مشكلة فى الاوبترا : تزييق من قدام بعد ال 100
السلام عليكم
ازيكم يا اوبتراوية
وانا راجع انهاردة من الغردقة كان فيه هوا جامد جدا جدا
فى اول الطريق كان كل حاجة تمام
بعد حوالى ساعة او ساعتين
بدأت اسمع صوت تزييق من داخل العربية بس مش من ناحيتى من ناحية اليمين
يعنى من الناحية اللى جنب السواق
والصوت جاى من قدام مش عارف بقى ده صوت من الزجاج ولا من ايه بالظبط
بس الصوت مش بيبان على السرعات القليلة
بيبدأ يبان بعد ال 90 او ال 100
وكمان لازم يكون فيه طلعات ونزلات على خفيف علشان يبان الصوت ( يعنى الطريق ما يكونش مستقيم لدرجة كبيرة )
يعنى اول ما العربية تبدأ فى الرجرجة يبدأ صوت التزييق يبان
انا مش عارف الصوت ده من ايه وهو خطر ولا ايه
والمشكلة كمان انى مش قادر احدد الصوت جاى منين بالظبط
لكن اللى متأكد منه انه من على اليمين ومن جوه العربية
حد عنده فكرة عن المشكلة ديه ؟