صباح الفل يا لوجاناوية ايه الأخبار ؟؟
انا عربيتي عاملة 1400 كيلو بس انا حاسس ان العفشة ناشفة اقل حفرة او مطب صغير بحس بالهبدة جامد مش ناعمة ايه رأيكم في الكلام ده؟
عرض للطباعة
صباح الفل يا لوجاناوية ايه الأخبار ؟؟
انا عربيتي عاملة 1400 كيلو بس انا حاسس ان العفشة ناشفة اقل حفرة او مطب صغير بحس بالهبدة جامد مش ناعمة ايه رأيكم في الكلام ده؟
ضغط الكاوتش عندك مش مظبوط
المفروض يبقى 29 قدام، 32 ورا،
العربيه لسه فى مرحلة التليين
طبيعى لازم تلاقى العفشه ناشفه شويه
لسه اللايات هتتطرى
بعد ال 15 الف تحديد هتلاقى العفشه بقت نعمه جدآ
واضبط الكاوتش زي ما قالك
عشان ممكن تلاقى الضغط عالى
اضبطهم فى اي بنزينه نضيفه
ولو لاقيت فى البنزينه نيتروجين خليه ينفخ الاربع فرد نيتروجين مش اكسجين
عشان النيتروجين جميل فى الكاوتش اما جربته
وبيخلى العربيه ناعمه فى المطبات والنقر مش بيهبد فى العفشه
ظبط الكاوتش و الدنيا هتبقى فل
الكلام الي فات دا كله صح وربنا يباركلك فيها عربية عسل
طيب انا حاطط نتروجين في الكاوتش بس برده بحس باي خبطه في العربية بتهبدني لفوق و تحت حاسس انها ناشفة
هو طيب النتروجين ليه ظبط معين و لا ايه ؟ اصل بجد معقدني الموضوع ده بحس العربية مش ناعمة كده زي باقي العربيات اللي بركبها
ازاى 20 الف !!!
انا عربيتى عامل بيها 17 ألف والعفشه بقت ناعمه جدآآآآآآآآآآآآآ
!!!!!!!!!!!!!!!
السلام عليكم
حضرتك بص في تابلوه العربية حتلاقي ضغط الاطارات الاربعة متحدد بالبار سواء 30 او اقل او اكتر وده القياس اللذي ينصح به المصنع
اما عن القياس اللي الاخوه ذكروة اظن انه مش سليم لأن احنا حاليا في فصل الصيف والضغط 32 عالي جدا
نصيحة قالهالي خبير سيارات ضبط الاطارات لا يزيد عن 30 بار الا في حالة وجود احمال في المقعد الخلفي للسيارة او وزن كبير بشنطة السيارة و اثناء السفر فيجوز ضبط الاطارات الخلفية علي 32 وذلك كله شتاءا اما صيفا بتقلل من درجة الي درجتين
من الافضل ان حضرتك تروح التوكيل وتقول مشكلتك وخليهم هما يضبطوا الكاوتش باجهزتهم لأن معظم البنزينات مقياس الضغط بتاعهم غير سليم لأنه مبيحصلوش معايرة بشكل دوري
اما بالنسبة للأخ اللي بيقول ان العفشة بتنعم بعد الاستخدام الطويل هو اللي بيحصل ان مع الاستخدام العفشة بتاخد وضعها السليم و مش بتنعم ولا حاجة و ثانيا انت بتكون اتعودت علي العربية و بالتالي مبتحسش بخشونة السيارة الا لو ركبت عربية من نوع تاني بتلاحظ الاختلاف
ضغط العجل اللى انا قولته مكتوب على باب السياره
وفعلآ ورا الضغط تقيل لان الشنطه بتاعة اللوجان كبيره ويعتبر عاليه من ورا واكيد تقيله
عشان كده كاتبين زي ما انا قولت 32 خلفى
لكن مش مكتوب فى الشتاء كام وفى الصيف كام
وثانيآ العفشه بتنعم مع الاستخدام
اي عربيه زيرو لازم تكون عفشتها ناشفه شويه فى الاول
بعد التليين العفشه بتاخد وضعها الطبيعى اللى المفروض تكون عليه
ولذلك بتكون انعم من الاول
لان اللايات والمساعدين بتاخد وتدى
بدليل ابقى اضغط على اي جنب عربيه زيرو اول ما تجيبها
هتلاقيها بتنزل لتحت بالعافييييه
تعالى فيما بعض اضغط عليها بأيد واحده هتلاقيها ملبل
وثالثآ انا عن نفسى ضابط الكاوتش فى البنزينه نيتروجين
وكانو لسه شاريين الجهاز مش بقالو اسبوع
جهاز بمبلغ خرافى وعداد القياس ديجيتال حديث جدآ ومعتقدش انك هتلاقيه فى التوكيل
عشان كده بقوله روح لبنزينه نضيفه
على العموم صباحك فل يا باشا
فين تابلوه العربية اللى متحدد فيه الضغط ده ؟؟؟ و بعدين انهو مصنع بتاع انهى عربية اللى بينصح ب 30 ؟؟:dzey:
ثانيا خبير السيارات اللى قالك على النصيحة ده بيفهم احسن من اللى صمم و صنع العربية ؟؟:B4_592:
ثالثا : ضغط 30 وحدته حاجة اسمها (psi) اما البار اللى انت بتقول عليه ده بيساوى 14.7 psi
يعنى خبير السيارات بتاعك عايزنا نظبط ضغط الكاوتش على 441=30x14.7
:B4_388::B4_388:
بصراحة اول مرة اشوف واحد بيشتكي من ان عفشة اللوجان ناشفة . ده بالعكس بيقولوا انها عاشقة المطبات . و العربية معايا و مع كل ملاكها ما شاء الله .
حضرتك بتقول ان العربية عامله معاك 20000 كم و دي مسافة تخليك خبير في العربيات . عموما العفشة تبان لما تكون بتعدي مطب و بالذات زي مطبات مصرنا الحبيبة لما تكون العفشة حلوه تلاقي العربية عدت من المطب دون ان تشعر بيه ( و كأنك علي ريش نعام ) اما ان كانت العفشة وحشة بتحس انك اخذت المطب في نافوخك ( عذرا علي التشبيه ) بمعني لو انت خارج العربية و شفتها بتعدي مطب تلاحظ ان جسم العربية ثابت و ان العجل بس هو اللي بيعدي المطب . اما في العفشة السيئه بتلاقي العربية كلها بتتهبد و هي بتعدي المطب . و كذلك في الطرق الغير ممهدة تلاقي العربية كلها بتترعش عكس العفشة لما تكون كويسة تلاقي العربية ثابته الي حد ما .:satelite:
اناعامل5000ك ةباحس ساعات انةناشفةوالمطباتصعبةلية
السلام عليكم
متشكر جدا للأسلوب الراقي اللي بترد بيه و حقولك حاجة بسيطة جدا قد يكون المشارك بالرد اتلخبط و عديت عليه انه يذكر المعلومة او انه فعلا لا يعرف الفرق بين المصطلحين فتقوم مستهزأبيه و مستعرض عليه و بعدين اي عربية محترمة بيكون في درج التابلوه ملصق بيبين الضغط المناسب للكاوتش
و لا استهزاء و لا حاجة كل ما فى الموضوع انك اتكلمت كأنك احد علماء السيارات رغم ان كل اللى انت قلته كلام بدون اى اساس او مرجع علمى (يعنى حكاوى القهاوى) لذا لزم الرد
السلام عليكم ورحمة الله
و الله يا شباب انا عامل حوالى 5700 كيلو بالسيارة و لسة عمل صيانة ال5000 لها ولكن اعتقد أيضا ان عفشة السيارة ناشفة نسبباً مع اننى دائم مراجعة الضغط للكاوتش زى الكتالوج ما بيقول.