ياجماعة إنتو نسيتوا إن تلت أغانينا مسروقة من بره برضه زي تملي معاك وصدقني خلاص والليلادي وأفلام كتييييييرة
عرض للطباعة
ياجماعة إنتو نسيتوا إن تلت أغانينا مسروقة من بره برضه زي تملي معاك وصدقني خلاص والليلادي وأفلام كتييييييرة
كل حاجه بتتسرق حتى الناس
يا جماعة ما احنا سارقين بالهبل برضو
فى سرقة كاملة و اوقات تانية يقولك تعريب او تمصير او فكرة فلان او مقتبس من كذا
و ده باين قوى فى كتير من الافلام و المسرحيات ومن زمان جدا
في الموسيقى هناك حدود بين الاقتباس والسرقة، الاقتباس يكون في حدود مازورة موسيقية واحدة أو مازورتين، مازاد عن ذلك فهي سرقة رسمي :)
أما التمصير فهو فن راقٍ لا يستطيعه إلا موهوب، فلم أتخيل في صغري أن مسرحية "سيدتي الجميلة" مقتبس عن عمل أجنبي بنفس الاسم، موهبة "بهجت قمر" طغت على المسرحية وتم تمصير العمل بشكل غاية في الاحتراف والإبداع، فلم أتخيل أن عم "لاللو" و"صدفة بنت حسب الله بعضشي" هي شخصيات تم تمصيرها عن عمل أجنبي.
وعلى الجانب الآخر فيلم "واحدة بواحدة" تم نقل الفيلم الأجنبي (مش فاكر اسمه) بكامل مشاهده ونكاته وقفشاته ورقصاته وحواره (ومعظم مناظره الخارجية)، يادوب غيروا أسامي الأبطال واسم المنتج -كان في الأجنبي VIP تم تمصيره للـ "فنكوش" :D-!! خرج العمل سطحي وغير منطقي لولا الأداء اللطيف من عادل إمام وأحمد راتب.
وفي الماضي كان لدى الكتاب الشجاعة الكافية للإعلان أن هذا العمل مقتبس عن رواية فلان .. أما الآن فلا حاجة للاعتراف لأن الأعمال الفنية حالياً استهلاكية كالمناديل الكلينكس، الواحد يشتري ألبوم في أول الطريق الصحراوي يتسلى بيه في السكة ويرميه لما يوصل إسكندرية وشكراً.