الموضوع: خلاص يا جماعة انشاء الله استقريت علي الانسر وعايز من حضراتكم شوية اجابات

المشاركة الأصلية كتبت بواسطة shahinbasha

انا استقريت علي لانسر 1600 سي سي الشكل القديم أتوماتيك وانشا الله اللون احمر دم الغزال او سلفر دي اللي فاضلة
بس عايز اعرف من حضراتكم الفرق في استهلك البنزين بين 1600 و 1300 سي سي كبيير للدرجة دى زى ما سمعت يعنى نسبة قد اية كدة ازيد من الربع بالنسبة ل 1300 سي سي (يعنى مثلا لو 1300 هاتمشى مسافة معينة ب 12 لتر بنزين ال 1600 هاتمشى نفس المسافة ب 9 لتر بس )
تانيا ايه هي الحاجات اللي باخدها مع العربية او اسال عليها
الاساسيات والكماليات وكل حاجة انا ماعرفهاش لان بصراحة دى اول عربية إن شاء الله ليا
هو التسجيل فيها سي دي ولا كاسيت انا سالت في المصرية علي السعر تقريبا ب 105000 جنيه
مشكورين جميعااااااااااااااا

أهلا و سهلا بيك يا أستاذ شاهين :) و ألف مبروك مقدما :) ربنا يتمملك على خير. ان شاء الله أختيار موفق , الفرق فى أستهلاك الوقود أكيد مش كبير أنا معايا ال1600 لم أجرب ال1300 بس أعتقد حتى لو فى فرق مش هيكون كبير و مش مستاهل أنك تضحى بال300 سسى , 20 لتر بنزين بيعملوا معايا 300 كم خارج المدينة و سواقة عادية , لو جرى و شد و حركات ممكن يعملوا معاك 250 كم تقريبا.
لازم حضرتك تاخد شهادة الضمان , كتيب المالك , الأفراج الجمركى , الستبن , الكوريك , مفتاح العجل , أيريال السقف , الطاسات (لو مش جنوط).
أنا الصراحة مش عارف كماليات الموديل ده , عندى حالة لخبطة من كتر الموديلات "مصرى" سبورت , هاف سبورت , سام , "خليجى"
الكاسيت لوحده مفيهوش سى دى , السى دى وحدة منفصلة بتركب تحت الكاسيت عند طفاية السجائر , و بيشيل 6 سى دى Audio فقط.
أنتظر حضرتك لغايت بكره و المهندس طارق "مصراوى جدا" أستشارى منتدى ميتسوبيشى هيفيد حضرتك أكتر منى ان شاء الله.
ربنا يوفقك :)

هو فى حد من حضراتكم يعرف سعر الـ 1300 الاوتوماتيك بكام ؟