سياره 127 سوبر فيورا للبيع فابريكة خارجي وداخلي

**beckeryahia** · 12-07-2010 05:23 AM

عربية سوبر فيورا 6 غيار موديل 1986 لونها ابيض فابريكة داخلي وخارجي , بها مرمات خارجية بسيطه عند الرفاراف الامامية (ناحية الدلاية بسبب البارومة) ومرمتين في الكارتيرتين ورقم كارتير وليست رقم قائم.
حالة الصاج والخوارج :زيرووو فابريكة
حالة الدواخل : دواخل فابريكة 100% حوض وشنطة وقوايم
حالة العفشة : لسة شاري 2 مساعد مونرو ب380 جنية من شهر و2 كوبلن صيني ي80 جنية ومغير كل حاجة تانية في العفشة من 6 شهور تقريبا (مقصات وعلبة دركسيون تركي)
حاله الموتور : زيرو ومعمول عمره من سنة وشوية .
حالة الكاوتش : بها 2 فرده مقاس عريض لسة راكبين من كام ساعة نوع نيكسين كوري الفرده ب210 يعني الاتنين ب420
وفردتين ورا كورسا حالتهم كويسة.
حالة الفرش : فرش جلد الفابريكة حالتة كويسة جدا وعلية فرش قطيفة جديد , وفرش للابواب جديد والتابلوة بتاعها وحالتو كويسة جدا ما عدا شوية خرابيش بسيطة بحكم الزمن.

ملاحظات : كل الفبر اللي في البيبان واكر الابواب والشبكة والمرايات والفبر اللي علي الشنطة اصلي 100% بتاعها مفيش حاجة اتغيرت فية ولا حتي فية لحامات او شغل ولا حتي شرخ وليس المصري المعفن اللي بيخلي شكل العربية زي الزفت
الطاسات الاصلي موجوده بس شايلهم ومركب طقم طاسات شكلة سبور شوية.
العربية دي استعمال راجل كبير في السن (والدي) و يا بتمشي 4 كيلو في اليوم يا مابتمشيش يعني ممكن تتركن بال3 ايام محدش يقرب لها.
سبب البيع : ان والدي عايز يشتري عربية مكيفة.
انا مش مستعجل خاااالص علي البيع لاني لو اتوفقت في عربية حلوة هاشتريها ودي تتباع براحتها او حتي ما اتباعتش مش مشكلة هي احسن من الفلوس
البيع لاعلي سعر

**al_manara** · 12-07-2010 12:51 PM

ربنا يوفقك في بيعها . واضح انها عربية من النوادر

**MMMERO** · 12-07-2010 12:54 PM

ياباشا ممكن تبعتلى السعر على الخاص او حتى تقولى المعاينة فين ورقم تليفونك لو سمحت

**beckeryahia** · 12-07-2010 02:24 PM

العربية مش من النوادر ولا حاجة بس انا مهتم بيها شوية .. والسعر انشاء الله 17000 نهائي بدون اي فصال والمعاينة ممكن تكون في 6 اكتوبر عشان انا شغلي في 6 اكتوبر ممكن ابقي اخدها معايا في يوم ... والعربية ملاكي الفيوم وفيها رخصة لحد شهر 12

**ahmedzizo131** · 12-07-2010 08:43 PM

بسم الله الرحمن الرحيم
بسم الله ، مشااء الله
موديل 1986 و فابريكة برة
ماشاء الله كمان مرة

**mexmarine** · 13-07-2010 09:58 AM

ربنا يوفقك فى البيع

**ahmed_esmail** · 14-07-2010 09:54 AM

المشاركة الأصلية كتبت بواسطة ahmedzizo131

بسم الله الرحمن الرحيم
بسم الله ، مشااء الله
موديل 1986 و فابريكة برة
ماشاء الله كمان مرة

+11111111111111111

سبحان الله دى من عمرى
ربنا يوفقك ف البيع بس احنا ف زمن مفيش حاجة اسمهما فابريكة لعربيبه اكتر من 25 سنه
الناس اما بتشترى الله يسمحهم حتقولك دى 127 ف النهايه 10-11-12 الف وتقوبلك حرام