:H_angry[1]: يعنى مش انا لوحدى :36_1_37[1]:
عرض للطباعة
امير فارس هو شخصية محترمة كان عندي بردو مشاكل في فرع الهرم من شهر تقريبا (عيب صناعة في التيل او المستر الخلفي الله اعلم التيل في الفردة الشمال جزء اتاكل خالص و بوظ الطنبورة و جزء فية تأكل عادي ) وهو كلم المهندس خاطر حمامي ورحت قابلتة و قعدت مع المهندس اللي ماسك الصيانة و بعت جاب مهندس الاستقبال و مهندس الصيانة اللي اشتغلو في العربية و ناس تاني و سمعت كلااااااااام كتير اوي وتهت في النص
يعني التيل دة عادي انو يتاكل ملوش معاد محدد
طيب دة جزء اتاكل و جزء لا
دة من ال esp
ازاي !!
مش فاكر ردو بس تقريا مردش
و بعدين قلتلو انا اخر صيانة عاملها من 6000 كيلو ازاي مبنتش المشكلة دي
شاف اسم الفني اللي المفروض انة فك العربية في الصيانة دي طلع ساب الشغل !!
طيب اية العمل
مينفعش التيل و الطنابير يتغيرو في الضمان
طيب دة في الغالب عيب مستر
احنا كشفنا علية و مفيهوش حاجة !!!!
وكلام كتير اوي اوي مش فاكرة انا تهت و فصلت منهم حتي التيل اللي متاكل خالص قلتلهم عايز اشوفو و نسيت و مشيت
نصيحة اخوية
متروحش لوحدك عشان ميحصلكش اللي حصلي و تتوة في وسط الكلام لانك هتسمع مبررات كتير اوي من ناس كتير ( واللي فهمتو من كلام امير فارس ان شركة اوبل المانيا مش بتستبدل الحاجات اللي فيها عيوب صناعة بسهولة فهم بردو في التوكيل بيريحو دماغهم ) خلي نفسك طويل معاهم و متتعصبش و تغلط و تمشي عشان متضيعش حقك
فضي عربيتك من اي حاجة مهمة حتي المادلية ( مادليتي اتسرقت و قالولي اسفين يا فندم احنا عاملين نشرة في كل حتة انك لازم تشيل اي حاجة مهمة من العربية و دي مش غلطتنا !
هتلاقي اسلوبهم في الكلام محترم جدا جدا متتسبتش و صمم علي حقك
و ربنا معاك
الحمد لله ...
الى فى العربيه اتعمل بنسبه 80 % ...
الراجل الى امير فارس بعتنى ليه فضل معايا شخصيا طول اليوم و اشتغل فى بعض حاجات بنفسه ...
الحاجتين الى متعملوش ..
1-صوت العفشه ..اعترفو بوجوده و لكن قالو انه خفيف اوى ...استنتجت حاجتين ...حل المشكله صعب جدا لانه هيحل العفشه الاماميه بالكامل ...لو طلعت جلب مقصات هيلبسو فى 4000 جنيه تمنهم ...فقالولى الصوت واطى ملوش لازمه نحل ..وهتاخد وقت ..وانا شخصيا شايف ان ده صح ..انا المهم عندى انهم يعملو الى عليهم مش يشتغلونى ...
2-التكييف مش بيشتغل على auto...الحل فك التابلوه بالكامل ..وانا بصراحه لا اثق فى قدراتهم !! ده غير انى اصلا مش بشغله auto ..
باقى العربيه اتعمل ...
من تربيط عفشه لظبط موضوع ان التكييف بيأثر على السحب جامد (كان عيب بوجيهات و تحيه كبيره لطنانى لانه قالى على العيب ده قبل ما اروح) و صوت الابواب اتظبط ..فكو الفرش و زيتو مكنه الازاز و ربطو الكلبسات من تانى ..,قفل الباب مكنش مظبوط ظبتوه ..نزلت سوفت وير للفتيس و فعلا حاسس بفرق جميل ..
الطنابير اتخرطت ورا و ادام و رجعت زى الفل ...(واتكلمت مع مهندس هناك قالى لو باظت تانى هنغيرها فى الضمان)
كشفنا على العربيه بالكمبيوتر ..
المفاجاه بقى ...
ESP
الجهاز كان كاتب الاتى ..
ABS\TC\ESP present
كده انا ظلمت منصور و ال esp موجود ...صدق امير فارس لما قالى شوفه بالجهاز ....
كان عندى كمان فيشه حساس الحراره مكسوره خليتهم يعملوها ..
كان فى كلبسين للاكصدام السمكرى الى صلحت عنده العربيه معرفش يركبهم ..هما ركبوهم ...
الحمد لله انا مبسوط جدا ...
ولازم اشكر كل من ..
gabrial لانه هو الى ساعدنى فى موضوع الشكوى و هو الى كتب و هو الى بعت ...و متابع معايا لحد ما كنت فى التوكيل و بيتصل بيا باستمرار ..ونفسى اردله جزء من جمايله دى ..فعلا اخ كبير ليا
امير فارس ...ده شغال فى جينرال موتورز ايجيبت و ده الى رد عليا بعد ما بعتنا الشكوى للشركه ..و كان نفسه طويل معايا و استمع لكل حاجه قلتلهاله ..مكنش كداب مكنش منافق مكنش بيشتغلنى زى ما اتعودت من الناس الى زيه ..فعلا راجل محترم ..,ومهتم بيا لحد امبارح ..
الاسطى سامى ...ده الى امير فارس بعتنى ليه ..راجل محترم جدا و خبره كبيره جدا جدا جدا ...كان مفروض بيمشى من التوكيل الساعه 12 يروح الساحل ...فضل معايا لحد 4 و نص ...من 8ونص صباحا ..!!معايا و متابع و مهتم ..كان هو الى بيركب العربيه يدخلها العفشه ..او الكهرباء او السمكره ..كان كان ما يدخل على مهندس يقوله ...العربيه من طرف امير فارس جنرال موتورز ...بعد الكلمه مباشره ..الاسلوب بيتغير ...بيبدا الاعتراف بالعيوب ...و الاعتراف بوجود حلول ....
بجد انا مبسوط جدا و سعيد و بدات احب العربيه زى زمان ....
لسه عندى كلام كتير جدا عاوز اقوله..واحكيه ..طبعا انا اكتشفت مصايب هناك لانى كنت بدخل مع العربيه جوا ..(مع انه ممنوع)
هعمل موضوع تانى ان شاء الله بس اعذرونى انا مسافر اسكندريه حالا ...هرجع الاسبوع الجاى ....ان شاء الله هفتح نت من هناك ...بس لو لقيت شاحن للاب بقى ...
شكرا على الاهتمام يا باشا ...
انا عندى بردو التيل الخلفى تآكل و بوظ الطنبوره ..
غيرت التيل على حسابى ....وهما خرطو الطنابير على حسابهم ...ولو باظت تانى هتتغير فى الضمان ...
بس حضرتك ماشى كام كم ؟؟
لانى سامع ان فيكترا كتيييييييييييير غيرت تيل خلفى عند 20 الف كم !!!
ألف مبروك يا خالد على تصليح العربية :hlopaet_prv:،إن شاء الله تكون فتحة خير عليك و تستمتع بالعربية ،كنا مستنيين خبر حلو من زمان ،مبروك على ESP يا باشا :10D5C8w1107:.
شكراً على كلامك بس أنا معملتش حاجة غير الواجب و جمايل إيه بين الاخوات؟ أي حاجة تاني أنا تحت أمرك و أدينا عرفنا السكة و الطريقة اللي تنفع معهم :khd:.مبرووووك
الله يبارك فيك يا كبير ...
انا هبقى اعمل موضوع عن ال esp ده لانى فضحتهم ههههههههههههه
لازم اعترف بقى بالخطأ ..
بس انا نفسى اشوفه شغال ...
:Ob_mak1[1]: خلاص عشان خاطرك ..
والله انا مبقتش متهور ...
يعنى بجرى اه بس من غير غرز قاسيه و الكلام ده ...:khd: ربنا يستر طريقنا بقى ...
بس مش عارف اقولك انا فرحان اد ايه ان العربيه اتصلحت ...
ربنا ميحرمنيش منك :lovlie02[1]:
مش عاوز حاجه من اسكندريه ؟؟:dzey:
ازيك ياخالد ايه ياعم الغيبة الطويلة دى
الف الف مبروك تصليح العربية
وبعدين انتا تغطس الفترة اللى فاتت دى كلها وتطلع بحدوتة ورقم حماية المستهلك وبتاع
احنا بتوع الكلام دة ياعم
خش عليهم بال..................
مرة تانية الف مبروك التصليح وعقبال الباقى ان شاء الله