وزير المالية رفض تطبيق نظام الضرائب التصاعدية في مصر بحجة أنه ضد الاستثمار، وأنه توجه إليه متسائلا من هو المستثمر الذي يأمن على أمواله في مصر بعدما يمر على شارع قصر النيل ويرى العمال معتصمين أمام مجلس الشعب بملابسهم الداخلية، فرد عليه غالى قائلا "يا سيدي بلاش يروحوا القصر العيني ونوديهم القرية الذكية".

بجد لا تعليق

مش عارف يعني أعلق أقول ايه

**Ahmed Samy** · 11-07-2010 02:41 AM

انت زعلان ليه

بلدهم و عربياتهم

ربنا يديهم على قد نيتهم

**Mzeid** · 11-07-2010 02:41 AM

الكلام دة بجد و لا هزار و لا ايه ؟

**X_MM_X** · 11-07-2010 02:42 AM

بلاش ارد هتوقف سنه اصل العيب مش عليه العيب على تيييييت

حسبنا الله ونعم الوكيل في الظلمه يارب خدهم

**shiko85** · 11-07-2010 02:42 AM

المشاركة الأصلية كتبت بواسطة Egypt200x

بجد لا تعليق
مش عارف يعني أعلق أقول ايه

ممكن تقول يا ريتنى كنت وزير

**Terrible_DaRsH** · 11-07-2010 02:56 AM

اجمل حاجة فى المواضيع اللى بتحرق دمنا كل يوم دى .

ان الخبر يبدا بجملة ( كشف فلان عن فساد جديد قام به فلان الفولانى ) و يكشف الخبر كله بالمستندات و مصر كلها تعرف و بعدها تلافى المسئول ده اترقى او لسه قاعد فى منصبه !

الكفار زمان كان عندهم دم عن البشر دى .

**MaZaGAngeE** · 11-07-2010 03:00 AM

ده من حقه العربيات و حجزت عليها الجمارك و الحكومة صادرتها لصالح ولاد الوزرا
‏ ولا انتوا فاكرينهم زي عامة الشعب و هيركبوا فيات قرده و لا 504
ايه بس مش تركزوا شوية ده الناس مقامات
مطلوب واحد يستورد شحنة تانية بش تكون جيب روز عشان بنات الوزرا بيحبوا الروز

**Ahmed Samy** · 11-07-2010 03:00 AM

المشاركة الأصلية كتبت بواسطة terrible_darsh

الكفار زمان كان عندهم دم عن البشر دى .

فين البشر دول !!!!

انت ماتعرفش ان الأرض محتله من سكان كوكب كريبتون من زمان

و بعد الحرب العالمية التانية شعوب العالم حاربت الكريبتونيييين و ده جعلهم ينسحبوا و يتوطنوا في مصر

و انت طبعا تعرف اننا شعب مضياف و نعز الغريب يحكمنا من ايام الهكسوس لمحمد على

فاخترنا ان الكريبتونيين يحكموا مصر

و هم ما بيركبوش الا بورش

اهي حاجة من ريحة كوكبهم

**M.Osman** · 11-07-2010 03:00 AM

المهم ..جابوا البانيميرا ؟ ولا حتة used ؟

**Ahmed Samy** · 11-07-2010 03:04 AM

المشاركة الأصلية كتبت بواسطة m.osman

المهم ..جابوا البانيميرا ؟ ولا حتة used ؟

يوزد ايه تف من بقك

انا مارضاش اركب وزيري الكريبتوني الا حتة كايين زيرو و تكون اس تربو

لحسن العيال السيس يعلموا عليهم بالفيراري و هما بيشدوا مع المواكب على طريق العلمين و هما رايحين بورتو

الموضوع: ألف مبروك للسادة الوزراء توزيع سيارات بورش مجانا

LinkBack

أدوات الموضوع

عرض

ألف مبروك للسادة الوزراء توزيع سيارات بورش مجانا - انشر الموضوع فى :

-

-

-

-

-

-

-

المواضيع المتشابهه

توزيع حقيبة الإسعافات والمثلث العاكس مجانا

كورس اوراكل مجانا مجانا مجانا و الامتحان للدخول غدا

احجز قبل 7 /11 دعوة لحضور اليوم العالمى لمرض السكر مجانا-خدمات كثيرة مجانا

الكلمات الدلالية لهذا الموضوع

المفضلات

المفضلات

ضوابط المشاركة