فيديو لاختبار تصادم الهيونداي اكسنت

**Hosam_Optrawy** · 12-07-2010 04:21 PM

النيو أكسنت مختبرتش فى ال EuroNCAP

اللى واخده نجمه ونص دى أكسنت 98

النيو أكسنت تم اختبارها فى استراليا ANCAP ودى اختبارات نفس مستوى ال EuroNCAP

وخدت 3 نجوم

ANCAP - Crash Test Results.

**Hosam_Optrawy** · 12-07-2010 04:45 PM

المشاركة الأصلية كتبت بواسطة a7medalaa

يا باشا شكرا علي مرورك بس الاكسنت اللي في الفيديو دي 2006 هي اللي في اختبارات اللي حضرتك حاطط اللينك بتاعها وهي اللي بتنزل مصر وعلي فكرة دي واخدة 3 نجوم اللي اتجربت برة وهي فيها 2 airbags و side airbags و abs و ebd و air curtains و seat belt. Pre-tensioners كل الحاجات دي مش موجودة في اللي بتنزل مصر تفتكر لو شيلنا منها كل ده وعملنالها اختبار تاخد كام ما ظنش اكتر من نجمة

انا عارف ياباشا ان الفيديو اللى انت حاطه لنيو أكسنت

انا بس باوضح عشان فى احد الزملاء جايب لينك لأكسنت واخده نجمه ونص

فباقول ان دى أكسنت 98 مش نيو أكسنت

وكلامك فعلا سليم بس دا حال اغلب العربيات اللى عندنا خصوصا الكورى

مفيش Abs ولا Air Bags

**a7medalaa** · 12-07-2010 05:38 PM

المشاركة الأصلية كتبت بواسطة hosam_optrawy

انا عارف ياباشا ان الفيديو اللى انت حاطه لنيو أكسنت

انا بس باوضح عشان فى احد الزملاء جايب لينك لأكسنت واخده نجمه ونص

فباقول ان دى أكسنت 98 مش نيو أكسنت

وكلامك فعلا سليم بس دا حال اغلب العربيات اللى عندنا خصوصا الكورى

مفيش abs ولا air bags

معلش يا باشا انا اسف فهمتك غلط

**ahmedrageh** · 15-07-2010 07:04 AM

لاحظو برضه انكو بتعملو هجوم على نيو اكسنت
التو برضه لو شلت منها الاير باجو خلافه
هاتبقى زي علبة السردين المنبعجة تعت عجلات شاحنه
دي موتوسيكل باربع عجلات يا جماعة

**tamer_a7** · 17-07-2010 02:33 AM

علي فكره تصادم الصني مش نفس نوع التصادم يعني دا اختبار تاني بتكون العربيه عموديه علي الحائط وبيكون في وسط العربيه
اختبار الاكسنت ناحيه السواق يعني كل المقاومه اللي ممكن يعملها الماتور والحاجات اللي في نص كانت شبه معدومه
في حين لما هيكون في النص هيبقي في مقاومه من فردتين شاسيه مش واحده صدر ووراه اجزاء الماتور

**Islam_Shady** · 18-07-2010 11:11 AM

المشاركة الأصلية كتبت بواسطة ahmedrageh

لاحظو برضه انكو بتعملو هجوم على نيو اكسنت
التو برضه لو شلت منها الاير باجو خلافه
هاتبقى زي علبة السردين المنبعجة تعت عجلات شاحنه
دي موتوسيكل باربع عجلات يا جماعة

ياباشا انا موش باشكر فى الالتو وموش باقول لحد يشتريها
كل ما فى الموضوع ان فى زميل بيقول ان شىء طبيعى ان عربيه ب 80 الف زى الاكسنت تكون موش امان ده اذا قورنت بالسيارات اللى ب 200 الف(هو عنده حق طبعا)

و انا بس كنت بابحث عن سيارات رخيصه عنها و اكثر امانا و لاقيت الالتو و بعدها لاقيت الشيفروليه سبارك واخده خمس نجوم

و كمان ده حتى علبة السردين دى احسن من الاكسنت من ناحية الامان.

**CryptonX** · 18-07-2010 11:33 AM

عوامل الامان في السيارات المصممة حديثا كلها ارتفعت جدا ..

يعني تقريبا مفيش عربية جديدة من اي ماركة معروفة بتحصل على اقل من 3 نجوم الان . ( 2008 و انت طالع )

وموضوع 80 الف و 200 الف ده خطأ .

اكيد الي ب 200 الف جنيه فيها تكنولوجيا متطورة اكثر للامان .. بس لما تثبت وحدة الاختبار و طرقه .. لازم النتايج تبقى متقاربة و الا على كدة محدش حيركب عربيات صغيرة في اوروبا .

معظم السوبر ميني و الهاتشباك العائلية من المصنيعين الكبار في اوروبا وا سيا الان حاصلين على 4 او نجوم كاملة .
سيات ابيزا - ليون
فولكس فاجن جولف - بولو
بيجو 207 - 308
رينو ميجان 3 - كليو 3
اوبل كورسا - استرا
هيونداي i20 - i30
كيا سييد
تويوتا ياريس - اريوس
هوندا جاز او فيت
فيات جراند بونتو - برافو
مازدا 2 - مازدا 3
ميتسوبيشي كولت - لانسر
ستروين c3 - c4

كل السيارات الي فوق رغم الاختلاف الكبير في اسعارها حتلاقيها محققة يا 4 نجوم يا 5 نجوم كاملة .

ماعدا طبعا معظم السيارات الصيني .

المشكلة الكبرى و الي محدش واخد باله منها ان معظم السيارات الكوري في مصر و بعض الياباني

بيسرقوكم علني ...

يعني النيو اكسنت مثلا .. بتتاع بكام ؟ ب 80 الف جنيه ؟

ارخص من منافستها مثلا السيتي او الياريس ب 30 -40 الف جنيه .

مش علشان الماركة بس .. علشان مفيهاش اي نوع من عوامل الامان ..

مش معنى انها تحولت لعلبة سردين للموت و لا حاجة ..

بس لو السيارة حاصلة على 3 نجوم ... شيل على الاقل نجمة و احدة او اكثر لعدم وجود تلك الوسائل .

و الي حيقولي غبور ممكن ينزلها بوسائل الامان بس حتبقى في تمن اليارس حقولك غبور حرامي ...

علشان ممكن تبص على اي موقع برة و حتلاقي ان اي سيارة هيونداي او كيا ( تقريبا مش جزما ) باي فئة ليها لازم حتكون ارخص شوية من اي سيارة ياباني .. مش علشان كخة ولا حاجة .. بس علشان تنافس ..

---

السيارات اليابانية الجديدة الي مصر معظمها محتفظة بمواصفات الامان باستناء بعض الماركات او الموديلات المعينة ..

الاوروبي طبعا مش بيهرج .. مفيش تقريبا سيارة اوروبية في مصر مفيهاش Airbag ( تقريبا ) .

--

فاللوم مش على العربية او على هيونداي او كيا او خلافه كشركة ..

مش علشان البيكانتو و ال i10 عربية صغيرة او رخيصة .. يقوم التوكيل منزلها من غير مواصفات امان .. دي اسمها سرقة .. و ياريتها اي سرقة .. ده بيسرق ارواح مش فلوس .