ممكن حد يدلني اشتري الفيرنا منين

**Adham_Sabry** · 23-02-2008 05:35 PM

السلام عليكم
ارجو من الأخوة يدلوني علي ارخص مكان اشتري فيرنا 1600 مصري فاضية (تكييف + بور +كاسيت)
انا هاشتريها كاش
ويا تري ارخص سعر كام

**Tamer-Ezzat** · 24-02-2008 02:07 AM

من عند بتاع الفيرنا ...
غبـــور

**Ahmed Anwer** · 24-02-2008 02:17 AM

المشاركة الأصلية كتبت بواسطة abozayed

السلام عليكم
ارجو من الأخوة يدلوني علي ارخص مكان اشتري فيرنا 1600 مصري فاضية (تكييف + بور +كاسيت)
انا هاشتريها كاش
ويا تري ارخص سعر كام

بص مادام كاش ،،

انزل لف لفة علي المعارض و دلوقتم بقوا اكتر من الرز ،،

اللي تلاقي العربية واقفة قدامه باللون اللي انتا عايزه ،،

اكلم معاه في السعر و فاصله ،،

ممكن تاخدها ارخص من غبور 500 جنية كمان ،،

تبص علي العربية تديله الفلوس ،،

تستلم العربية ،،،

شغل نظيف ،،، سلم و استلم ............

**Adham_Sabry** · 24-02-2008 09:58 AM

جزاك الله يا أحمد
وبالنسبة ل Tamer فالموضوع اكبر من كدة
اوضح كلامي
انا سالت غبور فقالولي السعر 65 يتم دفعهم بالكامل الأن والتسليم بعد حوالي اسبوعين طبعا كلام فاضي
بينما فية معارض سعرها يقل بحوالي الفين جنية ولكن ميعاد التسليم بعد حوالي شهر
وهناك معارض سعرها المعلن في الجرائد معقول والتسليم فوري ولكن عند الإتصال بهم يقولو ان السعر دة سعر التقسيط و سعر الكاش اغلي وعجبي
وهناك كلام ان فية معارض بتاخد العربية تأجرها الأول قبل ما تتديهالك
الموضوع مش اني بسال فين توكيل فيرنا
انا بسال عن معرض محترم موثوق فية سعرة كويس والتسليم فوري

**zakiali** · 25-02-2008 01:07 PM

علي فكره انا لفيت قبل ما اشتري من المعارض لقيت العربيات معظمها ميسرش يعني تحس انها كسر الزيرو وتحس انها مشيت كتير ولفت وحد ركبها قبل كده.. وواحد اعترف ان العربيه بتلف علي المعارض يعني لو ما اتباعتش في معرض يروح يعرضها في معرض تاني ولو مثلا اللون ده مش موجود يروح يجيبها من معرض تاني والعربيه بتفضل كده تلف بين المعارض لحد ما تتباع لكن من غبور العربيه بتطلع من خط الأنتاج لأيدك علطول .. علي فكره كمان فيه حاجه مهمه أوي قالولي عليها في التوكيل ودي تعتبر اساسيه .. بيقولك قبل التسليم في التوكيل بيعملك صيانه ما قبل التسليم يعني بيشيك علي العربيه كلها ويزبطها ويديها وش بوليش قبل التسليم عشان تبقي في قمة ادائها , لكن في المعرض مش هيعمل القصه دي .. العربيه المركونه كام شهر هيروح يخلي الصبي يمسحها وتاخدها وتمشي . عموما متستخسرش في نفسك الف جنيه فرق لكن هتجيب حاجه مضمونه انا فعلا حجزتها من غبور ب 65 الف كاش والتسليم في 5 أيام عمل يعني بالكتير أسبوع .. كان قدامي 64 الف كاش من الطارق موتورز بس مرضتش وادعولي انا هستلم بكره إن شاء الله .

**Adham_Sabry** · 25-02-2008 10:33 PM

المشاركة الأصلية كتبت بواسطة zakiali

وادعولي انا هستلم بكره إن شاء الله .

جزاك الله خير علي الرد
وربنا يسعدك بيها ويدك خيرها ويبعد عنك شرها وبالتوفيق ان شاء الله

**zakiali** · 25-02-2008 11:40 PM

المشاركة الأصلية كتبت بواسطة ABOZAYED

جزاك الله خير علي الرد
وربنا يسعدك بيها ويدك خيرها ويبعد عنك شرها وبالتوفيق ان شاء الله

أشكرك كلك زوق والله .. بالتوفيق دائما

الموضوع: ممكن حد يدلني اشتري الفيرنا منين

LinkBack

أدوات الموضوع

عرض

-

-

-

المواضيع المتشابهه

عايز مراية استيراد للماروتي.. ممكن حد يدلني

ممكن حد يقولي اشتري الموبيل الرائع دا منين

عايز اروح الحرفيين ممكن حد يدلني؟؟

ممكن حد يدلني منين اجيب كاوتش

ممكن حد يدلني على اوبل في حدود 60~70 الف؟

الكلمات الدلالية لهذا الموضوع

المفضلات

المفضلات

ضوابط المشاركة