سؤال صعب -جاوب علية وضع سؤال اخر بدلا منة !!!!!!

24-05-2007 07:41 PM

--هل تحب ما تعمل ام تعمل ماتحب ؟

**Dr Ahmed** · 24-05-2007 07:48 PM

أنا أحب عملى كجراح وأعمل ما أحب فى النجارة والكهربا والكمبيوتر

السؤال هو: لو بتكره شغلك هتعمل إيه؟؟؟

24-05-2007 07:51 PM

دة سؤالك يعنى -اجابتى انى مضطر اشوف شغل غيرة :P

السؤال هو: ازاى ممكن انك تحب شغلك ؟؟؟

**الريس** · 24-05-2007 08:24 PM

بانك ترضى نفسك بيه
كفاية زيارة للقهاوي و الشباب مرزوعين عليها

السؤال بقى: لو مفيش حل؟ تتجوز اللي تحبها و لا تتجوز المناسبة

24-05-2007 08:30 PM

الحل انك

تحب اللى ح تجوزها !!----------------------------------------------------------السؤال--- هل صحيح ان الحب بعد الزواج اقوى انواع الحب ؟؟

**M_ElSabaa** · 24-05-2007 08:36 PM

الحب بعد الجواز هو حب العشرة (بكسر حرف العين) وهو مش اقوى انواع الحب بس هو اطولها
السؤال : لو جتلك الفرصة انك تتجوز على مراتك هتتجوز ؟

24-05-2007 08:55 PM

انا كنت منتظر حد يشارك ويجاوب على سؤالك
الصعب دة ولكن لم يحدث
الجواز للمرة الثانية لو كان هناك سبب قوى ولا يوجدعندك اطفال ( دة بالنسبة لى انا ) :P
السؤال هو-هل من الممكن ان تكون هناك علاقة جيدة فى يوم من الايام بينك وبين حماتك

**حسام الدين إبراهيم** · 24-05-2007 09:06 PM

والله إذا كانت حماتك مش حشارة علاقتك هتبقى جيدة أما ما عدا ذلك فربنا يعينك
السؤال هو: هل تعتقد أن هيجى يوم تكون مصر من دول العالم المتقدمة ؟

24-05-2007 09:13 PM

الاجابة ---هذا مستحيل فى الوقت الحاضرلان مصر تعانى من أفة الفساد الادارى السؤال وعلى فكرة انا مش مفروض اجاوب على كل حاجة --نروح منطقة بعيدة --السؤال هو --لماذ اللون البرتقالى هو اللون الوطنى لهولاندا ودائما نجدة فى مدرجات الكرة وفى الاحتفالات الوطنية الهولندية ؟؟؟

**sab3aawy** · 24-05-2007 09:18 PM

الجواب هو : اه اعتقد ،وممكن نعيش ونشوف اليوم دة كمان بس ده لن يحدث اذا فضلنا فى الطريق اللى ماشيين فيه حاليا، لو اببتدينا من نقطة الصفر فى مسار آخر سليم مش محتاجين اكتر من عشرين سنة

سؤال صعب آخر، هل مصر اللى كان فيها مصطفى بيسأل على جاره جرجس لما يكون عيان ، وتريزا بتاكل من كحك جارتها زينب فى العيد الصغير وتبعتلها حلويات فى عيد الميلاد، ومرقس بيذاكر لإبن صاحبه عبد الرحمن، والحج اسماعيل بيعزى فى المقدس حنا فى الكنيسة ممكن ترجع تانى؟