ليه الدكتور نسي الفوطه ؟؟

**SkyBird** · 15-07-2010 03:44 AM

قصيده جميلة انا سمعتها على الموبايل تقريبا بصوت الدكتور اللي الفها
متعرفش اسمه ايه ؟
والله كأنه بيتكلم بلسان كل الدكاتره
في ناس كثير متعرفش ان مرتب الدكتور بعد شغل 10 سنين في وزارة الصحة ميوصلش ل 500 جنيه ايوه خمسمائة جنيه
شاب بدبلوم تجاره لسه متعين جديد في سنترال والله قاللي يادكتور مرتبك ميكفنيش كانز في الشهر !!!!!!!!!!!!!!
ملحوظة
الفوطة مسئولية ممرضة العمليات مش الدكتور والمفروض انها تعد فوطها بعد وقبل العمليه
ملحوظة 2
الفوطة دي حتة شاش صغيرة تحطها في كف الايدوتقفل عليها وفيه اصغر كمان لما تتغرق دم وتضيع ابقى هات الشاطر اللي يطلعها وخصوصا الفوط الصغيرة

**ahmed4000** · 15-07-2010 09:46 AM

المشاركة الأصلية كتبت بواسطة skybird

الفوطة دي حتة شاش صغيرة تحطها في كف الايدوتقفل عليها وفيه اصغر كمان لما تتغرق دم وتضيع ابقى هات الشاطر اللي يطلعها وخصوصا الفوط الصغيرة

ده تبرير؟؟؟؟؟

**kareem_Ashmawy** · 15-07-2010 10:27 AM

ده تبرير؟؟؟؟؟

لأ مش تبرير...عشان بس الناس اللى بتحب تتريأ تعرف تتريأ صح..لأنهم فاكرينها بشكير
و يقولك يااااااه هو الاهمال وصل للدرجة دى...تنسوا فوطة بحالها يا كفره...دنتوا جزارين مش دكاترة !!

**أبو_يوسف** · 15-07-2010 12:36 PM

المشاركة الأصلية كتبت بواسطة ahmed4000

ده تبرير؟؟؟؟؟

المشاركة الأصلية كتبت بواسطة kareem_ashmawy

لأ مش تبرير...عشان بس الناس اللى بتحب تتريأ تعرف تتريأ صح..لأنهم فاكرينها بشكير
و يقولك يااااااه هو الاهمال وصل للدرجة دى...تنسوا فوطة بحالها يا كفره...دنتوا جزارين مش دكاترة !!

هو مش تبرير .. لكن توضيح
فعلا انا واحد من الناس اللي كنت فاكر ان الفوطة دي حاجة زي فوطة الوجه كدا..
وفاكرها بتبقى باينة جدا.. لذلك كنت باستغرب جدا من الحكاية دي..
لحد ماعرفت (من فترة) انها صغيرة وبتغرق دم .. ففهمت التسلسل المنطقي لنسيان الفوطة في بطن المريض..

**أبو_يوسف** · 15-07-2010 12:41 PM

عذرا للمشاركة المكررة

**Donzi** · 15-07-2010 12:54 PM

حلوة اوي بجد

و الله يكون في عون الداكترة فعلا بالذات اللي عندهم عيادات خاصة و بيعملو عمليات جراحية بكام الف جنيه في اليو الواحد و راكبين عربيات اخر موديل

**r0xer** · 15-07-2010 12:56 PM

لو كان الأمر بيدي، لقطعت يد الطبيب المخطئ قبل السارق.

لعنة الله على كل دكتور مهمل في عمله وكل دكتور تسبب بأذى لأي مريض.

**M.Mostafa80** · 15-07-2010 01:14 PM

اه بس دا معناه أهمال وعدم تركيز من الممرضه والدكتور اللى المفروض انو بيشرف عليها واللى المفروض ان عينو تبقى مفتحه ومفنجله على الأمانه اللى تحت اديه مهو المريض اللى واخد بنج دا أمانه أئتمانها للدكتور قبل ما يغرز حقنه البينج فيه ويخليه يغيب عن الوعى
القصيده جميله بس اللى حضرتك قلتو فيها دا كلو مش مبرر لأن دا يحصل
اللى اتنسى جواه الفوطه واتسببلو فى مشاكل دا بنى أدم وروح ولو راحت ربنا هيحاسبه لأنو كان سبب فيها
وطبعا المرتب الحكومى دا مايعتمدش عليه وربنا يكون فى عون الدكاتره اللى دخلهم ضعيف لكن الدور والباقى على البعض اللى ما بيراعوش ضميرهم فى المريض اللى تحت أيدهم وبيهبشو منو ألاف مؤلفه وواخدين مهنه الرحمه تجاره
ألا من رحم ربى