الموضوع: نداء الى كل من يعمل بالبورصة .... مش عايز تفكر شوية ؟

المشاركة الأصلية كتبت بواسطة amir

ادي الرد و ربنا يكرمنا جميعا

ربنا يسهل وادى الراجل الجديد جه وحنشوف هل ده حيفرق حاجة ولا لا
لاحظ ان السوق مطلعش الا الاسهم بتاعة 70 واللى هى كودها الرئيسي "ميكى ماوس"

ونشوف على مدار كام الشهر اللى جايين حيحصل ايه

المشاركة الأصلية كتبت بواسطة tifana2010

معنى كدا انها اسم خاضعة لقاونين بورصة لندن أم المقصود شراء الاجانب لهذه الاسهم طيب ماهو ممكن الاجانب يشتروها من البورصة المصرية؟؟؟

عملية الشراء والبيع بتم وفقاً لقواعد بورصة لندن واى حد ممكن يشترى شهادات الايداع سواء اجانب او مصريين بس طبيعى ان الاجنبى هو اللى بيشتريها اكتر

وهو ممكن يشترى اسهم عادية من مصر بس زى مانا اجى اقولك تعالى استثمرى فى بورصة جنوب افريقيا حتروحى؟ لا مش حتروحى لانك متعرفيش العملة ولا القوانين لكن لو السهم ده جه لغاية عندك حتبقى مقبلة اكتر على شرائه

وبالتالى نفس الفكرة ممكن الاجنبى يشترى اسهم من مصر لكن لو بقت شهادة ايداع فى لندن حيبقى افضله (لعوامل كتيرة زى سعر الصرف ووجود ادوات هناك غير هنا ولاختلاف ساعات وايام التدوال نسبيا)

المشاركة الأصلية كتبت بواسطة tifana2010

معنى كده أن كل البورصات ليها مؤشر ؟؟؟؟؟

اكيد
والا حنعرف السوق طالع او نازل ازاى
ده على الاقل بيبقى فى مؤشر واحد
لكن ممكن دول تبقى ليها اكتر من مؤشر كمان (مصر مثلا عندها 4 رسميين غير اللى شركات السمسرة عمالهم)