الى الخبراء فى طرق ومسالك القاهرة

**Mohamed_Hegazy** · 24-02-2008 08:55 PM

فين ياجماعه يا اللى من القاهرة!!

**electroman** · 24-02-2008 10:10 PM

المشكلة مع اطفال صغار ان الاختيارات بتبقى محدودة .. عموما الاولاد اكتر حاجة يحبوها حديقة الحيوان
و لو انها فى حالة يرثى لها و حتى الحيوانات جالها اكتئاب من البنى ادمين ! .. طبعا افضل لونابارك
هو دريم بارك و عيبه الدخول غالى جدا و ممكن مكان اسمه " فجنون " على ترعة المريوطية فيه انشطة فنية للاطفال ..

كما سمعنا تم تم تطوير جزء من منطقة القاهرة الاثرية و اهم شوارعها شارع المعز لدين الله الفاطمى و طبعا منطقة
الحسين و الفيشاوى .. شى لله يا حسين و ان كان ده مش مناسب قوى للاطفال .. عندك كمان حديقة الاسماك فى الجزيرة و طبعا
الاهرام لو كانوا مرحوهاش قبل كده .. اصعب حاجة تلاقى اماكن باركنج .. و تمنياتى باوقات سعيدة ..

**Hossam_Hassan** · 24-02-2008 10:12 PM

ممكن كمان توديهم متحف الطفل اللى فى مصر الجديدة، لذيذ جدا

**Mohamed_Hegazy** · 24-02-2008 11:21 PM

الاستاذ electroman و Hossam_Hassan
شكرا ليكم انا قررت على دريم لاند إن شاء الله بس عايز وصف الوصول لها من اتجاه المنصورة - لاننى ماعنديش خبرة فى السواقة فى مصر عموما والقاهرة خصوصا

**د.أحمد سمير** · 24-02-2008 11:27 PM

طريق الوصول إلى دريم بارك من المنصورة ..
أنت تسلك الطريق الزراعي ، عند الطريق الدائري اطلع يمين في اتجاه الجيزة والمحور والصحراوي ، مش شمال ناحية مدينة السلام وطريق الإسماعيلية ومدينة نصر .
المهم هتمشي حوالي 18 كم وستجد منزل الطريق الصحراوي .. ملكش دعوة بيه .. كمل في الدائري طوالي هتنزل في أكتوبر على طريق الواحات جنب دريم بارك على طول حوالي 5كم من تقاطع الدائري مع اسكندرية الصحراوي . . المسألة متتوهش خالص ..

**Mohamed_Hegazy** · 24-02-2008 11:32 PM

شكرا د.أحمد سمير وربنا ييسر الاحوال

**د.أحمد سمير** · 25-02-2008 02:18 AM

العفو وأي خدمة ، ولو جيت القاهرة كلمني وأنا أدلك على أي طريق أو مكان ترغب في الوصول إليه وأي نصيحة أنا سداد ..
تقبل خالص مودتي
سأرسل لك تليفوني على الخاص