مشكلة فى لانسر بومة لخبراء اللانسر الحلويين

السلام عليكم يا اهل الكفاح المسلح

انا معايا لانسر بومة خليجى موديل 2008 مانيوال 1300 سى سى

من حوالى سنة تقريبا كنت ماشى بيها على سرعة 60 و بعدين كنت داخل على كمين و ماكنتش رابط الحزام... روحت سايب الدريكسيون و ربطت الحزام بس للأسف كوتش العربية الامامى الشمال خبط فى الرصيف جامد و العربية غيرت اتجاهها فجأة بس قدرت اسيطر عليها... بعد الموضوع ده لاحظت انى فى السرعات العالية لما بسيب الدريكسيون العربية بتحود يمين لوحدها بشكل خفيف جدا... طبعا روحت اعمل ضبط زوايا .. روحت اماكن كتير جدا و كل الناس اللى بتضبط زوايا بيقولولى العربية الزوايا بتاعتها سليمة و فيه ناس منهم مش بيرضى ياخد فلوس... و العربية لسه بتحود يمين لوحدها فى السرعات العالية... هوة الموضوع مش خطير اوى بس انا عاوز اضبطها و فيه واحد صاحبى قالى احتمال يكون المقص اتعوج... ارجو حد يوضحلى فين المشكلة او يدلنى على حد متخصص فى اللانسر و يستحسن يكون فى الحرفيين... شكرا

واضح انك جديد في السواقة
بس حاول تظبط ضغط العجل

مافيش حاجة إن شاء الله وجايز تكون العربية كده من الأصل قبل الخبطة ومتحاولش تخلى ناس تقعد تخترع فيها علشان الزوايا متبوظش بجد على إيديهم

ان في رايي الشخصي مادام ظبطت الزوايا كزا مرة وعند اكتر من مكان يبقي المشكلة في الزوايا. فانصحك انك اولا تشيك علي الجنط اللي خبط في الرصيف ممكن يكون في عوجة او رفة بسيطة بيخلي العربية تميل نحيته. وكمان ياريت تشيك علي المقصات والاسكاترا ممكن ( لا قدر الله ) يكون في عوجة من اثر الخبطة. وياريت تعرفنا بالنتيجة للاستفادة جميعا. وان اء الله هتطلع حاجة بسيطة نتقلقش

اسف للخطا قصدي مادام ظبطت زوايا في كزا مكان يبقي العيب مش في الزوايا

اقتباس:

---

المشاركة الأصلية كتبت بواسطة mr_vampire

ان في رايي الشخصي مادام ظبطت الزوايا كزا مرة وعند اكتر من مكان يبقي المشكلة في الزوايا. فانصحك انك اولا تشيك علي الجنط اللي خبط في الرصيف ممكن يكون في عوجة او رفة بسيطة بيخلي العربية تميل نحيته. وكمان ياريت تشيك علي المقصات والاسكاترا ممكن ( لا قدر الله ) يكون في عوجة من اثر الخبطة. وياريت تعرفنا بالنتيجة للاستفادة جميعا. وان اء الله هتطلع حاجة بسيطة نتقلقش

---

متشكرين يا باشا... انا فعلا بعد الخبطة لقيت الجنط بتاع الكاوتش اللى خبط فى الرصيف حصل فيه تشوهات... بس انا عدلته و كمان غيرت مكان الكاوتش ده مع الكاوتش اللى فى الخلف... يعنى كاوتشات العربية من قدام سليمة تماما... و بعدين العربية انا لما اشتريتها اول مرة ماكانش فيها الحكاية دى...و عاوز اسألك على مكان كويس اقدر افحص فيه المقصات و الاسكاترا اللى بتقول عليهم دول ... انا مش عارف الحاجات دى اصلا بتاعة ايه... و ليه قولت لا قدر الله؟؟؟؟ هوة الموضوع خطير ولا ايه؟؟

اقتباس:

---

المشاركة الأصلية كتبت بواسطة haythoomatos

متشكرين يا باشا... انا فعلا بعد الخبطة لقيت الجنط بتاع الكاوتش اللى خبط فى الرصيف حصل فيه تشوهات... بس انا عدلته و كمان غيرت مكان الكاوتش ده مع الكاوتش اللى فى الخلف... يعنى كاوتشات العربية من قدام سليمة تماما... و بعدين العربية انا لما اشتريتها اول مرة ماكانش فيها الحكاية دى...و عاوز اسألك على مكان كويس اقدر افحص فيه المقصات و الاسكاترا اللى بتقول عليهم دول ... انا مش عارف الحاجات دى اصلا بتاعة ايه... و ليه قولت لا قدر الله؟؟؟؟ هوة الموضوع خطير ولا ايه؟؟

---

الاسكترا دى علبة الدركسيون والمقص دة اللى بيشيل العفشة بتاعت العربية هما مقصين قدام يمين وشمال لو الكلام على المقص لقدر الله يبقى بسيط لو الكلام على الاسكنرا دى صعبة عشان بتبقى غالية وممكن يطلع بيض مقص او الميزان بتاع العربية بص انت تروح الحرفيين لواحد بتاع عفشة محترم هيفيدك اكتر

اقتباس:

---

المشاركة الأصلية كتبت بواسطة hondaman

الاسكترا دى علبة الدركسيون والمقص دة اللى بيشيل العفشة بتاعت العربية هما مقصين قدام يمين وشمال لو الكلام على المقص لقدر الله يبقى بسيط لو الكلام على الاسكنرا دى صعبة عشان بتبقى غالية وممكن يطلع بيض مقص او الميزان بتاع العربية بص انت تروح الحرفيين لواحد بتاع عفشة محترم هيفيدك اكتر

---

متهيالي الاخ هوندا اتفضل محترم بشرح وافي. واسف مش هقدر افيدك في مكان مناسب لاني مش من القاهرة بس فعلا ممكن تروح الحرفيين او اسال انتا عن اي مكان بيظبط عفشات عربيات قريب منك وقوله يشيك بس مش يفتح شغل علي طول وشيك عند كزا مكان للاطمئنان برده. وياريت برده تعرفنا النتيجة عشان الاستفادة للجميع. واخيرا احييك علي انك جبت العجلة اللي اتخبطت ورا لانها فعلا كانت هتاثر في اتزان الدريكسيون وبالتالي هتاثر في اتزان العربية عموما

انا متشكر جدا يا جماعة على الردود الجميلة دى... و انا قررت اروح التوكيل بتاع ميتسوبيشى اللى فى عبد الخالق ثروت فى وسط البلد علشان انا اصلا عاوز اعمل صيانة ال 20000 كيلو... و بالمرة هشوف الناس بتوع التوكيل رأيهم ايه

اقتباس:

---

المشاركة الأصلية كتبت بواسطة haythoomatos

انا متشكر جدا يا جماعة على الردود الجميلة دى... و انا قررت اروح التوكيل بتاع ميتسوبيشى اللى فى عبد الخالق ثروت فى وسط البلد علشان انا اصلا عاوز اعمل صيانة ال 20000 كيلو... و بالمرة هشوف الناس بتوع التوكيل رأيهم ايه

---

هتفاجأ بالرد
ابقى طمنا

تحت امرك ياباشا. وعلي بركة الله ومنتظرينك بالنتيجة عشان تطمنا