فيه ناس بتقولي اوعى 77 دول ضياع
و ناس بتقولي لأ وماله العربيه جامده و ايطالي و عزمها 115 نيوتن
أعمل ايه و أصدق مين؟؟
أنا مش بتاع جري و كده بس قلقان من المطالع و التكيف و لو مثلا 4 راكبين العربيه....
فيه ناس بتقولي اوعى 77 دول ضياع
و ناس بتقولي لأ وماله العربيه جامده و ايطالي و عزمها 115 نيوتن
أعمل ايه و أصدق مين؟؟
أنا مش بتاع جري و كده بس قلقان من المطالع و التكيف و لو مثلا 4 راكبين العربيه....
بص هو انا لما ركبت الجراند بونتو وجربتها مصدقتش انها 77 حصان لان اداءها كان جيد
بس برضه لازم تجرب بنفسك عشان تطمن
هما مش بتوع فحت و ردم .. بس مافيش مشكلة مطالع و لا تكييف و لا غيره .. تؤدي الواجب و زيادة
ماتفكر في اللينيا جيت لو الموضوع يهمك
شوف انا مجربتش الجراند ولا الإيفو طبعا و هما الأتنين نفس الماتور علي فكرة
انا جربت البونتو كلاسيك و ماتورها 60 حصان و عايز اقولك بتجري و بتجمع بسرعة غريبة و التكييف تأثيرة عليها لا يذكر تقريبا رغم انها 1250 سي سي
اعتقد ان الإيفو مش حتكون سيئة علي الإطلاق
بالنسبة للتكييف و المطالع مافيهاش مشاكل و التجميع برده لو عايز تجري مفيهوش مشاكل بس هي ما تنفعش لو عايز تسابق و الحوارات دي عشان بعد ال100 بيكون التجميع اقل انما عايز عربية توفر بنزين و تقضي الاغراض كلها ماعدا السباقات فهي مناسبة جدا
انما لو عايز شد و بتاع يبقى شوف اللينيا
طب لو العربية محملة 4 افراد و الشنطة و التكيف شغال العربية سحبها بيموت ولا كويس
سحبها هايقل طبعا بس مش لدرجة العربية تموت
انا لسه راكبها مشوار طويل للحرفيين بس للاسف موتورها معجبنيش خالص
مش الموتور اللي يتحط في عربيه بالتمن ده بس بالنسبه للتكيف تلاجه جامد جداً وفي المطالع وكده هتطلع عادي بس ساعة الجري مش هتدي معاك
.
بص العربيه ديه الصافى بالحموله بتاعت العربيه ياعنى قالوا 77 حصان هيديك 77 حصان بظبط مش زى باقى العربيات الكورى يقولك كام ويطلع حاجه تانيه والعربيه مش ضعيفه قويه بس مش للشد ياعنى بس هتبقى كويسه جدا فى التكييف والمطالع
علي فكرة برضة انا عايز اقولك حاجة
انت بتشتري نفسك و أمانك مع الفيات، و انصحك تروح تتفرج علي الجيتز و الأي 20 و الأي 30 و تقولي رأيك في التقفيل و تفتح كدة الكبوت و تبص في الحوض
يا فرحتي عربية بتجري بس في النهاية مفيهاش اي درجة من درجات الأمان
شكراااااا لأهتمماكم ولو عندكو أي معلومات ياريت نتشارك :)
بدون الدخول في تفاصيل الـ i30 دي عربيه ممتازه وواخده 5 نجوم في أختبارات الأمان وكتوكيل أنضف مليون مره من فيات كفايه إنك هتلاقي قطع غيارها بسهوله في السوق من غير متتزل للوكيل في يوم من الأيام
http://www.euroncap.com/tests/hyundai_i30_2008/331.aspx
ومتور أقوي .. وكمان أنا سمعت إن في حاجات في العفشه مطوره من قبل شركة BMW
وعلي فكره أنا مش من أنصار الكوري خالص بس هي دي الحقيقه
معلش موضوع الامان ليه ناسه يتكلمو فيه وهما منظمات دوليه في كل دول العالم
واعتقد ان في كوري وياباني كتير واخد خمس نجوم فالموضوع مش بالبلد
ومن ناحية الجراند ف100% مش هتعمل حاجه مع الياريس ولا اللانسر 1300 وانا بتكلم عن تجربه لكل العربيات دي وانا كنت ناوي اجيب العربيه فعلاً بس للاسف دي الحقيقه
ايوة ما أنت لو ركزت بس في سايت اليورونكاب حتلاقي اللي هناك دية صحيح واخدة خمس نجوم
بس كام إيرباج بقي؟ 10 إيرباج
اللي في مصر مفيهاش إير باج واحدة حتي
انا معاك ان غبور اكيد افضل من اوماترا و قطع الغيار فعليا ارخص مش مختلف
بس برضة جرب كدة و بص في الحوض و الأفخاد بتاعت العربية و قارن الهيونداي و الفيات يمكن تلاقي كلامي صح
العربية عربية مدينة في المقام الاول مش للسباقات يعني لو عايز تشد مش حتعمل المعجزات بس في استهلاك البنزين حاجة تانية
بالنسبة للعربية لو محملة و التكييف شغال و في مطلع مش مشكلة خالص و جربتها و العربية محملة 7 لكن لو عايز حاجة تشد و تسابق و الكلام ده فهي لا تصلح للشد
على العموم أرجو أن تتكرم أوماترا وتركب موتور أقوى على البترا الجديد.. لله يا أوماترا علوا قوة الموتور ده ولو من باب التغيير
ماهو برده الفيات بتاعت مصر 2 إير باج برده زيها زي الهيونداي
وبره بتنزل بـ الـ 10 إيرباج اللي أنت قولتهم دول .. يعني المواصفات هتبقي واحده تقريبا ،، وصدقني أنت في مرحله أختيار اليومين دول
وقربت أتجنن .. قلبي و دماغي بيولو فيات بونتو أو حاجة أوربي محترمه .. لكن عقلي بيقولي خليك عملي ومتجيبش لنفسك القرف بعدين في قطع الغيار
لأن في الأول والأخر أحنا بنركب عربيه عشان تريحنا مش تقرفنا
I keep getting a server error when I open page 2
انا حابب ارجع للغرض لاساسى للموضوع و ماليش دعوة بالمقارنة بين الكورى و الاوروبى لانى اعتقد ان مافيش مقارنة اصلا
المهم انا بس عندى حاجة عاير اقولها بالنسبة للناس اللى بتقول ان 77 حصان ده قليل هل الناس جربيت و لا بس على السمع على اساس انه رقم قليل و بعدين عندى ملاحظة تانية لو فعلا ال 77 حصان ده قليل عن تجربة طب ده مع بنزين كام 92 و لا 95 لان اصلا العربية دى المفروض تمشى ب 95 لان ده مكتوب فى المانيوال بتاعها و اللى اعرفوا ان معنى ده اى بنزين اقل من 92 مش هيطلع كامل قدرة العربية
واحد من أصحابي اللي كانوا بيقولو 77 حصان قليل معاه سكودا فابيا 2009 بنزين 92 و عربيتو تقريبا 87 حصان وبيقول يادوب كويس مع الحر والتكييف
انا ركبتها مع انتي فيرس عبدو اللي معانا عالمنتدي
بص انا هسألك سؤال كده بعيدا عن الكلام عن المواتير اللي انا زهقت منه
ال127 القديمة ديه مش 900 سي سي ؟؟؟ ماهي بتبقي مليانة و بتجري بغباء
و الأكسيل ماهي 1500 سي سي وحشة؟؟؟؟؟ ما بالك بقي موتور فيات علي سيارة حجمها حلو و 1400 سي سي ؟؟؟؟؟؟؟؟؟؟؟؟؟؟؟؟؟؟؟؟؟
و ياريت متمشيش ورا كلام الناس الا لما تجرب علشان متلاقيش نفسك راكب حاجة زبالة بسبب واحد مش بيفهم
و خلاصة الكلام العربية ممتازة و سحبها انا شايف انه كويس جدا جدا و مش لازم العربية تبقي بتجيب 200 في 20 ثانية علشان تبقي تحفة احنا مش ماشيين نشد مع بعض و دايما نسيب الأير باج و الأمان و الخامات و المواتير المعمرة اللي ماشية من السبعينات لحد دلوقتي و نروح نجيب ال1600 ابو 2 كامة اللي بيجري ميوقفش محطوط في عربية مصنوعة من الورق و بعد ما نلبس بيه في الحيط نرجع نقول ديه عربية وحشة و تييييييت
و بعدين حاجة غريبة بقي
هو لو العربية 1600 نقول ديه ضريبتها عالية و لو 1400 و موتور نضيف نقول ده ضعيف !!
عجبي
لأ معلش
هنا في مصر اقل فيات نازل ب2 اير باج
و الفئات العالية نازلة ب 4 و في ب6 كمان
انما عندك في الكوري نصه مفهوش اصلا هههههههههههههههه بكتيرو 2 اير باج و في اعلي الفئات و مليش دعوة بقي غبور ولا كعبور اللي شايلهم انا ليا اللي قدامي هنا في مصر و للأسف ليا صديق عمل حادثة و اتقلبت (نيو اكسنت) ولا اير باج فتح :36_7_4[1]:
يا جماعه ممكن نحط كلام بسيط اوي و من الاخر في الموضوع ده:
(بغض النظر عن وزن العربيه او تحميلها)
العزم او torque : هو 115 نيوتن يعني ان التسارع بيتم في وقت معين الى الوصول لسرعه معينه يعني القدره على الوصول لاعلى سرعه في اقل وقت تمام كده. (و ده اللي يهمك في الشد بس مش عالطرق المفتوحه)
نيجي بقى للقدره الحصانيه او HP : هو 77 حصان انك توصل لسرعه معينه بمجهود معين يعني اعلى سرعه بأقل مجهود على الموتور مثلا عربيه 150 HP ممكن توصل لسرعه 120 هيكون الموتور على عدد لفات 3000 RPM لكن لو نفس العربيه بموتور 77 HP على سرعه 120 هايكون الموتور على 4000 RPM مثلا .
الربط ما بين الحاجتين ان ال 115 نيوتن دول بيبقو لما بيكون المجهود المبذول من الموتور 3000 RPM
يا رب اكون قدرت اوصل المعلومه
و مبروك عليك ان شاء الله
علي فكرة معتقدش ان الإيفو محتاجة 95
لأن اصلا الماتور مش جديد، دة هو هو موتور الجراند بونتو اللي صدر تقريبا في عام 2004
كمان الموتور مش متقدم قوي تكنولوجيا زي مواتير الفولكس فاجن مثلا
اغلب مواتير فيات هي مواتير نيرفاس بتعتمد علي تكنولوجيا تقليدية في مقابل موتور عمرة طويل، علي عكس مواتير فولكس مثلا عالية التكنولوجيا مقابل عمر أقصر