عرض للطباعة
السلام عليكم ورحمة الله وبركاته
انا استلمت الساجا يوم 4/7/2010 هي شغاله تمام الحمد لله بس كنت عاوز اعرف لما بشغل التكييف بلاقي صوته عالي مش عارف ده من ايه من المروحه ولو منها ايه الحل فيها ولا هو اصلا صوت التكييف في الساجا عالي ارجو ممكن الرد عليا و شكرا اخواني .
طيب انت بتشغل التكييف من اولها ليه كده اصلا...... استنى بعد ال1000 كيلو على الاقل عشان الموتور لسه مريحش ولا لين براحته ومتنساش ان الجو حر فا براحه على العربيه شويه لغاية اما الموتور ياخد وضعه كده وتعمل صيانة الالف وتتطمن على كل حاجه وبعد كده شوف بقى التكييف
لو قصدك على صوت الكومبرسر كل مابيشتغل وصوت نفخة هوا كده فـده عادي.
لو صوت تكة أو حاجة في المراوح يبقى ده مش عادي.
انا الصوت عندى مش عالى شوف فى اية لو كدة الحق الحجز وروح الفحص وقولهم على كل حاجة
وان شاء الله مفيش حاجة
وعلى العموم احنا جران انت ممكن تيجى تشوف العربية بتاعتى وتقارنها بعربيتك
وانا ان شاء الله رايح بكرة التوكيل لو كدة انت ممكن تيجى معايا
ونشوف مع بعض الحوار دة اية
وابقى طمنا
شكرا علي الردود يا رجاله و لما اشوف المشكلة دي هبقي اطمنكوا ان شاء الله
السلام عليكم
الساجا صوت تكيفها هادي تقريبا مافيش صوت
انا كنت في التوكيل النهارده وكان فيه زميل عنده نفس شكوتك بالظبط وقالي ان المشكله طلعت من سربنتينه التكييف وغيروها ليه والعربيه بقت تمام
ده اللي قاله وارجوا ان اكون افدتك
متشكر يا abdoumahros علي المعلومه دي و ان شاء الله هروح التوكيل وربنا يسهل