حلاق وكوافيره صينى على باب البيت وب5جنيه بس

والله اخر زمن .......... سلسلة الغزو الصينى
القصه بالظبط حصلت مع زميل ليا فى العمل وكما يروى لى
رن جرس الباب قام يفتح وجد امامه شاب صينى ومعه فتاه صينيه
طبعا اعتقد كالمعتاد انهم بيبيعو منتجات صينى على البيوت
لكن المفاجئه ان الشاب قدمله نفسه بالعربى المكسر انه حلاق
وان البنت اللى معاه كوافيره حريمى يعملون متجولون بالمنازل
والحلاقه شعر وذقن مقابل 5جنيه بس باجهزه حلاقه متطوره ومعقمه
وان التعقيم سيتم امامه
ومعاه مجله عباره عن كتالوج لاحدث قصات الشعر اللى تختارها بنفسك
والبنت الكوافيره تعمل معه بس حريمى يعنى للمدام
وكل اعمال الكوافير اللى بتعملها برضه مقابل 5 جنيه فقط
وممكن يتفق معاك على موعد ثابت تحدده معاهم للحضور كل مره
ويحضر فى الميعاد بالظبط كما تحدده
وعلى فكره زميلى ساكن فى منطقه عين شمس
بس مارضيش يتعامل معاهم وخاف انه يدخلهم بيته
وبعد كده عرف انهم كتير ومقسمين نفسهم على الاحياء الشعبيه
.................................................. .....................................
الغريب فى الامر ان الشباب الصينين دول بييجو من بلدهم عندنا
وبيبتدعو فرص عمل لانفسهم وبيعرفو ازاى يكسبو الزباين
فى نفس الوقت اللى شبابنا بيهرب من البلد علشان مش لاقى
..........فرصة عمل
انا مش بنتقد حد ابدا علشان ماحدش يزعل منى
لكن صدقونى انا نفسى مابقتش فاهم حاجه
هل احنا فعلا مش لاقيين فرص عمل ولا مش عارفين نشتغل ازاى

بتساءل معاك هوا ايه اللى بيحصل؟؟؟

تفتكر ممكن شاب مصرى عاطل حاصل على مؤهل عالى
وبيأخذ فلوس السجائر من والدته وعمال يشتم فى البلد
وهو بياكل فى اته محلوله انه يفكر يعمل زيه كده
ياخى والله حاجه تزعل

دول منتشرين جدا وفي المحافظات كمان ،،، شوف الموضوع دة بقالة سنة تقريبا

http://www.nilemotors.net/Nile/102212-a.html

اقتباس:

---

المشاركة الأصلية كتبت بواسطة w-m-a

تفتكر ممكن شاب مصرى عاطل حاصل على مؤهل عالى
وبيأخذ فلوس السجائر من والدته وعمال يشتم فى البلد
وهو بياكل فى اته محلوله انه يفكر يعمل زيه كده
ياخى والله حاجه تزعل

---

++++++++++++++++100%

اقتباس:

---

المشاركة الأصلية كتبت بواسطة w-m-a

تفتكر ممكن شاب مصرى عاطل حاصل على مؤهل عالى
وبيأخذ فلوس السجائر من والدته وعمال يشتم فى البلد
وهو بياكل فى اته محلوله انه يفكر يعمل زيه كده
ياخى والله حاجه تزعل

---

والله عندك حق
ناس كتييير جدا بتخلص الثانويه عشان الطبيعي انها تتدخل الكليه وتخلص عشان الطيبيعي انها تقعد علي القهوه وتقوله دور علي شغل يقولك ياعم هو في الشغل مش لما اللي قبلينا يشتغلو مع انه لو توكل علي اللي ودور هيلاقي حتي لو حاجه مش مقامه او مش تخصصه علي الأقل مش هيبقي عاله علي حد

انا شايفهم صورة ناجحة للشباب المكافح الى بييجى من النص التانى للعالم لحد هنا علشان يشتغل ...فما باللك الى بيقعد تحد بيتهم فى القهوة ويقول دى بلد $%#$5 لانة علشان خريج هندسة معمارى يبقى لازم يشتغل كبير مهندسين المشرفين على ترميم المتحف المصرى !!!!! احنا الى جايبينة لنفسنا

اقتباس:

---

المشاركة الأصلية كتبت بواسطة eng.octooo

انا شايفهم صورة ناجحة للشباب المكافح الى بييجى من النص التانى للعالم لحد هنا علشان يشتغل ...فما باللك الى بيقعد تحد بيتهم فى القهوة ويقول دى بلد $%#$5 لانة علشان خريج هندسة معمارى يبقى لازم يشتغل كبير مهندسين المشرفين على ترميم المتحف المصرى !!!!! احنا الى جايبينة لنفسنا

---

ياباشمهندس
حط نفسك مكانه برده طبعا مش هيشتغل حلاق الا لو ضاق بيه الحال فعلا
الشغل مش عاوز واحد يتشرط
انما عاوز واحد يسعى و يدور و يتعب ويبقى عنده استعداد يتعب
الفرصه مش هتيجى لحد عندك تخبط على بابك
يعنى شوف كام واحد بيتخرج من كليه زى هندسه او تجاره
فيه منهم اللى بيشتغل واللى مش بيشتغل
90 %الفرق بين دا ودا ان فىه واحد تعب وواحد مش عاوز يتعب

اقتباس:

---

المشاركة الأصلية كتبت بواسطة blazer

ياباشمهندس
حط نفسك مكانه برده طبعا مش هيشتغل حلاق الا لو ضاق بيه الحال فعلا
الشغل مش عاوز واحد يتشرط
انما عاوز واحد يسعى و يدور و يتعب ويبقى عنده استعداد يتعب
الفرصه مش هتيجى لحد عندك تخبط على بابك
يعنى شوف كام واحد بيتخرج من كليه زى هندسه او تجاره
فيه منهم اللى بيشتغل واللى مش بيشتغل
90 %الفرق بين دا ودا ان فىه واحد تعب وواحد مش عاوز يتعب

---

كلامك صح جداااا

بجد ناس مجتهده ويستاهلو

اقتباس:

---

المشاركة الأصلية كتبت بواسطة w-m-a

تفتكر ممكن شاب مصرى عاطل حاصل على مؤهل عالى
وبيأخذ فلوس السجائر من والدته وعمال يشتم فى البلد
وهو بياكل فى اته محلوله انه يفكر يعمل زيه كده
ياخى والله حاجه تزعل

---

والله حضرتك قولت المفيد ومن الاخر

شباب مجتهد على عيني وعلى رأسي

لكن ثقافتنا هنا مختلفة ...

فعلا الشغل مش عيب ... بس مش أي شغلانة

يعني الواحد مايطلعش عين أهله مصاريف جامعة وتعليم
وفي الأخر

أطلع أحلق للناس في البيوت..وأعرض نفسي وكرامتي لكلام إنتم متخيلين ممكن يبقا إزاي


لا يعم الحج
يفتح الله ...مش عاوز


أنا أروح أي بلد تانية ..أشتغل بكرامتي

اقتباس:

---

المشاركة الأصلية كتبت بواسطة a7med_pharma

شباب مجتهد على عيني وعلى رأسي

لكن ثقافتنا هنا مختلفة ...

فعلا الشغل مش عيب ... بس مش أي شغلانة

ي[color="rgb(46, 139, 87)"]عني الواحد مايطلعش عين أهله مصاريف جامعة وتعليم
وفي الأخر
[/color]
[color="rgb(46, 139, 87)"]أطلع أحلق للناس في البيوت..وأعرض نفسي وكرامتي لكلام إنتم متخيلين ممكن يبقا إزاي
[/color]

لا يعم الحج
يفتح الله ...مش عاوز


أنا أروح أي بلد تانية ..أشتغل بكرامتي

---

جبت المفيد يادكتور
نفسى الناس الى بتتكلم تقول انا ارضى انى ابنى الى صرفت علية دم قلبى يشتغل حلاق دليفرى

وياريت الى بيتكلم دة يقول لو اتقدم لبنتة واحد زى الصينى دة بس مصرى هيوافق علية!!!!!!!!!!!!!!!

اقتباس:

---

المشاركة الأصلية كتبت بواسطة elassar2010

جبت المفيد يادكتور
نفسى الناس الى بتتكلم تقول انا ارضى انى ابنى الى صرفت علية دم قلبى يشتغل حلاق دليفرى

وياريت الى بيتكلم دة يقول لو اتقدم لبنتة واحد زى الصينى دة بس مصرى هيوافق علية!!!!!!!!!!!!!!!

---

اه يا سيدى الفاضل لو اتقدم لبنتى عريس معاه مؤهل عالى وابن ناس محترمين وعارف ربنا تقى ومتربى وبيشتغل حلاق دليفرى او فى مغسله سيارات او بنزينه
اقسم بالله هجوزها له
واحسن من الى بيسافر يغسل اطباق اويشتغل فى مشرحه ولا فى القمامه ولا مجزر ولا ينظف حمامات وما ادراك ما الحمامات برة
ويجى لسانه معوج بكلمتين

اقتباس:

---

المشاركة الأصلية كتبت بواسطة w-m-a

اه يا سيدى الفاضل لو اتقدم لبنتى عريس معاه مؤهل عالى وابن ناس محترمين وعارف ربنا تقى ومتربى وبيشتغل حلاق دليفرى او فى مغسله سيارات او بنزينه
اقسم بالله هجوزها له
واحسن من الى بيسافر يغسل اطباق اويشتغل فى مشرحه ولا فى القمامه ولا مجزر ولا ينظف حمامات وما ادراك ما الحمامات برة
ويجى لسانه معوج بكلمتين

---

الكلام سهل جدا
لكن صدقني ...حتى لو إنت مقتنع بالكلام ده ومستعد تجوزه لبنتك
بنتك نفسها مش هتوافق
صدقني


وموضوع غسيل الحمامات والإطباق والزبالة بتاع بره ده

"" وإذا بوليتم ..فإستتروا""
يعني تنضف زبالة بره ....... وماحدش يعرف
أحسن ماتحلق للناس هنا ديليفري.....وعلى عينك ياتاجر




والإتنين أنقح من بعض

اقتباس:

---

وما ادراك ما الحمامات برة

---

متهيألي مش هتبقا زي هناااااااا

في أوروبا والدول المتقدمة ...كل واحد له حمام

ههههههههههههههههههه

اقتباس:

---

المشاركة الأصلية كتبت بواسطة w-m-a

اه يا سيدى الفاضل لو اتقدم لبنتى عريس معاه مؤهل عالى وابن ناس محترمين وعارف ربنا تقى ومتربى وبيشتغل حلاق دليفرى او فى مغسله سيارات او بنزينه
اقسم بالله هجوزها له
واحسن من الى بيسافر يغسل اطباق اويشتغل فى مشرحه ولا فى القمامه ولا مجزر ولا ينظف حمامات وما ادراك ما الحمامات برة
ويجى لسانه معوج بكلمتين

---

والى يسالك عريش بنتك بيشتغل اية هتقلة بيلف على البيوت ويحلق للناس!!!!!!!!!!!!!

فكر براحة كدة هتلاقى ان الموضوع صعب جدااااااااااااااااااااااا ممكن تقول مستحيل

الجهل اللي بلدنا ورثته لشعبها هو اللي خلى الوضع كده
انا بقولك بالفم المليان

احنا مش عارفين نشتغل ازاي

اقتباس:

---

المشاركة الأصلية كتبت بواسطة أبو عبدالله

الجهل اللي بلدنا ورثته لشعبها هو اللي خلى الوضع كده
انا بقولك بالفم المليان

احنا مش عارفين نشتغل ازاي

---

هو ده الكلام الصح للاسف

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره. صدقنى الحديث ده فى خلاصة الكلام كله
فارمابيقول ان ثقافتنا مختلفه وهى دى الكارثه الكبيره اللى احنا فيها
ماتزعلش منى يافارما كده احنا ثقافتنا متخلفه
لابد وان تحترم المهن والحرف البسيطه فى هذا البلد والا عليه العوض فينا
يبقى علشان عيب وماينفعش ومايصحش بعد مانعلم اولادنا ونصرف عليهم دم قلبنا
نقعدهم فى البيت ياأما يهاجرو على بره يشتغلو فى الفاعل ويبيعو جرايد ويغسلو صحون
بس ماحدش عارفهم هناك ونسيب فرص العمل دى فى بلدنا للشباب اللى جاى من الصين
.................................................. ...................................
والله العظيم انا عرفت مهندس معمارى سافر الخليج بعقد عمل
ولما راح يستلم عمله اكتشف انهم هيشغلوه فى الفاعل ياأما يرجع
وطبعا قعد واشتغل فاعل فى المعمار لمدة 10 سنوات وجمع مبلغ محترم
ورجع هنا طبعا رافع راية الهندسه على اكتافه
.................................................. ................................
سؤال ومالهوش اجابه
لو بنفس الفكر ده اصبحت الناس كلها فى مصر تعليم عالى وحملة شهادات
معنى كده ان مش هنلاقى فى بلدنا نجار ولا سباك ولا سمكرى ولا نقاش ولا حداد
ولا حلاق ولا ولا الى اخره
وايه المانع ان الفكر ده يتغير للاحسن ويبقى اصحاب المهن دى ناس متعلمين
كام مره اتعاملت مع حرفى متعلم ومثقف وارتحت للتعامل معاه
مع الاسف الشديد ان كل شاب النهارده بعد التخرج عاوز يبقى مدير
قاعد على مكتب فخم ومكيف وفى كومبيوتر وتليفون ومش عاوز ازعاج
انا ماكنتش عاوز اقول رأيى ده من الاول علشان عارف انه هيزعل ناس كتير
لكن فى الاول وفى الاخر اختلاف الرأى لايفسد للود قضيه
وتقبلو تحياتى

تعرفوا

أنا صيدلي .........

ووالدي كان عنده مركز صيانة تكييف وتبريد ..بخلاف شغله الأساسي في شركة

كنت بروح أشتغل معاه ...وعمري مافكرت إنها تكون عيب أو قلة قيمة
شغلانة محترمة ...ودخلها محترم
صحيح إسمك صنايعي ...بس صنايعي محترم

مش أروح ألف على بيوت الناس وأقولهم الحلاقة بــ5 جنيه

وحتى بعد مافتحت صيدلية ..والدي لما كان بيحتاج حد يساعده في الورشة بتاعته
كنت بروح عادي جدا
العربية الدايو(إلي كانت معايا) تقف قدام الورشة
والدكتور أحمد ينزل (أنا ) ...وألبس قميص غير إلي أنا لابسه..وساعات كنت بلبس العفريته
وعادي جدا

أمسك البوري بتاع اللحام ...وشغال
دي محترمة جدا


غير موضوع اللف على البيوت ده
حرااااااام والله

حب ماتعمل ...حتى تعمل ماتحب

المشكلة مشكلة ثقافة وبردو مشكلة حكومة وعادات وتقاليد لاننا بنحكم علي الشخص من شغله وسكنه وعيلته
بصراحة لما سافرت لاقيت الناس بتفكر تفكير تاني خالص مفيش حاجة اسمها منطقة شعبية ولا منطقة راقية والمستويات الاجتماعية متقاربة جدا
وفي حاجة اسمها قانون عمل الناس ملتزمة بيه بس في طبعا ناس بتشتغل من تحت لتحت بس نسبة الوحش قليلة عموما من غير كلام كتير لان الواحد تعب من الكلام والتفكير الواحد زعلان علي مصر البلد انهارت !!!!!!!!!

توضيح: حب ماتعمل: .....يعني في بداية حياتك ممكن يكون شغلك متعب جدا وقرفان منه .....ولكن لورضيت بيه واجتهدت فيه ربنا هايعرفك من خلاله على ناس تكون السبب في نقله حلوه في حياتك وهكذا .تستمر الترقيات ...حتى تصل في النهايه انك هتبقى المدير الكبير صاحب العمل وقاعد في التكيف وفاتح اللاب توب ادامك وبتشارك في منتدى نايل موتورز بآرائك
ولكن لولا انك صبرت على التعب في اول حياتك عمرك ماكنت هتبقى مرتاح دلوقتي .......ودي نصيحتي لكل الشباب اوعى تقول لأ لأي شغل حلال

انا سنة 1995 سافرت المانياعشان طلعت الاول على ادارة المعادي التعليميه في الانجليزي والالماني ودخلت تصفيات معهد جوته وشفت هناك شباب ألمان ولاد ناس اغنيه ولكن ممكن لو احتاج فلوس يدخل مزرعه يلم المحصول وياخد اجرته بالساعه وده مش عيب

الرسول صلى الله عليه وسلم مسك ايد صنايعي بياكل بالحلال وقال هذه يد يحبها الله ورسوله.

اقسم بالله مرة زمان قبل الغاز بتاع الانابيب لقيته بيتكلم باسلوب مهذب جدا على كلمتين انجليزى
ولما سألته طلع فى رابعه طب اه والله طب
ووالله شوفت الكارنيه بتاع الكليه
طبعا اتكسفت منه جدا واديته زياده
رفض وقال انا بشتغل علشان اعرف اجيب كتب واذاكر كويس علشان اتخرج وابقى طبيب كويس

[quote=a7med_pharma;3872848462]تعرفوا

أنا صيدلي .........

ووالدي كان عنده مركز صيانة تكييف وتبريد ..بخلاف شغله الأساسي في شركة

كنت بروح أشتغل معاه ...وعمري مافكرت إنها تكون عيب أو قلة قيمة
شغلانة محترمة ...ودخلها محترم
صحيح إسمك صنايعي ...بس صنايعي محترم

مش أروح ألف على بيوت الناس وأقولهم الحلاقة بــ5 جنيه

وحتى بعد مافتحت صيدلية ..والدي لما كان بيحتاج حد يساعده في الورشة بتاعته
كنت بروح عادي جدا
العربية الدايو(إلي كانت معايا) تقف قدام الورشة
والدكتور أحمد ينزل (أنا ) ...وألبس قميص غير إلي أنا لابسه..وساعات كنت بلبس العفريته
وعادي جدا

أمسك البوري بتاع اللحام ...وشغال
دي محترمة جدا


غير موضوع اللف على البيوت ده
حرااااااام والله[/quote

صحيح إسمك صنايعي ...بس صنايعي محترم

وده الى انا بقوله يا دكتور
يعنى لو واحده كويسه شافتك بالعفريته ده هينقص من قدرك او علمك
طبعا لا
هتتقدم لها بصفتك دكتور
او معاك مؤهل كويس
هنا بقى الثقافه هى الى هتحكم
هو ده قصدى
مش لازم نلف على البيوت نحلق لكن اى شغل
الشغل مش عيب

========
صحيح إسمك صنايعي ...بس صنايعي محترم

وده الى انا بقوله يا دكتور
يعنى لو واحده كويسه شافتك بالعفريته ده هينقص من قدرك او علمك
طبعا لا
هتتقدم لها بصفتك دكتور
او معاك مؤهل كويس
هنا بقى الثقافه هى الى هتحكم
هو ده قصدى
مش لازم نلف على البيوت نحلق لكن اى شغل
الشغل مش عيب
=====
الكلام دا صح جدا
الشغل مش عيب
بس انا فى نظرى مش اى حد يشتغل اى شغل
لان بعض الاعمال انت لو حبيت تشتغلها هتفرض عليك حاجات انت مش هتقدر تعملها
و بلنسبه لموضوع الزواج
الاسلام قال ان لازم يبقى فيه توافق بين الولد والبنت و عائله الولد والبنت
يعنى عيله الولد تبقى غنيه وصاحبه املاك و يجيى يتجوز الشغاله
لان هتبقى فيه فروق كبيره فكريه واجتماعيه و ثقافيه وماديه
والزواج قد يؤل الى الفشل
زى كدا كأنك هتشترى عربيه
مينفعش تبقى تخين ووزنك 150 كجم و تشترى عربيه ماروتى
لانأكم مش لايقين على بعض

و الله عشان منظلمش الشباب برضه أعرف اكتر من واحد مؤهلات عليا و شغالين فى قهاوى بيقدموا طلبات للناس....أو شغالين أشغال أقل من مؤهلهم ولا تحتاج لمؤهل أصلاً.....بس بيسعوا و بيتعبوا.

و ده ميمنعش أن فيه ناس برضه مش عاوزة تتعب أصلاً و عاوزين وظائف تفصيل.

يا جماعة انتو اصلا مش عارفين ان الناس دى بيبقى عليها احكام فى بالادهم
هناك وبيجوا يقضوا مدة الحكم هنا لفترة معينة
انا سمعت الكلام دة من فترة
ان الاحكام دى بتبفى احكام خفيفة
وبعدين انتا ضامن اللى ممكن يدخل يحلقلك
دة مش تعبان او عندة امراض
مانتاش ضامن انو يدخل يسرقك او يعمل اى مصيبة
اما بقى بالنسبة لموضوع الشغل
اى شغلانة فى الدنيا مش عيب على الاطلاق
طلاما بشرع ربنا وبحلاله يبقى خلاص ماتكسقش
وكل واحد على قد قدرتة وتعليمة وتربيته

5 جنية فى الحلقة وأدوات معقمة؟؟؟
5 جنية كوافيرة وأحدث القصات
الأجر متدنى جدا بس دى طبيعة الصين بضاعة برخص التراب وأشتغلت على كدا
وعلى فكرة غزوا العالم كلة مش مصر بس وبعد كام سنة لما يتمكنوا ويخرجوا المنافسين من شغلتهم
يرفعوا الاسعار وحدش يقدر يقول لأ
وعلى فكرة مصارفهم متدنية جدا غيرنا ياعنى ال 5 جنية دى تكفية وجبة يوم كامل شغل صينى بقا

يا جماعه إحنا هنا برضه بنفكر بمنطق مش سليم

اللي هو "الناس هاتقول إيه عليه" وهو ده المنطق مش سليم

الفكره إن كلنا وحتى من غير أما نحس بنقول "يا ترى الناس هاتقول إيه علي" وده عشان إحنا عندنا موضوع الإهتمام بالمظاهر متغلغل أوي فينا من غير أما نحس. والطبقيه عندنا برده عاليه وإحنا مش حاسين.

أحسن حاجه شفتها بره هو إن الإهتمام بالمظاهر ده إستثناء مش حاجه سائده. يعني اللي عاوز يعمل حاجه بيعملها من غير أما يحط في دماغه أوي الناس هاتقول إيه وهاتعمل إيه.

وماحدش مثلاً يكون معجب ببنت وبعد أنا يعرف إن أبوها مش متعلم مثلاً يقوم يصرف نظر عنها.

أكيد كلنا شفنا أبهات بيرفضوا يشغلوا أولادهم وهو لسه بيدرسوا عشان خايفين الناس يقولوا عليهم مش عارفين يصرفوا على ولادهم. وحاجات تانيه كتير

لو سمحتم اقول رأيي المتواضع
ماحدش قال ان دكتور او مهندس يطلع يحلق في البيوت .... ده مش واقعي في مجتمعنا .... مش معنى كدة انه غلط ... اي عمل شريف يبقى صح .... انا باتكلم عن واقع مجتمعنا ... لكن
كل واحد له ما يناسبه من عمل واكيد المهندس له مايناسبة من اعمال لا تخلو من شقى ومرمطة في شبابة
مثلا صديق من اصدقاء عمري كان في كلية الهندسة وكان بيشتغل وهو في السنة النهائية كملاحظ عمال في مشروعات انشائية ... واشتغل فران في فرن .... واشتغل نجار مسلح ..... ودلوقت من اكبر المهندسين في اكبر شركات المقاولات العربية ...... باشا يعني .....لكن شقي كتير لغاية ما بقى كدة وما اتكسفش
كام مليون شاب عاطل من الحاصلين على مؤهلات متوسطة وبدون مؤهلات .... طبعا كتير
واعتقد ان غالبيتهم يقبلوا انهم يشتغلوا حلاقين في محلات حلاقة .... او حتى مساعدين او صبيان
ومنهم كتير اتعلمو صنعة معينة مثل الحلاقة
طيب لية اللي زي دول ما ينفذوش الفكرة دي
نيجي للسبب اللي انا شايفه الاهم
اننا مش عاوزين نتعب في الشغل ...... مش عاوز شغل يكون فيه شقى ... علشان كدة احنا بنحب الوظيفة الميري ..... اقل جهد بمرتب ثابت
وفي نفس الوقت عاوز دخل كبير ... يمكن اكتر مما أستحق .... وانا قاعد بابذل اقل مجهود ... ولو بدون مجهود يبقى قشطة و100 فل
انا باحلق شعر وذقن ب 25 جنيه ..... وانا اللي باروح للحلاق في محله وممكن انتظر كمان
يبقى ليه دول بيحلقو ب 5 جنية بس ..... ببساطة علشان عاوز يشتغل
انا لما كنت باتمرن في بداية حياتي المهنية كانت المسافة بين شغلي وبيتي 2.75 كيلومتر والشغل فترتين ومافيش مواصلة مباشرة
كنت بامشي المسافة دي 4 مرات .... الا لو لقيت توصيله مجانية من صاحب العمل احيانا لتقريب المسافة ..... طبعا كان المرتب لا يكفي تاكسي لمدة 10 ايام .... انا استحملت واتمرمط وشقيت كام سنة .... مر عليا عشرات الشباب اللي ما إستحملوش مع ان ظروفهم كانت احسن مني احيانا
اللي عاوز يرتاح في كبره ..... لازم يشتغل ويشقى في شبابه ..... ده ميزان الحياة
انا برغم انحيازي لبني وطني .... لكن لا استطيع ان اخفي اعجابي واحترامي لهؤلاء الشباب المجتهد .... مهما كانت جنسيته او لونه او دينه او لغته .... ده انسان مكافح يجب احترامه

السلام عليكم
اولا بالنسبة للشباب الصينى انا اتعملت معاة كثيرا داخل الصين لقيت منهم الخدمة والمساعدة بدون انتظار مقابل او استغلال وعندهم احتام كبير للعمل واوقات العمل وهذا يجعلنى احترمهم كثيرا
يعمل الشاب الصينى من 8 صباحا الى 12 ظهرا بيكون المكان فية اكتر من 10 اشخاص لايكلمون بعض الا لو كان فى العمل ثم عندهم ساعة للغذاء يتحدثون فيها وياكلون يفعلون مايشائون ثم عمل من 1 الى 6
اما الشباب المصرى والامثلة كثيرة ما احلى الكلام والهزار فى اوقات العمل لا يعملون الا امام صاحب العمل
زى المثل القائل غيب ياقط العب يفار
هو دة الشباب المصرى
طبعا دة ميمنعش ان فى شباب مصرى مخلص لعملة ومحب لة
انا من انصار ان الشخص فى بداية حياتة يعمل فى اى عمل متاح لة حتى ولو كان ضعيف الدخل
انا من ستة ابتدائى بشتغل فى اى حاجة
حتى اصبح لى خبرة فى اشياء كثيرة من اولها التجارة
الحمد للة الان عندى شركة استيراد وتصدير
وعمرى 33 سنة
الخلاصة متكسفش من اى عمل
اعمل بأخلاص
حب عملك
والباقى على اللة
اسف للاطالة
لا يوجد فرق بين وقت العمل واوقات الراحة

والله يا أبو هاشم أنا عندى اكتئاب شديد منذ أخر زيارة سريعة لدولة مجاورة
و انا شايف الاهانة من ضابط الجوزات فى طريقة التعامل مع الشباب المصريين اللى مهاجرين علشان يدورو على أكل عيشهم برة البلد وبرغم انهم كانت اوراقهم كاملة بس المعاملة كانت زبالة وزفت لما ييشوف بتاع الجوزات انه اللى امامه شاب بائس عاوز يشتغل بأى ثمن ولو كان على حساب كرامته ... و انا بصراحة أفضل أنى أموت من الجوع على المعاملة الزبالة... وياما اتعاركت فى مطارات كتير وبديهم فوق دماغهم
الصينين اللى جايين يشتغلوا حلاقين دول حد يقدر يعاملهم معاملة غير انسانية او يدوس على كرامتهم ؟؟؟

الزمان بيدور ومفيش حاجة على حالها اولادنا متمرمطين فى الدول المجاورة منذ نهاية السبعينيات وبداية الثمانينات
وقبل كده مكنش حد يقدر يقولهم نص كلمة وكان الاوربيين يهاجرون ليعيشوا فى مصر يشهد على ذلك تاريخ الاسكندرية
يعنى 30 سنه بهدله من اصل 7000سنه مسيرها الايام تلف تانى ونشوف ايه هيكون

فعلاً فى شباب مش عاوز يتعب ولا يدور وعاوز يعيش على الجاهز
يا جماعه إذا كان الواحد ماتعبش فى شبابه هيتعب امتى
الوظائف كتير بس فى ناس بتستعيبها وناس تانيه بتشتغل وربنا يكرمها

اقتباس:

---

المشاركة الأصلية كتبت بواسطة aif

اللي عاوز يرتاح في كبره ..... لازم يشتغل ويشقى في شبابه ..... ده ميزان الحياة

---

كلمة نفسي كل الشباب يحطها حلقة في ودنه

اقتباس:

---

المشاركة الأصلية كتبت بواسطة w-m-a

تفتكر ممكن شاب مصرى عاطل حاصل على مؤهل عالى
وبيأخذ فلوس السجائر من والدته وعمال يشتم فى البلد
وهو بياكل فى اته محلوله انه يفكر يعمل زيه كده
ياخى والله حاجه تزعل

---

+111111111111111111111111111

وبعدين نشتم فى الحكومة ونقولك ازاى متعينش الخريجين

يا اخى ده خبر عن واحد مصرى اتسجن فى الامارات علشان ارتكب جريمة وكان شغال عامل نظاقة

الاقى الناس بتقول حسبى الله ونعم الوكيل فى الحكومة علشان شاب مصرى بيشتغل عامل نظافة

كل واحد عايز يخرج يشتغل فى المكان الىل هو عايزه (راجع عبارات "انا عايز اشتغل فى شركة بترول" "انا مش حشتغل الا فى بنك" " انا مبحبش اشتغل فى التسويق" "ازاى اشتغل مندوب مبيعات"

الهم اني اعوذ بك من الهم والحزن واعوذ بك من العجز والكسل واعوذبك من الجبن والبخل واعوذ بك من غلبة الدين وقهر الرجال
"""دعاء تفريج الكروب""