اتوس 2011

**RAMYALI_1982** · 15-07-2010 08:09 AM

المشاركة الأصلية كتبت بواسطة kamatsho

اولا
حبيبى انا مقولتش عيوب فاضحه فى العربيه انا قولت ان اسطوانه الديبرياج بتتأاكل بسرعه وسحبها مقارنه للعربيات ال 1600 سى سى مش اد كده
ثانيا
مفيش اى حد فى المنتدى كان كاتب عنها اى معلومات وانا جبت العيب ده من ناس معاها العربيه برضو

سوال فنى لو سمحت الناس اللى انت بتقول معاها العربية وظهر معاهم العيب دة ظهر بعد اد اية استخدام عشان انا مظهرش معايا مشاكل

فها استنى باة العيب دة ولا اية ولا هى حالات فردية مثلا

**RAMYALI_1982** · 15-07-2010 08:26 AM

المشاركة الأصلية كتبت بواسطة abuhemaid

العربية معايا بقالها سنة و ثلاث شهور موديل 2009 عاملة حوالي 28 ألف كيلو بدون أي مصاريف زيادة سوى بعض الصيانات في التوكيل و الحمد لله مااشتكيتشي من أي حاجة بس يمكن الناس بتقول عليها كلام كتير نظرا لقلة الانتشار و ان التوكيل مش مهتم بيها خالص لدرجة إن في ناس بتدور على عربية بنفس المواصفات وما يعرفوش غبر البيكانتو و i10 او الصيني. مع ان من وجهة نظري المتواضعة ان مافيش فرق جوهري ما بينهم حرام ادفع 10000 جنيه زيادة علشان الشكل الخارجي و شكل التابلوة

الله ينور عليك انت كمان ياريس
انا معاك فى موضوع الاعتمادية دة وان شاء مش هاتلاقى اى مشاكل لحد ال60000 كمان هى دى اول صيانة بيتغير فيها حاجات كتيرة امال احنا جايبين زيرو لية

(الحمد لله الذى عافانا من المستعمل وقرفة)

المشاركة الأصلية كتبت بواسطة hassanstar

العربية تمنها فى التوكيل 53500 نص كماليات مش بينزلوا شلم بس فى معرض ممكن ينزلك 1000 او 1500

وعربية الصراحة زى ما الشباب قالوا عليها وخاصة

ramy ali

تمام كدة بس على فكرة مش بيرضوا ينزلوا ابدا العربية دى بالذات قعد يحلفلى ان المكسب بسيط جدا وان غبور سافحهم فى سعرها
وعلى فكرة كمان موديلات 2011 نزلت بس اغلى 1000 لحد ما 2011 ماتهل ان شاء الله هاتنزل عادى

المشاركة الأصلية كتبت بواسطة dodo77

شكرا لكل الردود خاصة الشرح المفصل من الاستاذ ramy ali :ta_clap[1]:وضحت كل حاجة فيها و فعلا انا قارنتها مع البيكانتو و i10 لقيت ان فرق السعر حرام خاصة ان استعمالى مش كتير وهى فعلا شكلها احلى من وجهة نظرى

انا تحت امرك يافندم واى استفسارات انا فى اخدمة وفرق السعر فعلا دى كانت وجة نظرى الشكل اذواق مش مستهلة فرق السعر الكبير دة
بصراحة اسعار البيكانتو واى 10 مبالغ فيهم دى الفل اوبشن فى دى او دى ب 64000 لية هو هبل ادفع المبلغ دة كلة فى 1100 سى سى لا يبقى اجيب فيرنا او بروتون ساجا او حتى لوجان هاف اوبشن يعنى فئة تانية خالص

**Khalid_Mostafa** · 15-07-2010 09:31 AM

المشاركة الأصلية كتبت بواسطة RAMYALI_1982

سوال فنى لو سمحت الناس اللى انت بتقول معاها العربية وظهر معاهم العيب دة ظهر بعد اد اية استخدام عشان انا مظهرش معايا مشاكل

فها استنى باة العيب دة ولا اية ولا هى حالات فردية مثلا

يا باشا العربيه دي قعدت معايا من اول 2006 إلي اواخر 2009 و لم يتلف او اغير فيها شيء قط اللهم إلا الكاوتش وفلتر الزيت و فقط

وكانت بكامل لياقتها و صحتها و كانت بتجيب سرعة 150 من غير اي مشكلة (علي الرغم ان في الكاتالوج كاتب ان السرعة القصوي 145)

وبالمناسبة موضوع الكنبه الخلفيه ده سحر مرتفعة و متماسكة....كانت مريحة لدرجة اني كنت بخلي اي حد يسوق عشان اقعد انا في الخلف كما ان شنتطها الأوسع في فئتها و عملت بحث في فترة من الفترات و عملت موضوع بالمقارنه دي :

]

ودي كانت صورتها (والله بحن ليها كل ما اشوفها)

**RAMYALI_1982** · 15-07-2010 09:46 AM

المشاركة الأصلية كتبت بواسطة Khalid_Mostafa

يا باشا العربيه دي قعدت معايا من اول 2006 إلي اواخر 2009 و لم يتلف او اغير فيها شيء قط اللهم إلا الكاوتش وفلتر الزيت و فقط

وكانت بكامل لياقتها و صحتها و كانت بتجيب سرعة 150 من غير اي مشكلة (علي الرغم ان في الكاتالوج كاتب ان السرعة القصوي 145)

وبالمناسبة موضوع الكنبه الخلفيه ده سحر مرتفعة و متماسكة....كانت مريحة لدرجة اني كنت بخلي اي حد يسوق عشان اقعد انا في الخلف كما ان شنتطها الأوسع في فئتها و عملت بحث في فترة من الفترات و عملت موضوع بالمقارنه دي :

]

ودي كانت صورتها (والله بحن ليها كل ما اشوفها)

الله ينور عليك ياريس ريحت قلبى ماشاء الله عربيتك كانت تحفة من الصداد اللى ادام اللى زى بتاع الجيب دة حلو اوى بجد شاكلة جامد اوى على العربية اقسم بالله لو سعرة مناسب لاهجيبة فى اقرب فرصة وحتى لو من اسكندرية انا بسافر كتير عشان مراتى اسكندرانية

اة وقلى كمان العواميد اللى على السقف كمان دى اى اخبارها

**Khalid_Mostafa** · 15-07-2010 10:41 AM

المشاركة الأصلية كتبت بواسطة ramyali_1982

الله ينور عليك ياريس ريحت قلبى ماشاء الله عربيتك كانت تحفة من الصداد اللى ادام اللى زى بتاع الجيب دة حلو اوى بجد شاكلة جامد اوى على العربية اقسم بالله لو سعرة مناسب لاهجيبة فى اقرب فرصة وحتى لو من اسكندرية انا بسافر كتير عشان مراتى اسكندرانية

اة وقلى كمان العواميد اللى على السقف كمان دى اى اخبارها

شوف ..حقلك نصيحة....الدفيندر الي قدام ده بيخلي شكل العربيه جامد جداًو كان فيه ناس بتفتكرها ماتريكس و فيه ناس كانت بتوقفني و تسألني علي نوع العربيه لأني كنت مركب عجل كبير كمان 175-70 13 + طاسات فيرنا فكانت عامله زي الجيب

و علي الرغم من ان محدش من المرور وقفني علي الموضوع ده غير مره و احده و كانت في المنصوره مش في إسكندرية ولا القاهرة ولكن ابعد عن الشر و غنيله ...الدفيندر كان بـ 400 جنيه مستورد

اما عن الراك بتاع السقف فده بيتباع في كل حته ولكن منظر فقط لأني مرضتش اخرم في السقف و كنت مركبه لزق (هو مصمم لكده و بييجي معاه اللزق بتاعه و هو لزق قوي جداً شبه الشريط الدبل فيس كده) وعمري ما شلت عليه حاجه بصراحة و كان بـ 100 جنيه تقريباً

**dodo77** · 15-07-2010 04:54 PM

استاذ خالد العربية فعلا كان شكلها جميل وانا حبتها اكتر وهى شكلها زى الماتريكس علشان الاضافات اللى عملها وربنا يباركلك فى الى معاك ادعيلى ان ربنا يسهلى واجبها ويكفينى شرها وشر الطريق علشان انا خايفه شويه لانى متعلمه جديد ومشيت شويه على 128 بتاعة اخويا

**dodo77** · 15-07-2010 04:57 PM

انا ساْلت عليها فى التوكيل وعرفت ان تمنها 54500 موديل 2011

**placebo_sh82** · 15-07-2010 11:36 PM

طيب و بالنسبة للشنطة زى البيكانتو و الi10

**dodo77** · 17-07-2010 10:27 PM

لكل المهتمين بالاتوس برايم النهارده فى اخبار اليوم للسيارات موضوع كامل عنها وصور واضحة للصالون واضح ان فى دعاية جامدة عليها

**ghadasaleh** · 19-07-2010 05:32 PM

بصراحة مش عارفة اقولكم ايه
من اول صاحبة الموضوع لحد كل الناس اللي شاركت
انا كمان كنت مترددة جداااااا بين الاتوس وال i10
وخصوصا ف موضوع السعر ده لان انا هجيبها قسط وانا شغلي مش ثابت انا عندي شغل خاص فطبعا الدخل مش ثابت عشان كده كنت مقلقة من اني اجيب عربية قسطها عالي وف نفس الوقت ناس قالت لي ان الi10 احسن واوسع من الاتوس
بس طبعا بعد كلام الاستاذ رامي انا خلاص قررت اجيب الاتوس
ميرسي يادودو علي موضوعك بجد فادني انا جدا ويارب يكون فادك انتي كمان
ونبقا من مالكي الاتوس زي بعض
وللعلم الاتوس نزلت ال 2011 عند ابو غالي وسعرها 54500 انا لسه سائلة عليها النهاردة