السلام عليكم
الحمد لله عملت صيانة الـ 20000 لعربيتى بيرسونا 2009
المكان: مركز صيانة الغد فى المنصورة
الزمان: من الساعة 4 حتى 5.5
المشاكل: الحمد لله لا توجد مشاكل فى السيارة
الخطوات
1-تغيير زيت المحرك
زيت فيسكو 5000 تمنه 220 جنيه بجربه بناء على قرأتى فى المنتدى
2- فلتر زيت
بتاع التوكيل تمنه 45 جنيه سألتهم لو ممكن نركب بتاع البوما قالو معندهمش فكره ومجربوش قبل كده
3- فلتر بنزين
برضه بتاع التوكيل وتمنه 130 جنيه !!!! مش عارف سعره كده كتير ولا عادى
4- فلتر هواء
قالو لى ممكن يستنى شويه بس انا طلبت يتغير تمنه 97 جنيه
5- طقم بوجيهات
صنع فرنسى وقالو انه نفس كفاءة NGK تمنه 112 جنيه
6- كارتيره عجله شمال
الكليبسات لتكسرت منى واهملتها فتكسرت ومضطر اغيرها لانى ملقتهاش استيراد لوحدها واللى بتتعمل فيبر شكلها معجبنيش تمنها 150 جنيه
7- مصنعيات
180 جنيه
اغرب حاجه وماخدتش بلى الا لما رجعت البيت انه حسب الضريبة بعد إضافة المصنعيات
ضريبة 71 جنيه
اجمالى 790 جنيه
بعد خصم 15% يبقو 670 جنيه فى التوكيل + 220 جنيه زيت
بس بصراحه الناس فى مركز الصيانه ذوق جدا وكنت واقف على ايديهم وبتفرج على كل خطوه وبسألهم على كل حاجه ودايما وجههم بشوش
بنصح الناس اللى قريبه من المنصورة ومعندهمش مشاكل حوهريه خطير يتعاملوا مع المركز ده
واسف على الإطاله
اخوكم د/ محمد غنيم
المفضلات