الأسماعيلية حدائق حلوان

**ahmedsrs** · 11-07-2010 01:46 PM

ايه اقصر طريق من الأسماعيلية الى حدائق حلوان

**MaZaGAngeE** · 11-07-2010 02:40 PM

انت هتاخد طريق مصر اسماعيلية و منه هتاخد جسر السويس و تطلع الكوبري اللي هينزلك بجوار المطار و هتكمل لحد الكلية الحربية و تدخل يمين و من هناك قدامك طريقين :
1...‏ هتاخد الاوتوستراد و تمشي حوالي 40 كيلو لحد ما يبقى على يمينك برج كهرباء عالي جدا على ناصية شارع كبير و قصاده على الشمال بنزينة وطنية هتاخد يمين في الشارع الكبير ده دي منطقة اسمها المعصره و تمشي تقريبا كيلو و تطلع الكوبري هتنزل مع الملف شمال و بعد 300 متر على شمالك مدخل حدائق حبوان الرئيسي .
2..‏ لو عايز تروح من على الكورنيش هتدخل يمين مع سور الكلية الحربية و تاخد صلاح سالم لآخره لحد الفسطاط و عين الصيرة و عند بنزينة موبيل بتاعة عين الصيرة هتلاقيها على شمالك وواخده ناصية هتلف و ترجع و تدخل يمين مع البزينة و تكمل على الفسطاط و تطلع الكوبري و تنزل على الكورنيش و تكمل على طول باتجاه المعادي حوالي 20 كلم لحد ما توصل المعصره هتلاقي بنزينتين قصاد بعض على طول اسو يمين و موبيل شمال بعديهم على الشمال هتلاقي مصنع التلفونات و المنطقة دي اسمها سيجوارت على اسم مصنع المواسير هتلف و ترجع و تدخل يمين مع بداية سور المصنع اللي هيكون على شمالك و مخر سيول ناشف على يمينك و تمشي 500 متر و تاخد كسره شمال مع الشارع و تكمل 500 متر تانيين هتلاقي المدخل الرئيسي اللي قلتلك عليه في الطريق الأولاني..

سامحني مش قادر احط خريطة ليك عشان شغال من الموبيل

**ahmedsrs** · 11-07-2010 04:10 PM

الف شكر انا هختار الحل الأول

**elhamoly** · 22-07-2010 09:38 PM

وصفة صحيحة جدا وواضحة جدا جدا وانا جربتها بالفعل واشكرك يا اخ مزجنجى

**MaZaGAngeE** · 22-07-2010 10:33 PM

المشاركة الأصلية كتبت بواسطة elhamoly

وصفة صحيحة جدا وواضحة جدا جدا وانا جربتها بالفعل واشكرك يا اخ مزجنجى

في منتهى السعادة اني قدرت أفيد أحد أعضاء عيلتي الكبيرة على النت

**mohamedhfz** · 25-07-2010 09:38 PM

في طريق اسهل
خد مصر اسماعيليه الصحراوي و اطلع الدائري من عند العبور و بعدين كمل لحد بعد كارفور هتلاقي كوبري بيعدي الاتوستراد متتطلعوش و خوش من جنب المطلع بتاعه هتلاقي بعديها مطلع كوبري تاني . اطلعه هينزلك علي الاتوستراد و بعدين كمل لحد المعصره و ادخل من هناك لحد الكوبري و بعد ما تنزل كمل مع الطريق هتلاقي نفسك علي مدخل الحدائق
الوصفه دي هتوفرلك بتاع ساعه بالذات عند مدخل القاهره من طريق الاسماعيليه

**MaZaGAngeE** · 25-07-2010 11:45 PM

بصراحة أنا دخت عان أعملك خريطة بس م عارف ازاي أخلي جوجل ايرث يرسم خريطة زي بتاعة جوجل ماب

عموما افتح جوجل ماب أو جوجل ايرث أو برنامج الجي بي اس اللي انت بتشغل عليه و حط احداثيات محطة المترو بتاعة حدائق حلوان :

Hadayeq Helwan @29.897141,31.304002

و من برنامج جوجل ايرث الاحداثيات :
29°53'49.82"N
31°18'14.21"E

ده لينك للمسار من طريق اسماعيلية الصحراوي الى محطة المترو
Directions to Hadayeq Helwan @29.897141,31.304002 - Google Maps