مش عارف المشكلة ممكن توصل لغاية فين ؟

**MOMODENGER** · 11-07-2010 10:05 AM

اولا السلام عليكم ورحمة الله وبركاتة

يا اخوانى ان حاولت من يومين انظف المانافولد بنفسى على اعتبار دة شى سهل ولكن لاسف الشديد حصل معاي موقف غريب وهو انى عملت زى الدكتور الى نسى الفوطة فى بطن المريض واهو انى نسيت حتة قماش خفيفة جدا قطن قد المنديل الورق تقريبا وشغلت العربية وطبعا حتة القماش دى انشفطت ومش عارف اية ممكن يحصل بس خايف وقلقان ومشيت بالغربية حوالى 200 كيلو بس كل شى طبيعى جدا ولكن عاوزكم تعرفونى الفوطة دى هتروح فين لانى مكسوف احكى للميكانيكى واشمتة فية وكمان واحد قالى انها هتتحرق وهتخرج مع العادم ارجو منكم افادتى لاهمية انا عربيتى اسبيرانزا a516 ولو تعرفعو ميكانيكى كويش بيفهم فى العربية دى يا ريت تفيدونى وشكر جدا .

**MOMODENGER** · 11-07-2010 10:07 AM

والله انا منتظر رد الاخوة المحترمين على موضوعى

**aYaBooY** · 11-07-2010 05:32 PM

ممكن تتحرق لو اتشفطت من خانة البستم
و ممكن تبوز الموتور و تخلي الشميز يسلخ لو وقعت في الشنابر بس بما انك مشيت مسافة 200 كم يبقي ان شاء الله اتحرقت

**فادى محمد** · 11-07-2010 06:24 PM

ماتقلقش... ربك كريم .طالما ماظهرش مشاكل تبقي اتحرقت وطلعت هباب من الشكمان ,بس ابقي خلي بالك بعد كده .

**SAMEH_FOUAD** · 11-07-2010 07:32 PM

شوف ياباشا اول ماسورة عندك من جوة المنافولد بتبقى ماسورة الشكمان ودية بتبقى رقم 1,3 يعنى ان شاء الله هتكون سليمة لانها لو كانت ماتحرقتش كنت مجرد ماهتتحرك بالعربية ولمسافة لاتتعدى ال2 كم كنت هتلاقى لاقدر الله الماتور قفش ,والحمد لله عدد على خير بس وانت بتنظف بعد كدة يفضل الاتى :

1: الماتور يكون بارد تماما
2: تجيب منظف انجيكشن او كارب كلينر
3: يكون معاك فوطة ناشفة ونظيفة تماما اول استعمال يعنى
4: اتاكد تماما بعد الانتهاء ان كل حاجة فى مكانها وانك مش ناسى حاجة
5 : يفضل لو هتشيل فيشة حساس ولا حاجة , انك تكون شايل كابل البطارية
6: ماترشش كتير بالاسبراى
7: بعد الانتهاء تسيب السيارة دايرة لمدة عشر دقايق بدون تحرك