:Y_hi_3[1]:مساء الخير على احلى منتدى انا اول مره بشارك معاكو انا عايزة اشترى اتوس برايم الجديدة ممكن اعرف اخبارها ايه مع اللى استعملوها علما ان استعمالى بسيط جدا و سعرها مناسب ليا وافضل مكان اشترى منه فى القاهرة
عرض للطباعة
:Y_hi_3[1]:مساء الخير على احلى منتدى انا اول مره بشارك معاكو انا عايزة اشترى اتوس برايم الجديدة ممكن اعرف اخبارها ايه مع اللى استعملوها علما ان استعمالى بسيط جدا و سعرها مناسب ليا وافضل مكان اشترى منه فى القاهرة
روحي عند سمير الريان افتكر سعرها بي 53 الف جنيه هندي
مفيش حد من اللى استعملوا الاتوس برايم عايز يرد عليا ويقولى خبرته معها ايه انا محتاجه الرد ضرورى
واضح ان مفيش حد معاه العربيه عشان سحبها مش اد كدا وامكانيتها مش اوى
وكمان فيها عيب اسطوانه الديبرياج بتتاكل بسرعه
اولا : المحرك :
سعه المحرك 1.1 لتر و يتكون من 4 اسطوانات ( كل اسطوانه مزوده ب 3 صبابات ) و المحرك مزود بكامه مفرده علويه و تصل قوه المحرك الي 62 حصان عند 5500 لفه / الدقيقه
ثانيا : صندوق التروس :
صندوق التروس يدوي مكون من 6 سرعات ( 5 سرعات اماميه و سرعه خلفيه ) و لا تتوافر السياره بصندوق تروس اوتوماتيكي في مصر
ثالثا : الكماليات :
تكييف + باور استيرنج + مشغل اسطوانات mp3
رابعا : التوكيل و الضمان :
التوكيل غبور GB Auto و الضمان 100000 كيلو متر او 3 سنوات ايهما اقرب ضد عيوب التصنيع
خامسا : سعر السياره الرسمي في التوكيل :
تتوافر السياره في التوكيل بموديل واحد ب 53500 جنيه
ده اللى قدرت اجمعهولك من معلومات عن العربيه
ملحوظه
المعلومات دى عن موديل 2010
شكرا على اهتمامك
مش عارف حضرتك جبت المعلومات دي منين ؟؟؟ هل انت من ملاك الأتوس ؟؟
اولاً : احب اوضح اني كنت من ملاك العربيه دي ويمكن من اوائل الناس الي ركبتها في مصر.....انا جايبها قبل ما تنزل عند غبور بسنه ...واحب اوضح ان الكلام الي فوق ده غير صحيح ...علي الأقل محصلش معايا
انا حاليا معايا العربية وهى عربية جيدة جداا جداا ويتهيألك انها صغيرة لكن من جوة كبيرة وحلوة ومريحة جدااا
وهى نازلة نص كماليات باور وتكييف وكاسيت cd
والعربية زى الفل
معرفش الاستاذ كامتشو جاب المعلومات دى منين بصراحة
هو ممكن يكون شكل التابلوة فيها مش قد كدة
لكن كعربية هى جيدة فى فئتها وهى زى البيكانتو وال i 10
واى استفسار انا فى الخدمة
شكرا لاهتمامكم انا مبسوطه ان فى حد بيرد عليا من اللى استخدموا العربية يعنى اتوكل على الله و اشتريها و ممكن اجبها منين وهل التوكيل افضل ام معرض
انا اشتريتها من التوكيل اتوس 2011 الصراحة احسن واضمن وهيدوكى غطاء للعربية وعندهم كل الالوان
اتكل على الله واشتريها هتتكيف منها بصراحة
مبروك عليك العربية وانا ان شاء الله هشتريها ممكن اعرف تمنها من التوكيل بكام و من اى فرع اشترتها معلش انا كترت فى الاسئلة عليك
بلتوفيق ان شاء الله
اولا
ياعم هوا عشان انتا من أوائل الناس اللى اشتريتها يبقى انتا عرفت كل حاجه فيها عيوبها ومميزاتها ؟
انا اعرف ناس بتركب عربيات جديده وخلاص ومتعرفش اى حاجه غير انها تسوق وبالعافيه
ثانيا
انا مش من ملاك الأتوس ولا حاجه بس كل الحكايه انا دخلت الموضوع اكتر من مره ملقتش حد رد فى الموضوع او حط اى معلومات عن العربيه بحثت انا فى جوجل عن العربيه ودى المعلومات اللى جمعتها والمعلومات دى من ناس معاها العربيه
ثالثا
دى امكانيات العربيه مش اكتر كلام ايه بقه اللى فوق اللى انتا بتقول عليه محصلش معاك ؟؟ الكلام اللى فوق ده امكانيات العربيه
ولو دخلت وبحثت فى جوجل هتعرف كل حاجه عن العربيه بس متزعلش نفسك لو لقيت فيها عيوب مفيش عربيه خاليه من العيوب
وانا راكب فيرنا وطبعا دى فيها عيوب من هنا للصبح بس كل العيوب دى ليها علاج وانا من امكانيات العربيه عشان هوا ده الواقع (ومحدش بيهرب من الواقع) :satelite:
كوني من اوائل الناس الي اشتريتها ده معناه ان العربية قعدت معايا مدة اكبر (من 2006) مما يكشف عيوبها ومزاياها اكتر من واحد قعدت معاه سنه واحده مثلاً وانا مقلتش ان مفيهاش عيوب..بل فيها عيوب طبعاً زيها زي اي عربية و لكن مش من ضمن العيوب الحاجات الي انت ذكرتها . بالإضافة ان لو احنا حنعتمد علي جوجل في تبادل المعلومات يبقي المنتدي ملوش اي ميزة و لا هدف لأن ببساطه كلنا ممكن نعمل بحث علي جوجل ...المنتدي يفترض به انه قائم علي الخبرات الشخصية الحقيقية للإعضاء في البلد دي و مينفعش حتي اني اجيب خبرات و احد من الهند في العربية لأن كل حاجه مختلفة ابتداً من العربية نفسها و حتي الظروف المحيطة بل و طبيعة قائد السيارة نفسه
علي فكره انا مش زعلان و لا حاجه و قلت في الأول اني كنت من ملاكها و بعتها خلاص...يعني ماليش اي هدف اني اشكر او اشتم في العربية ..ثم بدل ما تعمل بحث في جوجل عن العربية...متعمل بحث في المنتدي عن العربية و شوف الناس بتاعتنا بتقول عليها ايه
وان محدش يرد في موضوع افضل بكتير من ان حد يرد بمعلومات مش دقيقة .الموضوع مش ردود و خلاص
السلام عليكم ورحمه الله وبركاتة
انا وللة الحمد عندى اتوس برايم 2010 عامل بيها 5700 كيلو ممكن تكون لا مدة ولا مسافة كافية للحكم على العربية بالكامل بس هاجتهد فى انى اوضح كل اللى اعرفة عن العربية
انا لما حبيت اشترى عربية كان يهمنى حاجات فى عربيتى زى اى واحد لية اولويات بيحطها عشان يختار عربيتة
العربية دى بمنتهى الحيادية مميزتها كالاتى
-موفرة جدا فى البنزين مش اقل من 350 فى الصفيحة فى اسوء لبظروف
-سحب جيد جدا كونها 1100 سى سى
-واسعة ومريحة وتبلوة بسيط ومنظم وكل حاجة سهلة الاستخدام وقريبة من السائق
-موضوع واسعة دى انا طولى 178 سنتى ووزنى 105 يعنى من النوع الضخم وبجد واسعة طولا وعرضا يعنى رجلى مستريحة جدا فى الطول ورجلى مش لامسة الفتيس بالعرض وانا على كرسى السائق
-موضوع مريحة باة دى فصة الكراسى زى مايكون متفصلة للظهر تقعد مستقيم الضهر مش متنى و الروية واضحة جدا بس لو انت متعود تشوف كبوت وانت سايق انسى متشتريهاش احسن حتى لما اشب رؤية الكبوت تكاد تكون مستحيلة والقعدة وارا فى الكنبة عليا ومريحة لاقصى درجة والمفاجاة ان رجلى مش بتلمس اصلا الكراسى اللى ادام الا لو جايب الكرسى الامامى للاخر فى الحالة دى يادوب تلمس والقعدة على الكنبة عليا شوية عن الكرسين اللى ادام ودا مدى راحة عالية جدا متحسش انك بتغطس كدة وانت قاعد ودا جيد جدا وخاصة للاوزان التقيلة لان لما تغطس بتحس انك مش قادر تقوم وتكون عايز اتنين يشدوك من جوا العربية
-شنطة العربية متوسطة يعنى تشيل شنطتين سفر كبار فوق بعضاللى هما بيكونوا 120 سنتى او 3 متوسطين مستريحين والشنطة منظمة تنظيم جيد وفى مكان لكل حاجة عشان تستغل كل المساحات يعنى مكان للاستبن تحت الشنطة ومكان للكوريك ومكان للعدة عارفين عاملة كدة زى الفل (بفتح الفاء) اللى بيكون حوالين الادوات الاكهربائية او لعب الاطفال مكان تحط كل حاجة على اد الحاجة بالضبط وانا كمان حاطط المثلث العاكس وشنطة الاسعافات وكل اللى مش بستخدمة فى المكان دة والشنطة كلها مساحة صافية مش مشغولة باى حاجة
-الكماليات جبدة والتكييف ممتاز بس مؤثر على سحب العربية للامانة ودة برضة عشان العربية 1100 فياريت منقرنهاش بالعربيات الكبيرة بس مقبول يعنى تمشى 100 او 110 مع التكييف وانت مستريح ودة المطلوب للفئة دى من السيارات والمسائلة اراء طبعا
- فى ميزة تانية باة فى العربية دى وانها ارخص عربية 1100 فى مصر (مش صينى طبعا)
لانى سالت على البيكانتو واى 10 اولهم 60000 بنصف امكانيات زى دى اللى هى كاسيت سى دى واربع سمعات وساعة ديجيتال فى التبلوة (على فكرة دا اوبشن لانة مش موجود فى الفيرنا غير فى الفل اوبشن بس) وفتحة الشنطة والتنك من الداخل ودة برضة اوبشن فى الفيرنا برضة
يعنى باختصار مش فرقة عن الفيرنا الفل اوبشن غير الازاز والسنتر وبس
الهاف وبش دة ومن غير كاسيت كمان ب59000 فى البيكانتو
وال اى 10 هاف اوبشن 59500 بصراح حرام لان مجرد شكل فقط عشان كدة جبت الاتوس
وفى النهاية العربية فى المجمل جيدة وبتقضى الغرض واعتماديتها جيدة مش ورق يعنى لانى اخدت كام خبطة فى اول ماشترتها وخصوصت فى الاكصدمات لدرجة انى خبطتنى ترلة من ورا والحمد للة النتيحة مرضية جدا الاكصدام اتحك بسيط لا وقع باة ولا اتشرخ ولا الحاجات اللى بنشوفها فى الصينى دى
واى استفسار انا فى الخدمة لو نسيت اى حاجة اسلينى وانا ارد
العربية معايا بقالها سنة و ثلاث شهور موديل 2009 عاملة حوالي 28 ألف كيلو بدون أي مصاريف زيادة سوى بعض الصيانات في التوكيل و الحمد لله مااشتكيتشي من أي حاجة بس يمكن الناس بتقول عليها كلام كتير نظرا لقلة الانتشار و ان التوكيل مش مهتم بيها خالص لدرجة إن في ناس بتدور على عربية بنفس المواصفات وما يعرفوش غبر البيكانتو و i10 او الصيني. مع ان من وجهة نظري المتواضعة ان مافيش فرق جوهري ما بينهم حرام ادفع 10000 جنيه زيادة علشان الشكل الخارجي و شكل التابلوة
العربية تمنها فى التوكيل 53500 نص كماليات مش بينزلوا شلم بس فى معرض ممكن ينزلك 1000 او 1500
وعربية الصراحة زى ما الشباب قالوا عليها وخاصة
ramy ali
شكرا لكل الردود خاصة الشرح المفصل من الاستاذ ramy ali :Ta_clap[1]:وضحت كل حاجة فيها و فعلا انا قارنتها مع البيكانتو و i10 لقيت ان فرق السعر حرام خاصة ان استعمالى مش كتير وهى فعلا شكلها احلى من وجهة نظرى
مش عارف علي اي اساس بتقارن عربية 1100 مع واحده 1600 ؟؟؟
ثم إزاي مش فاهم محدش كاتب عنها معلومات؟؟؟ برجاء إستخدام خاصية البحث وكمثال :
:: نــايــل مــوتــورز:: - :: NileMotors.net ::
او
:: نــايــل مــوتــورز:: - :: NileMotors.net ::
الله ينور عليك انت كمان ياريس
انا معاك فى موضوع الاعتمادية دة وان شاء مش هاتلاقى اى مشاكل لحد ال60000 كمان هى دى اول صيانة بيتغير فيها حاجات كتيرة امال احنا جايبين زيرو لية:shine[1]: (الحمد لله الذى عافانا من المستعمل وقرفة)
تمام كدة بس على فكرة مش بيرضوا ينزلوا ابدا العربية دى بالذات قعد يحلفلى ان المكسب بسيط جدا وان غبور سافحهم فى سعرها
وعلى فكرة كمان موديلات 2011 نزلت بس اغلى 1000 لحد ما 2011 ماتهل ان شاء الله هاتنزل عادى
انا تحت امرك يافندم واى استفسارات انا فى اخدمة وفرق السعر فعلا دى كانت وجة نظرى الشكل اذواق مش مستهلة فرق السعر الكبير دة
بصراحة اسعار البيكانتو واى 10 مبالغ فيهم دى الفل اوبشن فى دى او دى ب 64000 لية هو هبل ادفع المبلغ دة كلة فى 1100 سى سى لا يبقى اجيب فيرنا او بروتون ساجا او حتى لوجان هاف اوبشن يعنى فئة تانية خالص
يا باشا العربيه دي قعدت معايا من اول 2006 إلي اواخر 2009 و لم يتلف او اغير فيها شيء قط اللهم إلا الكاوتش وفلتر الزيت و فقط
وكانت بكامل لياقتها و صحتها و كانت بتجيب سرعة 150 من غير اي مشكلة (علي الرغم ان في الكاتالوج كاتب ان السرعة القصوي 145)
وبالمناسبة موضوع الكنبه الخلفيه ده سحر مرتفعة و متماسكة....كانت مريحة لدرجة اني كنت بخلي اي حد يسوق عشان اقعد انا في الخلف كما ان شنتطها الأوسع في فئتها و عملت بحث في فترة من الفترات و عملت موضوع بالمقارنه دي :
]http://img76.imageshack.us/img76/7624/compip2.jpg
ودي كانت صورتها (والله بحن ليها كل ما اشوفها)
http://img18.imageshack.us/img18/1290/img0003lhc.jpg
الله ينور عليك ياريس ريحت قلبى ماشاء الله عربيتك كانت تحفة من الصداد اللى ادام اللى زى بتاع الجيب دة حلو اوى بجد شاكلة جامد اوى على العربية اقسم بالله لو سعرة مناسب لاهجيبة فى اقرب فرصة وحتى لو من اسكندرية انا بسافر كتير عشان مراتى اسكندرانية :ma(30):
اة وقلى كمان العواميد اللى على السقف كمان دى اى اخبارها
شوف ..حقلك نصيحة....الدفيندر الي قدام ده بيخلي شكل العربيه جامد جداًو كان فيه ناس بتفتكرها ماتريكس و فيه ناس كانت بتوقفني و تسألني علي نوع العربيه لأني كنت مركب عجل كبير كمان 175-70 13 + طاسات فيرنا فكانت عامله زي الجيب
و علي الرغم من ان محدش من المرور وقفني علي الموضوع ده غير مره و احده و كانت في المنصوره مش في إسكندرية ولا القاهرة ولكن ابعد عن الشر و غنيله ...الدفيندر كان بـ 400 جنيه مستورد
اما عن الراك بتاع السقف فده بيتباع في كل حته ولكن منظر فقط لأني مرضتش اخرم في السقف و كنت مركبه لزق (هو مصمم لكده و بييجي معاه اللزق بتاعه و هو لزق قوي جداً شبه الشريط الدبل فيس كده) وعمري ما شلت عليه حاجه بصراحة و كان بـ 100 جنيه تقريباً
:S_thum1[1]:استاذ خالد العربية فعلا كان شكلها جميل وانا حبتها اكتر وهى شكلها زى الماتريكس علشان الاضافات اللى عملها وربنا يباركلك فى الى معاك:ask::ask: ادعيلى ان ربنا يسهلى واجبها ويكفينى شرها وشر الطريق علشان انا خايفه شويه لانى متعلمه جديد ومشيت شويه على 128 بتاعة اخويا
انا ساْلت عليها فى التوكيل وعرفت ان تمنها 54500 موديل 2011
طيب و بالنسبة للشنطة زى البيكانتو و الi10
لكل المهتمين بالاتوس برايم النهارده فى اخبار اليوم للسيارات موضوع كامل عنها وصور واضحة للصالون واضح ان فى دعاية جامدة عليها
بصراحة مش عارفة اقولكم ايه
من اول صاحبة الموضوع لحد كل الناس اللي شاركت
انا كمان كنت مترددة جداااااا بين الاتوس وال i10
وخصوصا ف موضوع السعر ده لان انا هجيبها قسط وانا شغلي مش ثابت انا عندي شغل خاص فطبعا الدخل مش ثابت عشان كده كنت مقلقة من اني اجيب عربية قسطها عالي وف نفس الوقت ناس قالت لي ان الi10 احسن واوسع من الاتوس
بس طبعا بعد كلام الاستاذ رامي انا خلاص قررت اجيب الاتوس
ميرسي يادودو علي موضوعك بجد فادني انا جدا ويارب يكون فادك انتي كمان
ونبقا من مالكي الاتوس زي بعض
وللعلم الاتوس نزلت ال 2011 عند ابو غالي وسعرها 54500 انا لسه سائلة عليها النهاردة
:rolleyes2:العفو يا ghada و يارب يكون قررنا صح ان شاء الله ويكرمنا بيها و فعلا انا سألت عليها فى غبور قالى 54500
ياستى الف مليون مبروك على الاتوس انك هاتتمتلكيها :coool:
ويارب يباركلك فيها وتكون ادم السعد عليكى وشغلك يكبر بس ساعتها اوعى تبيعى الاتوس هاتى عليها عربية تانية انا متاكد انك اول ماهتركبيها هايحصلك حاجة كدة :lovlie02[1]: مش هاتعرفى تستغنى عنها ابدا بعد كدا