الحمد لله وربنا يعوض عليه
النهاردة حصل معي موقف - حاجة كدة زي الكاميرا الخفية بس بجد - هو الموقف ما أخذش ثواني بس عدى على كأنه سنه:B4_592:
المهم انا كنت راكن في جراج الاوبرا وكنت رايح اخد عربيتي ولما قربت منها بحوالي 3 متر لقيت الباب الشمال والرفرف اللي خلف السواق مش مخبوطين لأ مدمرين لدرجة ان الرفرف صاجه مشروم فبصراحة حصلي ذهول وجه في مخي ميت حاجة ابلغ البوليس طيب مش هاخد حاجة اشتكي لبتوع الجراج وهيدوني ايه وقبل دا كله طيب العربية هتتصلح ازاي وبكام دا العربية معملتش صيانة ال 5000 كم (وايه المشكلة) المهم وقبل ميحصلي حاجة لقيت بتاع الامن بينده علي وبيقولي عربيتك اهيه وبيشاور على ناحية تانية بصراحة كنت هاموت من الفرحة :10D5C8w1107:وكنت عايز اخذ الراجل بالحضن - الغريب في دا كله اني عديت على عربيتي قبل ما اوصل للعربية التانية ومشفتهاش- قولت اكيد دا اختبار من ربنا خاصة واني قبلها كنت زعلان علشان واحد جرحلي الاكصدام
المهم قعدت اقول الحمد لله وادعي لصاحب السيارة المخبوطه ان ربنا يعوض عليه
معلش ازعجتكم معي :44:بس بصراحة من فرحتي كنت عايز اقول للناس كلها ربنا يسترها معانا جميعا يا رب