الموضوع: لا يوجد مستحيل سوى استحاله وجود المستحيل....

وانا بقلب فى الفيسبوك لقيت المقال ده عجبنى جدا قلت اجيبه هنا

لا يوجد مستحيل سوى استحاله وجود المستحيل....بقلم هشام عفيفي‏

بسم الله الرحمن الرحيم

...

الراجل الي اخترع التليفون...كانت ايه مشكلته......مشكلته ..انه عنده عمته في السعوديه بتشتغل في شركه

بترول....وهو قاعد في اليمن بيشتغل في مدرسه اعدادي....وعايز يقول لعمته...متجيبيليش مروحه عشان ركبلونا

تكييف في المدرسه............وكانت زمان مشكله بقي.....عشان مثلا ...يروح يقولها لا يا عمتي متجيبيليش مروحه

عشان ركبولنا تكييف....لازم يقطع مسافه مريره ...فقعد يحاول..ويقول لنفسه

ايه الموضوع : اني عايز اقول لعمتي متجيبيش المروحه

ايه المشكله : مش هينفع ابعت لعمتي صوتي وقولها متجيبيش المروحه

طب الحل : احول صوتي لحاجه ..واحاول انقلها عشان اقول لعمتي متجبش المروحه

وراح محول صوته لموجات...وقعدت يحاول ويفشل ويحاول ويفشل ويحاول ويفشل

لغايه اما عرف ينقل صوته لموجات تتنقل في سلك ..توصل للناحيه التانيه تتحول لموجات مسموعه

وكده وفر علي نفسه ومراحش السعوديه لعمته ..عشان يقولها هاتيلي المروحه

----------

لو بصيت كده.....هتلاقي ان الراجل حصر تفكيره........أزاي يحل مشكلته .......ولقالها حل

هات واحد من سبعتلاف سنه.....وقولوا هوصل صوتك من هنا ...لامريكا..في غضون ثواني

هيقولك : مستحييييييل ..يا ساااحر يا فاااااسق عليك اللحمه

بلاش دي .....زمان قائد جيش ما ...عايز يحذر قائد الجيش التاني ..

ويقوله : انتوا لو دخلتوا معانا حرب هننفخكم...فابعدوا احسنلكوا

يقوم كاتبها في رساله ..ويبعتها مع واحد علي حصان بي ام دبلو بقوه 620 GP يعني ستميه وعشرين معزه

والراجل يسافر سبع ايام عشان يروح للراجل التاني ويقوله .: هننفخكم...يقوم التاني باعتله الراجل تاني

ويقوله : متقدرش !!! ...ويرجع الراجل بحصانه تاني....وشغلانه منيله بنيله


راح الراجل مخترع حاجه اسمها الايميل ... طبعا الاختراعات دي مجتش بالساهل


ولكن الناس الي عماله تخترع دي ...بتحصر كل تفكيرها ف ازاي احل مشكلتي

اتصرف اعمل اي حاجه اتشقلب عشان احل مشكلتي


---------------

نمسك اختراع تاني زي العربيه - السياره -

الراجل كان كل يوم تقوله امه ...روح يابني هاتلنا اتنين كيلو لبن من عند البقال

وزمان بقي بين كل بقال وبقال ..مسافه كبيره

والراجل يعيني مسافه مريره عشان يروح يجيب الاتنين كيلو لبن

وعقبال ما يرجع يكون اللبن اتغلي كده في الشمس...مكانوش بيغلوه

قالك .....طب ازاي اعمل حاجه تقلل الوقت وتزود السرعه وتقلل المسافه

قعد يحاول ويحاول و اديك شايف

----------------

ولو قعدت اكلمك علي اي اختراع......هتلاقيه حل لمشكله

وحل لمشكله مريره يعني.....ولكنه .حصر كل تفكيره ف انه ازاي يحل هذه المشكله

...

طب ليه احنا مبنفكرش زي الناس دي

الناس دي لم يكن عندهم ثقافه " المستحيل " او سياسه المستحيل..

او يا عمي ......هو ينفع اخترع حاجه تطير في الجو.....ليه هو انا ساحر ..يا عم صلي !!

وكانت الناس هناك بتعاني من مشكله اليمه ومريره ...ولازم يختروعولها حل

مهما كلف الثمن


طوماس ايديسون مخترع اللمبه...قعد 9999 - تسع الاف وتسعمئه وتسعه وتسعين مره يحاول في اختراع اللمبه

واخترعها في المره ال 10000 ..وقالك : ايزي يا جماعه انا مكنتش بفشل ولا حاجه ..ده انا كنت بتعلم طرق فاشله بس .. اتس اوكي يعني :)

الراجل كان بيعاني من مشكله الضلمه بليل....والقمر مكانش بيجي عندوا كتير عشان هو ساكن في منطقه منيله بنيله

قالك لازم اشوف حاجه بتنور بليل

واخترعها


اذا نظرت للامر.....ستجد ان تفكير الناس انذاك ..في شيء ما .. يتم عمله مستحيل


هات واحد بردو من الفين سنه ..وقوله هوريك حاجه بتطير في الجو ..واول حرف منها ط

مش هيصدق.. قول لواحد هجبلك ضوء بليل تحطه في اي حته من غير نار

مش هيصدق ..ويقولك ازااااي """""" مستحيييييل """""""

اذا مستحيل هذه هي كلمه الفشل مع سبق الاصرار والترصد


لو كان كل واحد فيهم قال مستحيل ..مكانش لقيت الجهاز الي انت قاعد عليه وبتقرا الي انا بكتبه ده دلوقتي


دعوه :

انا كان نفسي اطلع فيزيائي عشان انفذ مشروع في دماغي...وعارف انه مش مستحيل

يا ريت اي حد يعرف فيزيائي كبير او عالم فيزياء يخليه يقرا المقاله ويفكر في المشروع الي هقولهوله

المشروع ك الاتي :

الصوت كان مشكله انه يوصل لبعيد

وبلوغ القمر كان شيء مستحيل

وتصوير شيء ما حدث بالفعل..كان امر في غايه الاستحال " اختراع الكاميرا "

وغيرها وغيرها كانت حلول لمشاكل

ومشكلتنا اليوم الكبرى

هي مشكله التنقل...

مثال ..الراجل الي عمته في السعوديه اول واحد اتكلمنا عليه فوق خالص

فالنفترض ...ان عمته جابتله المروحه ...وعايزه توديهاله اليمن

طبعا لازم المروحه تروح للشحن في بريد او طياره او ما الي ذالك

وتعدي علي المطار والمطار يفتشها ..ويروح الراجل مطار اليمن و و و و

الفكره نفسها بقي : زي ما في اختراع الموبايل الي بيوصل صوتك من هنا لهناك في لحظه

في المستقبل القادم ..وهو قريب..سيخترع شيء ينقل الاشياء من هنا لهناك في لحظه

وهي عايزه دراسه للفيزياء.......والي هيحصر تفكيره في حلها هيخترعها

وبكره تلاقي الناس بتتنقل بالسفر في ثواني ...

وتكون مشكله كبري اتحلت

طبعا الكل لما يعرف الفكره هيقولك ايه

" مستحيل "

ولكن انا اعلم تماما

انه

" لا يوجد مستحيل سوى مستحيل واحد ..وهو استحاله وجود المستحيل "

هشام عفيفي








اول هاتف محمول

بس مستحيل يبقى اسمك هشام عفيفى مش كدة برده يا كابوس اليل عشان انا "هشام"
هههههههههههههههههههههه
بهزر معاك
والله جامدة جدا
وطريقتك جميلة جدا
بس تفتكر موضوع التنقل ده هاينفع فى مصر والمرور المصرى هايتعامل معاه ازاى
والعشوائية اللى فى شوارعنا
الله ينور عليك وعلى افكارك
تقبل تحياتى