عرض للطباعة
انا كنت عايز رايكم فى حاجة
انا ناوى اشترى عربية
ومعايا حوالى 66 الف
فاية رايكم فى
لانوس ولا فيرنا ولا فيرنا فيفا
اية احسن واحدة فيهم
وفى مثلا عربيات تكون احلى وفى نفس السعر دة بس غير الصينى يا جماعة
ياريت رايكم بسرعة
لانى ناوى اروح اشترى بكرة ان شاء اللة وكنت ناوى على الانوس بس صاحب المعرض
قعد يكون المصنع بيحاول يطلع كل الى عندة علشان هيغير ويحدث فممكن تلاقى العربيات الى بتطلع فيها عيوب كتير وكدة
فعايز رايكم
رئى لو انا الى هشترى
هجيب فيرنا 1600 بدون تفكير
شكرا اخى على ردك
وياريت راى باقى الاعضاء
بالترتيب كده:
1- لانوس
2- أفيو كسر زيرو (صعب تلاقيها شوية)
3- فيرنا فيفا
فيرنا 1600
لانوس
بلاش الفيفا خالص
شكرا ليكم على ردكم يا شباب
لانوس
فيرنا 1600
فيرنا فيفا
شيرى الى شبه التوليدو لو عايز
لا يا غالى مش بفكر فى الشيرى لانها صينى على ما اعتقد
شكرا على ردك
كدا يا شباب اللانوس والفيرنا متعادلين ولا اية
انا عايز طبعا الى الصاج بتاعها احسن واقتصادية وثباتها احسن
انا رايئ فكر فى شاهين كاملة والله معايه وعربيه مريحه ذائد باقى مميزاتها المعروفة
ثم الانوس ثم الفرنا 1600 وبالتوفيق
انا رأى فيرنا 1600
طبعا فيرنا 1600
ثم لانوس ثم فيفا
1- اللانوس
2- الفيرنا
لسلام عليكم، والله أنا في رأيي الفيرنا 1600بعدين اللانوس (لإني برتاح للفيرنا أكتر و سمعت إستهلاك بنزينها أعلى من الفيرنا)لكن الفيفا بصراحه مش برتاحلها وكفايا إنها هندي ،لو عرفت تستلقط حاجه كسر يبقى أخر جمال.
وربنا يرزقك.
انا رأى فيرنا 1600
انا اسمع ان الانوس دلوقتى فيها عيوب تقفيل والمصنع مبقاش زى الاول
لأ حاسب الفيرنا اللي بتطلع علي الفرازة ،،اقتباس:
المشاركة الأصلية كتبت بواسطة limo
الإثنين للأسف بيبقي فيهم عيوب تقفيل ،،
بس غبور بيهتم إنه يصلح عيوبه لأن دي سياستهم نسلم أي حاجة و كده كده هنبضطها في الضمان ،،
غير إنها عربية مهمة بالنسبة له ،،
غير ابو الفتوح ،، خلاص دايوو كارت محروق بالنسبة له ،،
مركز مع الإسبرانزا ،،،
أرشح الفيرنا كسيارة افضل من اللانوس في وجهة نظري ،،
اللانوس تتفوق بس في إعادة البيع ،،
1- تزود شوية وتجيب حاجة محترمة ( ياريس او اكسنت او أوبترا )
2- فيرنا 1600
3- لانوس ولو انى مجربتهاش
4- انسى الفيفا
معايا لانوس 2006 ...
اللانوس عربية كويسة والفيرنا مبحبش توكيلها !
شكرا يا غالين انا يعتبر قررت اشترى اللانوس خلاص
بس باقى ان اروح احجز العربية
شكرا ليكم على مساعدتكم وعلى ردودكم
+100000000اقتباس:
المشاركة الأصلية كتبت بواسطة storm_unleashed
الى الاخ اللى اقترح الشاهين واللهى انت موتنى من الضحك وخصوصا جملة(انا رايئ فكر فى شاهين كاملة والله معايه وعربيه مريحه ذائد باقى مميزاتها المعروفة
ثم الانوس ثم الفرنا 1600 وبالتوفيق
_________)زائد باقى مميزاتها المعروفة حلوة حكاية المميزات دى