هل الأكسنت الأتوماتيك 2010 كويسة و خالينى مانيوال

**alaa_nadder** · 12-07-2010 09:10 AM

أنا أن شاء الله ناوى أشترى أكسنت جديد . بفكر أجيب أوتوماتك على أساس الراحة بس عايز حد يطمننى يكون جربها فترة .

شكرا جزيلا ليكو يا جماعة

**hamdy** · 12-07-2010 09:44 AM

انا سامع ا ن الاوتو بتاعها ممتاز عن المانوال كمان
بس ياريت تستني لما يرد عليك حد من صحاب العربية

**Ayman-Ahmed** · 12-07-2010 01:00 PM

العربية بسم الله ما شاء عليها بعد 12000كم بالعربية

ناعمة-جراية-حجمها الصغير مخليها فى الغرز جميلة.ثبات لحد ال 160 وده انا مجربه بنفسى على الدائرى.

العفشة ورا على دونجل فده اللى بيدى احساس بنشوفية شوية بس مدى ثبات اكتر والحمد لله.

الار بى ام لما يوصل 4 وانت حارق صوت الموتور بيعلى لكن لو بتشد تطلع من حد الصوت عادى.

مهندسى التوكيل قاللولى بدل الكيك داون استعمل زرار الاوفر درايف لو عاوز تطلع من حد مع سنة بنزين وده ممتاز فى السحب.

لما ربنا يوفقك ان شاء الله وتجيبها حافظ على الصيانات وارشحلك فرع قليوب.(بعيد شوية بس ناس ممتازة).

وربنا يوفقك ويسترها معانا جميعا ان شاء الله

**alaa_nadder** · 12-07-2010 02:01 PM

شكرا و ربنا يبارك فيك يا باشا و أن شاء الله خير طمنتنى

**Ayman-Ahmed** · 12-07-2010 02:03 PM

المشاركة الأصلية كتبت بواسطة alaa_nadder

شكرا و ربنا يبارك فيك يا باشا و أن شاء الله خير طمنتنى

لا شكر على واجب.وربنا يوفقك وربنا يطمننا جميعا.

**ahmedtr9989** · 12-07-2010 04:33 PM

المشاركة الأصلية كتبت بواسطة emo_ayman

العربية بسم الله ما شاء عليها بعد 12000كم بالعربية

ناعمة-جراية-حجمها الصغير مخليها فى الغرز جميلة.ثبات لحد ال 160 وده انا مجربه بنفسى على الدائرى.

العفشة ورا على دونجل فده اللى بيدى احساس بنشوفية شوية بس مدى ثبات اكتر والحمد لله.

الار بى ام لما يوصل 4 وانت حارق صوت الموتور بيعلى لكن لو بتشد تطلع من حد الصوت عادى.

مهندسى التوكيل قاللولى بدل الكيك داون استعمل زرار الاوفر درايف لو عاوز تطلع من حد مع سنة بنزين وده ممتاز فى السحب.

لما ربنا يوفقك ان شاء الله وتجيبها حافظ على الصيانات وارشحلك فرع قليوب.(بعيد شوية بس ناس ممتازة).

وربنا يوفقك ويسترها معانا جميعا ان شاء الله

أنا و الحمد لله ...يعني نويت أشتري العربية دي و أوتوماتيك ..... ياترى ممكن تقولي الفرق بين الرياضية و الغير رياضية
أيضاً قولي مكان ممكن أشتريه منه ....و هل التوكيل وﻻ المزع يكونوا أفضل
و جزاك الله خيرأ

**Ayman-Ahmed** · 12-07-2010 08:19 PM

المشاركة الأصلية كتبت بواسطة ahmedtr9989

أنا و الحمد لله ...يعني نويت أشتري العربية دي و أوتوماتيك ..... ياترى ممكن تقولي الفرق بين الرياضية و الغير رياضية
أيضاً قولي مكان ممكن أشتريه منه ....و هل التوكيل وﻻ المزع يكونوا أفضل
و جزاك الله خيرأ

ربنا يوفقك ان شاء الله.

اللى معايا الشكل العادى مش السبورت لان شكلها بصراحة مش عاجبنى.الفرق شكل فقط مش امكانيات يعنى الموتور والصالون واحد.

اشتريت من سمير ريان اللى فى امتداد رمسيس.التامين هو اللى ممكن يفرق معاك.يعنى لما امنت عملته مع الشركة اللى بيتعامل معاها سمير ريان وفى ناس بتامن مع غبور وانا مش شايف اى فروق غير ان مع غبور فى حالة الحوادث لا قدر الله مبيستنوش شيك التامين عشان يخرجوا العربية.وده من كلام موظفى غبور والله اعلم من الصادق.

ربنا يوفقك ان شاء الله.وييسترها معانا جميعا.

**attaromar** · 23-07-2010 06:18 PM

المشاركة الأصلية كتبت بواسطة emo_ayman

ربنا يوفقك ان شاء الله.

اللى معايا الشكل العادى مش السبورت لان شكلها بصراحة مش عاجبنى.الفرق شكل فقط مش امكانيات يعنى الموتور والصالون واحد.

اشتريت من سمير ريان اللى فى امتداد رمسيس.التامين هو اللى ممكن يفرق معاك.يعنى لما امنت عملته مع الشركة اللى بيتعامل معاها سمير ريان وفى ناس بتامن مع غبور وانا مش شايف اى فروق غير ان مع غبور فى حالة الحوادث لا قدر الله مبيستنوش شيك التامين عشان يخرجوا العربية.وده من كلام موظفى غبور والله اعلم من الصادق.

ربنا يوفقك ان شاء الله.وييسترها معانا جميعا.

انا معايا برضه اكسنت اوتو بس بعد موضوع الاوفر درايف و نيتي اني افتح الموتور العربية اداءها متغير معايا شوية و حاسس انها شوية ممكن تسحب معايا و شوية تبقى عايزاني اوقف الاوفر درايف زي متكون ادمنت الاوفر درايف off و خصوصا بعد ما و صلتها "بمساعدو الاوفر درايف off " ل حوالي 5600 ار بي ام....هل بقى العربية معاك بتديك نفس الاحساس ولا انا متهيألي؟