من اسبوع وأنا دايخ ودى النهاية خاص ببولو 2001..

**M.Mostafa80** · 28-07-2010 11:03 AM

المشاركة الأصلية كتبت بواسطة snakeson2

لمعلوماتك ياباشا البولو لازم زيت تخليقي
الكاوتش الاصلي زي الي كان جاي من بلادها هاتلاقية في توكيل كونتينينتال الي في الشيراتون . عندهم المقاس الاصلي ومحدش تاني في مصر بيجيبة الا هم. ونصيحة خليك في المقاس الاصلي .

أصلى

**elshrpeny** · 28-07-2010 10:55 PM

سؤال يا محمد خاص بالزيت

تقريباً كدا والله أعلم مش هقدر اتحصل على الكاسترول
فإية إلى يجى فى المرتبة التانية بعدة على طول ؟

أجيب فيسكو 3000 ولا 5000 ؟
ولا شيل سواء نصف تخليقى أو تخليقى ؟
ولا موبيل وان التخليقى ؟ ( ولا أبعد عن الموبيل خالص )

ومقولتلناش أخبار زيت الماجناتيك إية معاك الوقتى يا باشا ؟

**M.Mostafa80** · 29-07-2010 12:38 AM

فيسكو 5000 او شيل نصف تخليقى الجركن الأزرق
الحمد لله كويس

**elshrpeny** · 29-07-2010 02:02 AM

أومال الشيل التخليقى مالة يا محمد مش كويس ؟

**mesho_kimi** · 29-07-2010 02:21 AM

فيسكو عن تجربه رائع للغايه ممكن تحط ال 3000 أو ال5000 حط فى بالك كمان انى ال 5000 بالميت حيقعد 17 الف كيلو دلع عيني دلع

**elshrpeny** · 07-08-2010 10:33 PM

طيب بس فى حاجة انا بسيب الزيت فى العربية بالسنة والنص والسنتين عادى ميجراش حاجة طلاما لسة عدد الكيلوات مخلصش ولا بالكتير الزيت يعد فى العربية سنتين وأغيره حتى لو عملت بية ألف كيلو بس إن شاء الله يكون تخليقى ؟ دا سؤال لان سمعت حد فى المنتدى هنا بيقول الزيت ميقعدش أكتر من سنتين فى العربية ويتغير حتى لو معملتش بية كلوات !!! ؟

الحاجة التانية انا روحت سألت على الفيسكو و الكاسترول فقالى هيجيلة على الاسبوع الجاى الى إحنا فية حالياً , و ورانى ساعتها الشيل الجركن الازرق قولتلة النصف تخليقى قالى أه وقالى كمان أنة مستورد فجيت أشوف مصنوع فين لاقيتة made in EU يعنى أوروبى هل فعلاً الكلام دا ولا إية ؟؟؟ و لو غيرت الوقتى بشيل وبعد كدا جالة الكاسترول او الفيسكو ينفع أبقى أجيب جيركن مثلاً و أعينة ولا لة تاريخ صلاحية بعدة بيفسد يعنى بالكتير برده سنتين تلاتة ويبوظ ؟؟

الحاجة التالتة بقى هو لمحمد مصطفى , هل أنت حسيت بفرق كبير أو ملحوظ بين الشيل الجركن الأزرق والكاسترول الماجناتيك ولا مش للدرجة ؟ وسعر الشيل كام لانة بيقولى علية ب 175 جم فهل دا مغلى لانة محل ولو جيبتة من البنزينة هجيبة أرخص ولا الزيوت عموماً غلت ؟

**M.Mostafa80** · 08-08-2010 03:19 AM

فى فرق لصالح الكاسترول صوت الموتور أهدى وانعم وبالذات فى الحرق على الغيارات
الجركن المفروض ب 165 بس الله أعلم يمكن يكون غلى

**elshrpeny** · 08-08-2010 08:10 PM

طيب يا حج محمد يعنى ميجراش حاجة لو رديت على السؤاليين التانيين مش هزعل و الله ههههههههههههههه
ولا أنت فهمت ان طلاما خصيتك بالسؤال التالت يبقى دا بس الى عايزك ترد علية !!! ههههههههههههه
ولا ممكن تكون قولت طب خير انة سألنى واحد بس كتر خيرة ريحنى ههههههههههههههه