تظبيط الـ 205

**A.Elsawaf** · 11-07-2010 02:49 PM

السلام عليكم ورحمة الله وبركاته

انا كنت عاوز اخد رأيكم كده فى كذا حاجة ... عن ال205 علشان انا بدور على واحدة علشان اظبطها تظبيطة كويسة ان شاء الله ... بس كان عندى شوية اسئلة مش عارفها ياريت تساعدونى فيها ...

انا اول حاجة كنت عاوز اسقطلها موتور بتكيف وكنت بسأل يا ترى التكييف بتاعها ادائه مرضى ولا لأ؟

وهو بينزل مواتير 1600 ليها فى مصر هلاقيه بسهولة ولا اللى بيجيب 1600 بيبقى بتاع 405؟؟ ويا ترى فرق السعر برضه بين ال 1400 وال 1600 تقريبا كام؟؟

وبرضه سؤال كمان عن الموتور هو فى منه انجكشن وكاربيراتير وياترى برضه فرق الأسعار بينهم كام ... ومين فيهم احسن؟

اخر حاجة بقى هى العربية باور ولا عادى ولو هى عادى لو عاوز اخليها باور تتكلف كام؟؟

معلش دوشتكو بأسئلة كتير بس تعملو اييه بقى ... الانسان ده طمااع

**saint** · 14-07-2010 05:20 PM

السلام عليكم
على حسب معلوماتى المتواضعة
اولا بخصوص اداء التكييف فهو عادى ولا جامد جدا ولا وحش كويس
ثانيا انا ماشوفتك 205 1600 سي سي فى مصر
ثالثا المواتير اللى موجودة فى السوق اغلبها مش انجكشن ولكن هاف انجكشن يعنى رشاش واحد ودى مواتير كويسة وعن نفسي انا افضل الكاربراتير ومش بتفرق فى السعر تقريبا
رابعا العربية مش باور ولو عاوز تعملها باور اعتقد انك هاتجيب ماكينات الباور بتاعة ال 305 وبخصوص التكاليف دى مالهاش مقياس لان ده على حسب قطع الغيار تتكلف كام ومصنعيات كام وكل ده نسبي ولكن فيه ملحوظة ان الطارة خفيفة جدا وتحس انها باور فعلا
برضه انتظر معلومات من حد تانى يعرف عنى
اخر حاجة العربية ال 205 روعة