أغيثوووووووووني

**mikho83** · 11-07-2010 10:52 AM

السلام عليكم
انا اتنصب عليا في مبلغ كبير من راجل من أسيوط كنت شغال معاه في التوريدات وأكل عليا مبلغ كبير. مش عارف اتصرف ازاي خصوصا إن المبلغ كله مش بتاعي وفيه ناس ليها فلوس والعملية هاتدخل في محاكم وقضايا. يا ريت لو حد من أسيوط يقدر يساعدني إني الاقي الراجل ده أو حد يعرف حد في الشرطة يساعدني أحسن انا قاعد على أعصابي. أنا سالت ناس في أسيوط قالوا لي لو تعرف حد ليه عزوة جامدة وعيلة قوية في أسيوط هايخلصوا لك الموضوع لأن هناك العرفي بيكون أقوي من الشرطة والحكومة. بصراحة انا مش عارف حد في أسيوط. ومش عارف اتصرف ازاي؟؟؟؟؟؟؟؟؟

**احمد المصرى** · 11-07-2010 11:35 AM

ربنا يكرمك وتاخد حقك منه

**m_car** · 11-07-2010 01:35 PM

لو تعرف اسمه بالكامل صح

اتصل ب140 وقول عاوز رقم فى اسيوط باسم كذا

ولو موصلتش لحاجة انزل اسيوط واعمل عملية بحث كبيرة وربنا يقويك يارب

وخد بالك بعد كده وربنا يرجعلك حقك

**mikho83** · 11-07-2010 01:55 PM

المشاركة الأصلية كتبت بواسطة m_car

لو تعرف اسمه بالكامل صح

اتصل ب140 وقول عاوز رقم فى اسيوط باسم كذا

ولو موصلتش لحاجة انزل اسيوط واعمل عملية بحث كبيرة وربنا يقويك يارب

وخد بالك بعد كده وربنا يرجعلك حقك

يعني أقول اسم الشخص اللي نصب عليا وهايجيبوا لي رقم تليفونه؟

**تامر.محمد** · 11-07-2010 02:03 PM

لو عنده تليفون بإسمه و مش سري هايقولوا لك تليفونه فعلا , و لو موجود على الدليل الأونلاين (كان اسمه 140online.com تقريبا ) ممكن تلاقي عنوانه كمان

ده طبعا لو هو عامل تليفون بإسمه

**mikho83** · 12-07-2010 03:08 PM

طيب ما فيش حد هنا من أسيوط يقدر يفيدني في الموضوع؟

**mobitic** · 12-07-2010 03:31 PM

اولا : ربنا يوفقك ويكرمك وتقدر ترجع حقك
ثانيا : حضرتك واخد عليه اى حاجه تثبت ان لك عنده فلوس ( شيكات - ايصالات أمانه - الخ) لو كده ممكن تشوف محامى يكون شاطر يخلصلك الموضوع ده و سمعت ان فى ناس منهم بتاخد نسبه من المبلغ اللى لك عند النصاب ده يعنى مش هياخد منك حاجه غير لما يرجعلك حقك . ودور وهتلاقى
ثالثا : لو معرفتش تاخد حقك بالطرق التقليدية ( أكيد هتعرف تجيبه بطرق غير تقليدية كتير ) بس اهم حاجه تفتيح المخ فاهمنى حضرتك. وما ضاع حق وراءه مطالب .
وربنا يوفقك ويكرمك وحقك يرجع إن شاء الله