طرح شركة النصر للسيارات للبيع اواخر مارس القادم

**رامى خيال** · 23-02-2008 06:47 PM

أعلنت الشركة القابضة للصناعات المعدنية عن طرح شركة النصر لصناعات السيارات للبيع في نهاية مارس المقبل، وتأتي عملية الطرح بعد تقييم أصول شركة النصر من خلال عدد من المستشارين بلجنة الخصخصة الموجودة في الشركة القابضة للصناعات المعدنية، ومن المقرر أن ينتهي التقييم آخر الشهر الجاري
ويتم إعلان كراسة شروط البيع وبدء التقدم بالعروض خلال الشهر القادم.
وذكر مصدر مسئول في الشركة القابضة للصناعات المعدنية أن الهدف الأساسي من عملية التقسيم هو تسهيل خصخصة الشركة، من خلال تخفيف حدة الديون التي تتحملها شركة النصر بما يسهل علي أي مستثمر تحملها.
السؤال الان:هل ستطرح الشركة منتجات جديدة؟
ماذا عن السيارات الشاهين التى سيتوقف انتاجها؟

**Xpert** · 23-02-2008 09:15 PM

عادي يا عم يعني هيا جت علي دي ...
يبقي انت اكيد في المفقوده .. المحروسه .. مصر يعني ..

**sherif_84** · 23-02-2008 10:22 PM

الشاهين هتتوقف زى اخواتها الدوجان والتمبرا والريجاتا

**sab3aawy** · 25-02-2008 11:33 AM

وها هى صفحة اخرى من صفحات تاريخ مصر فى نصف القرن الماضى يتم طيها

وسبحان من له الدوام

**Powert** · 25-02-2008 12:40 PM

انا قولت الشاهين و 128 هايجيبوا اجلها محدش صدقني :D:D

بزمتكوا بس لو كانوا جابوا عربية صيني يجمعوها وعلموا دعاية حلوة
:)
مش كان زمانها شغاله دلوقتي ونجيب دخل حلو كمان

**muslem** · 26-02-2008 07:50 AM

اها كده بقي علشان محدش يقول ان مصر بتصنع عربيات ولة حاجة!!

**Khalid_Mostafa** · 26-02-2008 08:38 AM

بصو للجانب المضيء يا جماعة ......لو علي قطع غيار الشاهين و الـ 128 فحتفضل موجوده في السوق إن مكنتش جديدة حتكون إستعمال كما ان سعر العربيات دي مكنش منافس في السوق
ومن ناحية اخري لو اتباعت الشركة لمستثمر كويس حيعرف يعمل شركة سيارات حقيقية و مش بعيد نسمع في يوم عن سيارة مصرية (حتي لو ابتدي بتصنيع الهيكل فقط) انما تصنيع الـ 128 و الشاهين لحد دلوقتي ده بسميه عبط ومدام القطاع العام مش عارف يطورها يبقي ندي فرصة للقطاع الخاص .بس السؤال هو : حتتباع بكام ؟؟؟